రాహుల్ వెనుక పరిగెత్తే ముందు అది చెక్ చేసుకొంటే బెటర్!

రాహుల్ గాంధీ తెలంగాణాలో పర్యటించి పార్టీని ఏమి ఉద్దరించారో తెలియదు కానీ ఈనెల 24న ఆంధ్రాలో అనంతపూర్ జిల్లాని కూడా పావనం చేయబోతున్నారు. కానీ ఆయన కాలు పెడితే రాష్ట్రం అపవిత్రం అయిపోతుందని జిల్లాకి చెందిన అధికార పార్టీ నేతలు అంటున్నారు. కానీ యువరాజా వారు వేంచేయడం ఖాయం అయింది కనుక రాష్ట్రంలో కాంగ్రెస్ జీవులు (బహువచనం వాడటం అనవసరమేమో?) అంటే పీసీసీ అధ్యక్షుడు రఘువీరా రెడ్డి ఆయన పాదయాత్ర చేయబోయే ఓడిచెరువు మండలం నుంచి నల్లమాడ గ్రామం వరకు రూట్ మ్యాప్ ని పరిశీలించి, అవసరమయిన ఏర్పాట్ల కోసం ప్రయత్నాలు మొదలుపెట్టారు. ఇంతకు ముందు రాష్ట్ర విభజన జరుగుతున్నప్పుడు మీడియాలో నిత్యం కనిపించిన మాజీ మంత్రి శైలజానాద్ ఎన్నికల తరువాత నుండి పెద్దగా కనబడటం లేదు. కానీ ఈరోజు రఘువీరుడితో కలిసి యువరాజావారికి ఎటువంటి స్వాగత సన్నాహాలు చేస్తే బాగుంటుందో చర్చించినట్లు తెలుస్తోంది.

ఒకప్పుడు కాంగ్రెస్ పార్టీ కౌరవసేనలా ఎక్కడచూసినా కనబడేది. కానీ ఇప్పుడు అది కూడా జనసేనలా తయారయింది. జనసేనకి పవన్ కళ్యాణ్, కాంగ్రెస్ కి రఘువీర మాత్రమే కనబడున్నారు. కాంగ్రెస్ పార్టీకి ఉన్న ఆ ఒక్కడూ కూడా రాజ్యసభ సీట్ కోసం సీరియస్ గా ట్రై చేస్తున్నట్లు సమాచారం. అందుకే ఎవరికి తప్పినా ఆయనకి మాత్రం తప్పడం లేదు. ఆ టైంకి ‘పూరీ’ సెకండ్ హాఫ్ స్టోరీ చెప్పడం మొదలుపెట్టకపోతే మరో (చిరం) జీవి కూడా రాహుల్ గాంధీతో కలిసి మారథాన్ (పాదయాత్ర) లో పాల్గొనే అవకాశముంది.

ఇంకా పార్టీలో మరికొన్నాళ్ళు ఉండాలనుకొనే వాళ్ళు కూడా ఆయన వెనుక ఆపసోపాలు పడుతూ పరుగులు తీయక తప్పదు. కానీ ఈ మారథాన్ లో పాల్గోవాలనుకొంటున్న కాంగ్రెస్ జీవులన్నీ ముందుగా ఓసారి తమ డేట్ ఆఫ్ బర్త్ సర్టిఫికెట్లు చెక్ చేసుకొని మరీ పాల్గొంటే మంచిది. అంటే రాహుల్ తో సమానంగా పరుగులు తీయగలరా లేదా? అని తేల్చుకొనేందుకుకాదు…తమకి ఏజ్ బార్ అయిపోయిందో లేదో కన్ఫర్మ్ చేసుకోవడానికే! ఎందుకంటే 50 దాటిన వారందరినీ పక్కనబెట్టేయాలని యువరాజా వారు కమిట్ అయిపోయారు!

ఆ సంగతి అందరి కంటే ముందుగా పసిగట్టిన బొత్స సత్యనారాయణ అందుకే మొన్న పార్టీలో నుండి జంపేసారు. కానీ డి. శ్రీనివాస్ కి ఆ ఇంగితం లేకపోవడంతో రెండవసారి ఎమ్మెల్సీ కుర్చీ కావాలని మారాం చేసి భంగపడ్డారు. ఆయన కుర్చీని యువతకి అంటే ఆకుల లలితకి ఇచ్చేసాక గానీ ఆయనకి జ్ఞానోదయం కాలేదు. అయిన తరువాత మరిక టీం వెస్ట్ చేయకుండా ఆ ఏజ్ లిమిట్స్ గట్రా లేని తెరాసలోకి దూకేశారు. అందుకే రాహుల్ గాంధీ వెనుక పరుగులు తీయాలనుకొంటున్న కాంగ్రెస్ జీవుల్లారా….ముందుగా మీ డేట్ ఆఫ్ బర్త్ సర్తిఫికేట్లు చెక్ చేసుకోండి. లేకుంటే ఆనక ఆయాసం తప్ప మరేమీ మిగలదు స్మీ!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అస‌లైన బంగార్రాజు నాన్న‌గారే: నాగార్జున‌

ఈ సంక్రాంతి 'బంగార్రాజు'దే. తొలి మూడు రోజులూ మంచి వ‌సూళ్లు తెచ్చుకుంది. సోమ‌వారం కూడా వ‌సూళ్ల హ‌వా త‌గ్గ‌లేదు. ఈ వ‌సూళ్లు, అంకెలు నాగ్ ని సంతోషంలో ముంచెత్తాయి. ఆ ఆనందం.. రాజ‌మండ్రి...

జ‌గ‌న్ కి థ్యాంక్స్ చెప్పిన నాగ్‌

సినిమా టికెట్ రేట్లు, ఇత‌ర‌త్రా వ్య‌వ‌హారాల‌పై ఇటీవ‌ల చిరంజీవి - జ‌గ‌న్ ల మ‌ధ్య భేటీ జ‌రిగిన సంగ‌తి తెలిసిందే. ఆ భేటీలో సినిమా ప‌రిశ్ర‌మ‌కు చెందిన‌చాలా విష‌యాలు చ‌ర్చ‌కు వ‌చ్చాయ‌ని తెలిసింది.కాక‌పోతే.....

విడాకుల సైడ్ ఎఫెక్ట్స్ : ర‌జ‌నీ ఫ్యాన్స్ VS ధ‌నుష్ ఫ్యాన్స్‌

విడాకుల ప్ర‌క‌ట‌న వ‌చ్చి 24 గంట‌లు గ‌డిచిందో లేదో.. అప్పుడే త‌మిళ నాట ర‌జ‌నీ ఫ్యాన్స్, ధ‌నుష్ ఫ్యాన్స్ మ‌ధ్య మాట‌ల యుద్ధం మొద‌లైపోయింది. ధ‌నుష్‌ని అన‌వ‌స‌రంగా అల్లుడ్ని చేసుకున్నారంటూ.. ర‌జ‌నీ ఫ్యాన్స్‌,...

చంద్రబాబు, లోకేష్ కోలుకోవాలని జూనియర్ ఎన్టీఆర్ ట్వీట్ !

మామయ్య చంద్రబాబు, లోకేష్ కరోనా నుంచి త్వరలో కోలుకోవాలని జూనియర్ ఎన్టీఆర్ ట్వీట్ చేశారు. ఈ ట్వీట్ ఇప్పుడు వైరల్‌గా మారుతోంది. ఇటీవలి కాలంలో చంద్రబాబు, లోకేష్‌ పుట్టిన రోజలకు కూడా విష్...

HOT NEWS

css.php
[X] Close
[X] Close