మునిగిపోతున్న భారీ సినిమాలు

క‌రోనా ఫ‌స్ట్ వేవ్ తోనే చిత్ర‌సీమ స‌గం చితికిపోయింది. ఆ ప్ర‌భావం త‌గ్గి, థియేట‌ర్లు మ‌ళ్లీ తెర‌చుకుని, సినిమాలు వ‌రుస క‌ట్టి, వ‌రుస‌గా నెల‌కో హిట్టు ప‌డుతుంటే – టాలీవుడ్ మ‌ళ్లీ గాడిన ప‌డిన‌ట్టే అనిపించింది. ఆ ఆశ‌ల‌పై సెకండ్ వేవ్ పూర్తిగా నీళ్లు చ‌ల్లేసింది. ప్ర‌స్తుతం ఉన్న ప‌రిస్థితుల్ని చూస్తుంటే… టాలీవుడ్ కి గ‌డ్డు కాలం ఎదుర‌వుతోంద‌న్న సంకేతాలు గ‌ట్టిగానే క‌నిపిస్తున్నాయి. ఈ ప్ర‌భావం పెద్ద సినిమాల‌పై విప‌రీతంగా ప‌డే అవ‌కాశం ఉంది.

ఈ సీజ‌న్ లో రావాల‌నుకున్న సినిమాలు ఆచార్య‌, అఖండ‌, రాధేశ్యామ్, ఆర్‌.ఆర్‌.ఆర్ చాలా ముఖ్య‌మైన‌వి. ఇవి భారీ బ‌డ్జెట్ సినిమాలు. వీటిపై… సెకండ్ వేవ్ తీవ్ర ప్ర‌భావం చూపిస్తోంది. గ‌త ఏడాది క‌రోనా వ‌ల్ల‌.. ఆగిపోయిన సినిమాల్లో ఇవీ ఉన్నాయి. అప్ప‌టి నుంచీ… ప‌లుమార్లు షూటింగులు వాయిదా ప‌డుతూ, విడుద‌ల తేదీలు మార్చుకుంటూ… చిత్రీక‌ర‌ణ‌లు జ‌రుపుకుంటూ వ‌స్తున్నాయి. ఇప్పుడు మ‌ళ్లీ ఈ షూటింగుల‌కు బ్రేక్ ప‌డింది. మ‌ళ్లీ ఈ సినిమాల విడుద‌ల తేదీలు మారడం ఖాయం. సినిమా ఆల‌స్య‌మ‌య్యే కొద్దీ… బ‌డ్జెట్లు పెరుగుతూ పోతాయి. ఒక‌టీ, రెండు నెల‌లు సినిమా ఆగిందంటే ఫ‌ర్వాలేదు. నెల‌ల త‌ర‌బ‌డి, నిర్విరామంగా సినిమాలు ఆగుతూ పోతే, అనుకున్న బ‌డ్జెట్ కీ, సినిమా పూర్త‌య్యే ట‌ప్ప‌టికి క‌నిపించే అంకెల‌కూ అస్స‌లు సంబంధ‌మే ఉండ‌దు.

పైగా ఈ సినిమాల కోసం భారీ సెట్లు వేశారు. అవ‌న్నీ సినిమాలు పూర్త‌య్యే వ‌ర‌కూ అలానే ఉండాలి. అదో అద‌న‌పు ఖ‌ర్చు. ఫైనాన్స్ తెచ్చుకుంటే.. వ‌డ్డీలు త‌డిచి మోపెడు అవుతుంటాయి. క‌రోనా క‌ష్టాల్ని అధిగ‌మించి చిత్రీక‌ర‌ణ‌లు పూర్తి చేసినా, విడుద‌ల స‌మ‌యానికి ఆక్యుపెన్సీ ఎలా ఉంటుందో చెప్ప‌లేం. 100 శాతం ఆక్యుపెన్సీ ఉంటే గానీ, పెద్ద సినిమాలు బ‌య‌ట‌కు వ‌చ్చే ఛాన్సు లేదు. మ‌రో క‌నిపించ‌ని క‌ష్టం ఏమిటంటే.. సంవ‌త్స‌రాలు త‌ర‌బ‌డి చిత్రీక‌ర‌ణ‌లు జ‌రుపుకూనే ఉంటుంటే.. ఆయా సినిమాల‌పై ఉన్న క్రేజ్ త‌గ్గుతూ ఉంటుంది. పైగా హీరోల లుక్ యేడాదికేడాది మారుతూ ఉంటుంది. అవ‌న్నీ సినిమాపై ప‌రోక్షంగా ప్ర‌భావం చూపిస్తుంటాయి. ఎటు చూసినా… నిర్మాత‌ల‌కు ఇది క‌ష్ట కాల‌మే. మునుముందు మంచి రోజులు వ‌స్తాయ‌న్న భ‌రోసాతో ఉండ‌డం త‌ప్ప‌, ఇప్పుడు ఎవ‌రూ ఏం చేయ‌లేని ప‌రిస్థితి వ‌చ్చింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్లీ తెలంగాణలో డ్రగ్స్ కేసుల కలకలం !

హైదరాబాద్, సైబరాబాద్‌కు ఇప్పుడు ఉన్న కమిషనర్ల నేరస్తును ఓ ఆట ఆడిస్తున్నారు. సైబరాబాద్ కమిషనర్ సైబర్ ఫ్రాడ్‌ల మీద దృష్టి పెడితే.. హైదరాబాద్ కమిషన్ సీవీ ఆనంద్ డ్రగ్స్ కేసుల్ని వెలికి తీస్తున్నారు....

ఎన్నికల జిమ్మిక్ అనుకున్నా సరే.. ప్రధాని స్టైల్ అదే !

ప్రధానమంత్రి నరేంద్రమోడీ రిపబ్లిక్ డే వేడుకల్లో భిన్నంగా కనిపించారు. భగత్ సింగ్ తరహా టోపీ..  ఓ విభిన్నమైన కండువాతో వేడుకల్లో పాల్గొన్నారు. టోపీపై బ్రహ్మకమలం ముద్ర ఉంది. కాసేపటికే నెటిజన్లు అవి ఎక్కడివో...

అదే నరసింహన్ గవర్నర్ అయితే ఇలా జరిగేదా !?

రిపబ్లిక్ డే రోజున కేసీఆర్ రాజ్యాంగాన్ని అవమానించారని హుజురాబాద్ ఎమ్మెల్యే ఈటల రాజేందర్ ఫైరయ్యారు. కారణం ఏమిటంటే రాజ్‌భవన్‌లో జరిగే రిపబ్లిక్ డే వేడుక.. జెండా పండుగకు కేసీఆర్ వెళ్లలేదు. కనీసం సీనియర్...

“కొత్త జిల్లాల పని” చేస్తామంటున్న ఉద్యోగ సంఘాలు !

ఉద్యోగులంతా ఉద్యమంలో ఉన్న సమయంలో ప్రజల దృష్టి మరల్చేందుకే కొత్త జిల్లాలంటూ ప్రభుత్వం ప్రకటనలు చేసిందని ఆరోపణలు వస్తున్న సమయంలో ఉద్యోగ సంఘాలు భిన్నంగా స్పందించాయి. ఐఏఎస్‌లు మినహా ఉద్యోగలంతా సమ్మెలోకి...

HOT NEWS

css.php
[X] Close
[X] Close