దీక్షకు దీటైన పాచిక లేని టిడిపి

ఎపిలోనే గాక ఢిల్లీలోనూ రాష్ట్ర రాజకీయాలు టీడీపీ వైసీపీ వ్యూహాలు ఆసక్తి రేకెత్తిస్తున్నాయి. సభ నిరవధికంగా వాయిదా పడిన తర్వాత ప్రతిపక్షాలన్నీ బయిట హారంగా నిలబడ్డాయి. తమాషాగా అవిశ్వాసం నోటీసు మొదట ఇచ్చిన వైసీపీ, దాన్ని చర్చకు రాకుండా చేయడానికి సహకరించిన అన్నా డిఎంకె మాత్రమే ఈ హారంలో పాలుపంచుకోలేదు. దీనిపై సాక్షి చర్చలో దీన్ని ప్రస్తావిస్తే కొమ్మినేని శ్రీనివాసరావుతో కాస్త వాదన జరిగింది. ఆంధ్రజ్యోతి లో ఏం రాశారో ఆయన చెప్పారు. మరి వైసీపీ పాల్గొనలేదని వీరెందుకు రాయలేదని నేను అడిగాను. వైఎస్‌ఆర్‌ ఫోటో వేసుకుని నడుపుతున్నారు గనక అలా చేయొచ్చునని ఆయన సమర్థన. బిజెపిని వ్యతిరేకం చేసుకోరాదు గనకే దూరంగా వున్నారన్నది స్పష్టం. జగన్‌ చంద్రబాబు ప్రభుత్వంపై తెలుగుదేశంపై విమర్శలు చేయొచ్చు గాని కేంద్రం నిరాకరణను నిశితంగా విమర్శించకపోతే విశ్వసనీయత రాదు. తాము ఇంత కాలం హౌదా సమస్యను సజీవంగా వుంచినందుకే చంద్రబాబు యు టర్న్‌ తీసుకున్నారని వైసీపీ చెబుతున్న మాట. ఇలాటి సమయంలో వైసీపీ మోడీ ప్రభుత్వంపై రాజకీయంగా దృఢ వైఖరి ప్రదర్శించలేకపోవడం టిడిపి వ్యూహాలకే అవకాశమిస్తున్న ది. అదే మాట నేను సాక్షి తెరపైనే చెప్పాను.

లోక్‌సభ వాయిదా తర్వాత వైసీపీ ఎంపిలు రాజీనామా చేయడం, ఎపి భవన్‌లో నిరవధిక నిరాహారదీక్ష ప్రారంభించడం వేడి పెంచింది. దానికి దీటుగా కనిపించడం కోసం టిడిపి నానా పాట్టు పడాల్సి వచ్చింది. నాలుగేళ్లుగా ప్రభుత్వంలో కొనసాగిన టిడిపి ఎంపిలు సభ ముగిశాక ప్రధాని కూచునే ఖాళీ స్థానం దగ్గర తర్వాత స్పీకర్‌ కార్యాలయంలో నిరసన తెలిపి మార్షల్స్‌ తొలగింపునకు గురికావడం అందులో భాగమే. ముఖ్యమంత్రి చంద్రబాబు నాయుడు వారందరినీ ఢిల్లీలోనే వుండమని ఆదేశించారట. తన ఢిల్లీ యాత్ర ఫలితాల కొనసాగింపుపై ఆయన అఖిలపక్షం ఏర్పాటు చేసి సమాచారం పంపగా దాదాపు అన్ని పార్టీలూ తిరస్కరించాయి. రాజకీయంగా తెలుగుదేశం కాంగ్రెస్‌కు దగ్గరవుతున్నదనే సంకేతాలు రావడం పట్ల ఎపిసిప అద్యక్షుడు రఘువీరారెడ్డి ి ఆందోళన చెంది తమకు ఎలాటి పొత్తు వుండబోదని స్పష్టం చేసేందుకు ప్రయత్నాలు ప్రారంభించారు. . వైసీపీ నేతలు బిజెపితో కలసి పోతున్నారని చెప్పడానికి టిడిపి అనుకూల మీడియా కేంద్రీకరించి ప్రసారాలు చేస్తున్నది. చంద్రబాబు ఢిల్లీలోచక్రం తిప్పిన రోజుల గురించి ఆయన వందిమాగధులు ప్రచారం చేయడమే గాని అప్పటి వలె ఆయనకు అండగా నిలబడే హరికిషన్‌ సింగ్‌ సూర్జిత్‌ జ్యోతిబాసు వంటి దిగ్గజాలు లేరు. రెండుసార్లు లౌకిక శిబిరం నుంచి బిజెపికి మారడం ద్వారా విశ్వసనీయత దెబ్బతినిపోయింది.ఇప్పుడు ప్యాకేజీ విషయంలో చేసిన విన్యాసాలు మరింత విలువ తగ్గించాయి. అందుకే పెద్ద స్పందన రాలేదు. మీడియాలో వెంటాడిన ప్రశ్నలకు జవాబులు ఇవ్వలేకపోయారు. నెల రోజులుగా అరిగిపోయిన రికార్డులాగా ఆయన ఒకే కథ వినిపిస్తున్నా వినేవారు లేకపోవడం స్వయం కృతాపరాధమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్ళీ సునామీ వచ్చి మనం కొత్తగా పుట్టాలి: శేఖర్ కమ్ములతో ఇంటర్వ్యూ

'ఫిదా' తో మళ్ళీ లైమ్ లైట్ లోకి వచ్చారు శేఖర్ కమ్ముల. అయితే ఫిదా తర్వాత మళ్ళీ శేఖర్ నుంచి సినిమా వచ్చి మూడేళ్ళు గడిచిపోయింది. కరోనా కారణంగా లవ్ స్టొరీ వాయిదా...

టిక్కెట్లు ప్రభుత్వమే అమ్మినా పర్వాలేదు.. రేట్లు పెంచండి !

తామే టిక్కెట్లను ఆన్‌లైన్ ద్వారా అమ్మాలని కోరామని పేర్ని నానితో సమావేశం అయిన తరవాత టాలీవుడ్ నిర్మాతలు ప్రకటించారు. ఆదిశేషగిరిరావు, సి.కల్యాణ్ వంటి నిర్మాతలు కొంతమంది డిస్ట్రిబ్యూటర్లు, ఎగ్జిబిటర్లతో పేర్ని నానిసమావేశం...

డ్రగ్స్ కేసులో సెలబ్రిటీలపై బలమైన ఆధారాల్లేవు : తెలంగాణ ఎక్సైజ్ శాఖ

తెలుగు సినీ పరిశ్రమ సెలబ్రిటీలు అందర్నీ ఎక్సైజ్ శాఖ ఒడ్డున పడేసింది. ఎవరిపైనా బలమైన ఆధారాలు లేవని కోర్టులో చార్జిషీట్ దాఖలు చేసింది. డ్రగ్స్‌ కేసులో కెల్విన్ ఇచ్చిన స్టేట్‌మెంట్లలో అనేక మంది...

ఎంపీ వర్సెస్ ఎమ్మెల్యే : రాజమండ్రి వైసీపీలోనూ రచ్చ రచ్చ !

రాజమండ్రి టీడీపీలోనే గ్రూపుల గొడవ అనుకుంటే వైసీపీలోనూ అదే పరిస్థితి. గోరంట్లకు టీడీపీ అధినేత ఎలాగోలా నచ్చ చెప్పారు కానీ వైసీపీలో అలాంటి పరిస్థితి కనిపించడం లేదు. రాజమండ్రిని ఆనుకుని ఉండే రాజానగరం...

HOT NEWS

[X] Close
[X] Close