అమెరికాలో ట్రంప్ సన్నిహితుడు, ఆయన భావజాలాన్ని దేశం మొత్తం వ్యాపించేందుకు పర్యటిస్తున్న చార్లీ కిర్క్ ను ఓ దుండగుడు కాల్చి చంపాడు. యూటా వ్యాలీ యూనివర్సిటీ లో ఈ హత్య జరిగింది – కిర్క్ తన “అమెరికన్ కమ్‌బ్యాక్ టూర్”లో భాగంగా యూవర్శిటీ ఈవెంట్‌లో మాట్లాడుతున్నాడు. ఇది 14 నగరాల్లో యూనివర్శిటీల్లో జరుగుతున్న కార్యక్రమం.
కిర్క్ ను ఎందుకు చంపారు ?
విభజన రాజకీయాలు ఎంత ప్రమాదకరమో కిర్క్ హత్య నిరూపిస్తోంది. చార్లీ కిర్క్ యొక్క “అమెరికన్ కమ్‌బ్యాక్ టూర్”కు వ్యతిరేకంగా అమెరికాలోని వివిధ విశ్వవిద్యాలయాల్లో నిరసనలు జరిగాయి. దీనికి కారణం కిర్క్ ది విభజనాత్మక రాజకీయ భావజాలం. ఇమ్మిగ్రేషన్, జెండర్ గుర్తింపు, జాతి సమస్యలు, సామాజిక న్యాయం వంటి అంశాలపై తీవ్రమైన అభిప్రాయాలతో ఉంటాడు. ఈ అభిప్రాయాలు వివాదాస్పదంగా, ద్వేషపూరితంగా ఉంటాయి. కిర్క్ గతంలో జాత్యాంతర వివాహాలు, ట్రాన్స్‌జెండర్ హక్కులు, బ్లాక్ లైవ్స్ మ్యాటర్ ఉద్యమం గురించి వివాదాస్పద వ్యాఖ్యలు చేశాడు. ఇవి విద్యార్థులు , కార్యకర్తలలో అతనిపై ద్వేషాన్ని పెంచాయి. యూనివర్శిటీలో కిర్క్ సభకు అనుమతి వద్దని నిరసనలు జరిగినా అనుమతి ఇచ్చారు.
నల్లజాతీయులు డ్రగ్స్ ఎడిక్టులని కిర్క్ ఆరోపణణలు
బ్లాక్ లైవ్స్ మ్యాటర్ ఉద్యమానికి కారణం అయినా జార్జ్ ఫ్లాయిడ్ మరణం డ్రగ్ ఓవర్‌డోస్ వల్ల జరిగిందని చెప్పడం వివాదానికి దారితీసింది. వీడియో లు స్పష్టంగా ఉన్నా.. కిర్క్ నల్లజాతి వారిపై ఆయన వ్యతిరేక భావజాలం బయటపడిది. కిర్క్ స్థాపించిన TPUSA యువతలో కన్సర్వేటివ్ భావజాలాన్ని ప్రోత్సహించే లక్ష్యంతో పనిచేస్తుంది. ఈ సంస్థ ద్వేషం, విభజన పెంచే కార్యక్రమాలను నిర్వహిస్తోంది. ట్రంప్ కిర్క్ ను బాగా ప్రోత్సహించారు. సమాజంలో విభజన వస్తేనే.. రాజకీయంగా మేలు జరుగుతుందన్న భావనతో కిర్క్ ను ట్రంప్ ప్రోత్సహించారు.
రాంగ్ ట్రాక్ లోకి వెళ్లిన “ప్రూవ్ మీ రాంగ్”
విశ్వవిద్యాలయ క్యాంపస్‌లలో “ప్రూవ్ మీ రాంగ్” పేరుతో కిర్క్ చర్చలు నిర్వహించారు. ఈ చర్చలు తరచూ తీవ్రమైన వాగ్వాదాలకు దారితీశాయి, ఇవి నిరసనలుగా మారాయి. అతను ఎక్కడికి వెళ్లినా.. “నో హేట్! నో ఫియర్! కిర్క్ ఇక్కడు రావొద్దు ” అనే బ్యానర్లు పెట్టేవారు. యూటా వ్యాలీ యూనివర్సిటీ విద్యార్థులు కిర్క్ రాకను నిషేధించాలని ఆన్‌లైన్ పిటిషన్ ద్వారా డిమాండ్ చేశారు, అతని రాక విశ్వవిద్యాలయంలో విభజన అభిప్రాయాలను సృష్టిస్తుందని పేర్కొన్నారు. అయినా అనుమతి వచ్చింది. ఆయన హత్యకు గురైన సమయంలో కూడా ప్రూవ్ మీ రాంగ్ అనే అంశంపై వాదానికి దిగారు.
ట్రంప్ పూర్తిగా విషబీజాల మీద రాజకీయం చేస్తున్నారు. ఫలితంగా ఆయనపైనే ఓ సారి హత్యాయత్నం జరిగింది. బయటపడ్డారు. కిర్క్ బయటపడలేకపోయారు. రాజకీయ హత్యలు చేయాలన్నంత ద్వేషం ఇతరులపై పెంచడం వల్లనే ఇలాంటి పరిణామాలు వస్తున్నాయి. ఇది అమెరికాను మరింత క్లిష్టపరిస్థితుల్లోకి నెట్టనుంది.
