చిత్తూరు నగరపాలక సంస్థ కార్యాలయంలో నిన్న చిత్తూరు మేయర్ కటారి అనురాధ, ఆమె భర్త మోహన్ పై కొందరు దుండగులు జరిపిన దాడిలో అనురాధ మరణించగా ఆమె భర్త మోహన్ తీవ్రంగా గాయపడ్డారు. ఆయనను తక్షణమే తమిళనాడులోని వేలూరులోని సి.ఎం.సి.ఆసుపత్రికి తరలించి అత్యవసర వైద్య చికిత్స అందించినప్పటికీ ఆయన కూడా నిన్న రాత్రి మరణించారు. ఆ దంపతులపై దాడి చేసిన దుండగులు అనురాధను అతి సమీపం నుండి తుపాకితో కాల్చి చంపారు. మోహన్ పై కత్తులతో దాడులు చేసారు. వారి దాడిలో ఆయన మెడ నరాలు తెగిపోయాయని సమాచారం. వైద్యులు ఎంతగా ప్రయత్నించినప్పటికీ అతనిని కాపాడలేకపోయారు.
చిత్తూరు మేయర్ భర్త కూడా మృతి
