మేయర్‌ను హత్య చేసినట్లు ఒప్పుకున్న చింటూ

హైదరాబాద్: ఆంధ్రప్రదేశ్‌‍లో సంచలనం సృష్టించిన చిత్తూరు మేయర్ అనూరాధ హత్యకేసులో ప్రధాన నిందితుడు చింటూ తన నేరాన్ని అంగీకరించాడు. చిత్తూరు జిల్లా ఎస్‌పీ ఘట్టమనేని శ్రీనివాస్ ఇవాళ ఆ కేసు తాజా వివరాలను మీడియాకు వెల్లడించారు. ఆరునెలల నుంచే కఠారి అనూరాధ, ఆమె భర్త చింటూలను హత్యచేయటానికి చింటూ కుట్ర పన్నినట్లు తెలిపారు. రెండుసార్లు రెక్కీ కూడా నిర్వహించినట్లు వెల్లడించారు. మూడోసారి అతను విజయవంతమయ్యాడని చెప్పారు. ఈ కేసులో ఇప్పటివరకు 23 మందికి ప్రమేయం ఉన్నట్లు నిర్ధారించామని, 20 మందిని అరెస్ట్ చేశామని తెలిపారు. మిగతా ముగ్గురిని కూడా త్వరలోనే అరెస్ట్ చేస్తామని చెప్పారు. ఈ కేసులో 7 రివాల్వర్లు, 13 కత్తులు, 31 బుల్లెట్లు స్వాధీనం చేసుకున్నట్లు తెలిపారు. విచారణ కొనసాగుతోందని చెప్పారు. మరోవైపు, తనను క్రిమినల్‌గా చూపించి తనకు పెళ్ళి కాకుండా చేశారని, అందుకే వారిని హతమార్చానని చింటూ పోలీసుల విచారణలో చెప్పినట్లు తెలుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com