జగన్ మాట మార్పుతో ఎస్సీ,ఎస్టీ, బీసీలకు రూ. లక్షా 5వేలు నష్టమన్న చంద్రబాబు..!

తెలుగుదేశం పార్టీకి 45 ఏళ్లకే పెన్షన్ ఇస్తానన్న జగన్ హామీ అస్త్రంలా దొరికింది. దాన్ని ప్రజల్లోకి తీసుకెళ్లేందుకు చేయాల్సినదంతా చేస్తోంది. పాదయాత్రలో జగన్ చేసిన ప్రకటన… వీడియోలు.. పేపర్ కటింగులు.. సోషల్ మీడియాలో విస్తృతంగా ప్రచారం చేస్తున్నారు. ఇక చంద్రబాబు దగ్గర్నుంచి అందరూ… అదే టాపిక్ పట్టుకుని రంగంలోకి దిగిపోయారు. ముగ్గురు టీడీపీ ఎల్పీ ఉపనేతల్ని సస్పెండ్ చేయడంతో.. సమాధానం చెప్పలేకే చేశారంటూ బలమైన వాదన వినిపిస్తున్నారు. 45 ఏళ్లకే పింఛన్‌ ఇస్తామని చెప్పుకుంటూ.. జగన్‌ రాష్ట్రమంతా తిరిగారు. ఎస్సీ, ఎస్టీ, మైనార్టీలు ఆశపడి ఓట్లు వేశారని.. జగన్‌ ఎందుకు మాట నిలబెట్టుకోవడం లేదని ప్రతిపక్ష నేత చంద్రబాబు ప్రశ్నల వర్షం కురిపించారు. పేదలను రూ.లక్షా 5 వేలు మోసం చేస్తున్నారని మండిపడ్డారు. ఇచ్చిన హామీ అమలు చేయాలని అడిగితే.. ముగ్గురు డిప్యూటీ లీడర్లను సస్పెండ్‌ చేశారని.. ఇది పులివెందుల పంచాయితీనా అని చంద్రబాబు ప్రశ్నించారు.

ప్రతిపక్షానికి మైక్‌ ఇవ్వకుండా ఏకపక్షంగా అసెంబ్లీ నడుపుతున్నారని.. బీసీ నాయకుడిని సస్పెండ్‌ చేసి.. బీసీ బిల్లు పెట్టి ఎలా న్యాయం చేస్తారని చంద్రబాబు ప్రశ్నిస్తున్నారు. వైసీపీ నేతల వేధింపులు తట్టుకోలేక.. ఆశావర్కర్లు, అంగన్‌వాడీలు ఆత్మహత్య చేసుకుంటున్నారని మండిపడ్డారు. ఆమంచి వేధింపులు తాళలేక వెంకటేశ్వర్లు అనే వ్యక్తి.. మీడియా ఎదుటే ఆత్మహత్యకు యత్నించాడని గుర్తు చేశారు. పాదయాత్రలో జగన్‌ 255 హామీలు… మేనిఫెస్టోలో అదనంగా 65 హామీలు ఇచ్చారని.. ఇచ్చిన హామీలు నిలబెట్టుకోవాలని అడుగుతున్నామని చంద్రబాబు స్పష్టం చేశారు. ప్రశ్నిస్తూంటే డిప్యూటీ లీడర్లను సస్పెండ్‌ చేసి తప్పించుకోవాలనుకుంటున్నారని చంద్రబాబు మండిపడ్డారు. మీకు బీసీల మీద ప్రేమ ఉంటే.. బీసీ బడ్జెట్‌ ఎందుకు తగ్గించారో చెప్పాలన్నారు. అన్నింటిలో రిజర్వేషన్లు అంటూ మాయమాటలు చెబుతున్నారని.. దేవాదాయశాఖలో రిజర్వేషన్లు ఎందుకు పెట్టరని ప్రశ్నించారు. టీడీపీ ప్రభుత్వ హయాంలో.. నాలుగేళ్లలో బీసీలకు రూ.4,800 కోట్లు పెట్టామని గుర్తు చేశారు.

జగన్‌ చేసేవన్నీ తప్పుడు విధానాలేనని … రాష్ట్రంలో రైతుల పరిస్థితి దయనీయంగా మారిందని చంద్రబాబు ఆవేదన వ్యక్తం చేశారు. రూ. 24 వేల కోట్ల రుణమాఫీ చేసి రైతులకు భరోసా ఇచ్చామని.. చివరి విడత నిధులకు అన్ని ఏర్పాట్లు చేసినా… రుణమాఫీ విడుదల చేయకుండా రైతులకు అన్యాయం చేశారని మండిపడ్డారు. అసెంబ్లీ జరుగుతున్న సమయంలోనే.. రోజుకు ఐదారుగురు రైతులు ఆత్మహత్య చేసుకుంటున్నారని విమర్శలు గుప్పించారు. టీడీపీ హయాంలో ఇసుక తీసుకోవాలంటే.. ఎవరి దయాదాక్షిణ్యాలు అవసరం ఉండేది కాదని … జగన్‌ వచ్చి 60 రోజులు కాకుండానే.. ఇసుక రేట్లు విపరీతంగా పెరిగిపోయాయన్నారు. భవన నిర్మాణ కార్మికులు రోడ్డెక్కారని విమర్శలు గుప్పించారు. ఇచ్చిన హామీని అమలు చేయలేని వైసీపీ దద్దమ్మలు.. ప్రశ్నిస్తే మాత్రం రెచ్చిపోతున్నారని మండిపడ్డారు. 45 ఏళ్లకే పెన్షన్ విషయంలో.. వైసీపీ ఇబ్బందుల్లో పడినట్లే కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జగన్ సలహాదారులు కి కనీస అవగాహన లేదా ?

ఎస్‌ఈసీగా రమేష్‌కుమార్ తొలగింపు వ్యవహారంలో హైకోర్టు ఇచ్చిన తీర్పు నేపధ్యలో ప్రతిపక్షపార్టీల నేతలు..జగన్మోహన్ రెడ్డి రాజీనామాకు డిమాండ్ చేస్తున్నారు. రాజ్యాంగ విరుద్దంగా ఆర్డినెన్స్ ఇచ్చి... రాజ్యాంగ ఉల్లంఘనకు పాల్పడ్డారని.. పదవిలో ఉండే అర్హత...

దేశం ఆశ్చర్యపోయేలా తెలంగాణ ప్రజలకు తీపి కబురు: కేసీఆర్

తెలంగాణ సీఎం కేసీఆర్.. తెలంగాణ ప్రజలకు త్వరలో ఓ తీపి కబురు చెబుతానని ప్రకటించారు. ఈ మాట ఆయన మామూలుగా చెప్పలేదు. దానికో విశేషణం జోడించారు. అదేమిటంటే.. తాను చెప్పబోయే తీపి కబురు...

బాల‌య్య ఇష్యూ: కేసీఆర్‌పై నెట్టేశారుగా!

`ఇండ్ర‌స్ట్రీ స‌మావేశాల‌కు న‌న్ను పిల‌వ‌లేదు` అన్న బాల‌య్య మాట - ప‌రిశ్ర‌మ‌లో కొత్త వివాదానికీ, కాంపౌండ్ రాజ‌కీయాల‌కు కేంద్ర బిందువు అయ్యింది. బాల‌య్య‌ని పిల‌వ‌క‌పోవ‌డం త‌ప్పే అని ప‌రిశ్ర‌మ‌లో చాలామంది పెద్ద‌లు తేల్చేస్తున్నారు....

ద‌ర్శ‌కేంద్రుడి ‘కాన్సెప్ట్’ ఏమిటి?

న‌మోః వేంక‌టేశాయ త‌ర‌వాత మ‌ళ్లీ మెగాఫోన్ ప‌ట్ట‌లేదు ద‌ర్శ‌కేంద్రుడు. ఆయ‌న సినిమాల‌కు దూరంగానే ఉంటూ వ‌చ్చారు. ద‌ర్శ‌కేంద్రుడు రిటైర్ అయిపోయార‌ని, ఆయ‌న ఇక సినిమాలు చేయ‌ర‌ని వార్త‌లొచ్చాయి. కానీ ఓ మంచి సినిమా...

HOT NEWS

[X] Close
[X] Close