మహాకూటమిలో సీపీఐకి ఏమైనా మిగులుతుందా..?

కాంగ్రెస్ పార్టీ.. సీపీఐని.. చాలా తేలిగ్గా తీసుకుంటుంది. రెండు, మూడు సీట్లు అంటూ లీకులు ఇచ్చి చివరికి అవి కూడా.. ఏ మాత్రం బలం లేని స్థానాలు కేటాయిస్తుందనే ప్రచారం జరుగుతుంది. కాంగ్రెస్ పోటీ చేయాలనుకోంటోన్న స్థానాలను సీపీఐ కూడా ఆశిస్తోంది. దీంతో ఎవరెవరు ఎక్కడ నుంచి పోటీ చేయాలనే అంశంపై ఆ రెండు పార్టీల్లో తీవ్ర చర్చకు కారణమవుతోంది. ఎవరెన్ని సీట్లలో పోటీ చేయాలనే అంశంపై క్లారిటీ వచ్చినా.. పోటీ చేసే స్థానా‌ల‌విషయంలో కూటమి పార్టీలో స్పష్టత రావటం లేదు. ముఖ్యంగా కాంగ్రెస్ సీపీఐ లు కొన్ని స్థానాల విషయంలో పట్టు వీడటం లేదు. ఖమ్మం జిల్లా కొత్తగూడెం, కరీంనగర్ జిల్లా హుస్నాబాద్ నియోజకవర్గాలను రెండు పార్టీలు ఆశిస్తున్నాయి.

ఈ రెండు స్థానాలను 2014లో టీఆర్ఎస్ గెల్చుకుంది. కొత్తగూడెం సీటును కాంగ్రెస్ నుంచి మాజీ మంత్రి వనమా వెంకటేశ్వరరావు ఆశిస్తున్నాడు. ఇదే స్థానాన్ని సీపీఐ మాజీ ఎమ్మెల్యే కూనంనేని సాంబశివరావు కోరుతున్నారు. హుస్నాబాద్ నుంచి సీపీఐ రాష్ట్ర కార్యదర్శి చాడ వెంకటరెడ్డి పోటీ చేయాలని భావిస్తున్నారు.‌ఇక్కడ నుంచి కాంగ్రెస్ పార్టీకి అభ్యర్థి ఉన్నాడు. ఇంకోవైపు కాంగ్రెస్ పార్టీ నేతల ప్రకటనలతో కొత్తగూడెం, హుస్నాబాద్ స్థానాలపై అయోమయం నెలకొంది. కాంగ్రెస్ గెలిచే స్థానాలను వదులుకోమని స్వయంగా ఆపార్టీ నేతలే ప్రకటిస్తున్నారు. దీంతో సీపీఐ అడుగుతోన్న స్థానాలను .. కాంగ్రెస్ ఇస్తామంటోన్న స్థానాలపై క్లారిటీ మిస్ అవుతోంది‌. దేవరకొండ, బెల్లంపల్లి, వైరా సీట్లు కూడా కావాలని సీపీఐ అడుగుతోంది. ఇదే విషయాన్ని చాడ వెంటరెడ్డి బుధవారం జరిగిన సమావేశంలో ఎల్.రమణ, కోదండరాం దగ్గర ప్రస్తావించారు.

మరో వైపు సీపీఐకు నాలుగు స్థానాలిస్తామని పీసీసీ చీఫ్ ఉత్తమ్ కుమర్ రెడ్డి లీకులివ్వడంపై కూడా చాడ వెంకటరెడ్డి అసంతృప్తి వ్యక్తం చేస్తున్నారు. పరిస్థితి చూస్తూంటే.. చివరికి సీపీఐకి… తను కోరుకున్న స్థానాలు కాకుండా.. అవకాశాల్లేని చోట్ల సీట్లను ఖరారు చేస్తారేమోనన్న టెన్షన్ పట్టుకుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బిగ్ బాస్ – 4 వాయిదా?

బిగ్ బాస్ రియాలిటీ షో.. తెలుగులోనూ సూప‌ర్ హిట్ట‌య్యింది. ఎన్టీఆర్‌, నాగార్జున‌, నాని లాంటి హోస్ట్ లు దొర‌క‌డంతో బిగ్ బాస్ కి తెలుగు ఆన‌ట ఆద‌ర‌ణ ద‌క్కింది. ఇప్పుడు నాలుగో సీజ‌న్...

చిరంజీవి ని కలవడం పై వివరణ ఇచ్చిన సోము వీర్రాజు

ఆంధ్రప్రదేశ్ బిజెపి అధ్యక్షుడిగా ఈరోజు అధికారికంగా పగ్గాలు చేపట్టారు సోము వీర్రాజు. పార్టీని 2024లో అధికారంలోకి తీసుకురావడానికి కృషి చేస్తానని ఆయన వ్యాఖ్యానించారు. ఈ సందర్భంలో విలేకరులతో మాట్లాడుతూండగా, ఇటీవల చిరంజీవిని...

జగన్ “స్టే” ఆశల్ని వమ్ము చేసిన తప్పుల పిటిషన్..!

మూడు రాజధానుల బిల్లుల అమలుపై హైకోర్టు ఇచ్చిన స్టేటస్‌కోపై స్టే తెచ్చుకుందామనుకున్న ఏపీ సర్కార్‌కు.. కాలం కలసి రావట్లేదు. సుప్రీంకోర్టులో పిటిషన్లు వేస్తున్న ఏపీ ప్రభుత్వ న్యాయ నిపుణులు తప్పుల తడకలుగా వేయడంతో.....

మాకు మహానగరాల్లేవ్.. సాయం చేయండి : జగన్

కేంద్రం నుంచి సాయం పొందాలంటే.. ముఖ్యమంత్రి జగన్మోహన్ రెడ్డి చేసే విజ్ఞప్తులు కాస్త భిన్నంగా ఉంటాయి. కరోనా వైరస్ ఎక్కువ ప్రభావం చూపుతున్న పది రాష్ట్రాల సీఎంలతో ప్రధాని మోడీ వీడియో...

HOT NEWS

[X] Close
[X] Close