బి ది రియల్ మేన్ – పేరుతో సోషల్ మీడియాలో ఓ ఛాలెంజ్ నడుస్తోంది. ఇంటి పనులు చేస్తూ… ఆ వీడియోని పోస్ట్ చేసి, మరి కొంతమందికి ఛాలెంజ్ విసరడం దీని వెనుక ఉన్న ఉద్దేశ్యం. ఎన్టీఆర్ కూడా ఇలాంటి వీడియోని పోస్ట్ చేశాడు. చిరంజీవి, నాగార్జున, వెంకటేష్, బాలకష్ణలకు ఈ ఛాలెంజ్ పాస్ చేశాడు. ఆ ఛాలెంజ్ ని స్వీకరించిన చిరు.. దాన్ని ఇప్పుడు పూర్తి చేశారు.
వాక్యూమ్ క్లీనర్ తో ఇల్లు శుభ్రపరిచిన చిరు.. ఆ తరవాత వంట గదిలో దూరి పెసరెట్టు ఉప్మా వేశారు. ఏదో వీడియో కోసం గరెట తిప్పడం కాకుండా.. నిజంగా పెసరెట్టు ఉప్మా వేయడంలో ఉన్న తన అనుభవాన్నంతా రంగరించి మరీ వంటింట్లో.. చెలరేగిపోయారు. పెసరెట్టు ఉప్మా రెడీ అయ్యాక తన తల్లి అంజనాదేవికి వడ్డించి, దగ్గరుండి తినిపించారు. ఇవి రోజూ ఇంట్లో చేసే పనులే అని, కానీ ఈ సారికి వీడియో సాక్షంగా నిలిచిందని చెబుతూ దాన్ని ట్విట్టర్ లో పోస్ట్ చేశాడు. ఈ సందర్భంగా తన మిత్రుడు రజనీకాంత్ తో పాటు తెలంగాణ ఐటీ మంత్రి కేటీఆర్ ని ఈ ఛాలెంజ్ కోసం నామినేట్ చేశారు.
Here it is Bheem @tarak9999 నేను రోజు చేసే పనులే…ఇవ్వాళ మీకోసం ఈ వీడియో సాక్ష్యం. And I now nominate @KTRTRS & my friend @rajinikanth #BeTheRealMan challenge. pic.twitter.com/y6DCQfWMMm
— Chiranjeevi Konidela (@KChiruTweets) April 23, 2020
