ఆ భేటీతో పవన్ టూర్‌లో జగన్‌కు డేంజర్ సిగ్నల్స్..!

జనసేన అధినేత పవన్ కల్యాణ్ .. వైఎస్ఆర్ కాంగ్రెస్ పార్టీకి ఊహించని షాక్ ఇచ్చారు. నివర్ తుపాన్ బాధిత రైతుల్ని పరామర్శించేందుకు ఆయన జిల్లాల పర్యటన ప్రారంభించారు. ఈ సందర్భంగా పామర్రు వద్ద పవన్ కల్యాణ్‌ను మాజీ ఎంపీ కె.పి.రెడ్డయ్య యాదవ్ కలిశారు. ప్రభుత్వం రైతుల్ని పట్టించుకోవడం లేదని మండిపడ్డారు. రైతులు ఎదుర్కొంటున్న కష్టాలను.. తుపాన్ పరిహారం విషయంలో ప్రభుత్వం వ్యవహరిస్తున్న తీరు.. అంచనాలతో సరిపెట్టి ఆదుకోని వైనం.. ఇలా మొత్తం పవన్ కల్యాణ్‌కు వివరించారు. పవన్ కల్యాణ్ కూడా.. రైతులను ఎలా ఆదుకోవాలన్న అంశంపై ఆయనతో చర్చించారు. రౌండ్ టేబుల్ సమావేశం ఏర్పాటు చేసి సలహాలు తీసుకుందామన్నారు. మామూలుగా పెద్దగా యాక్టివ్ గా లేని ఎంపీ పవన్ కల్యాణ్‌తో అలా సమావేశమై రైతుల కోసం చర్చించారని అనుకోవడానికి లేదు.

ఎందుకంటే.. రెడ్డయ్య యాదవ్ ఎవరో కాదు.. వైసీపీ ఎమ్మెల్యే… మాజీ మంత్రి పార్థసారధి తండ్రి. రెడ్డయ్య వారసుడిగానే పార్థసారధి రాజకీయాల్లోకి వచ్చారు. కుమారుడు ఉన్న పార్టీకి వ్యతిరేకంగా ఆయన ఉద్దేశపూర్వకంగా రాజకీయం చేస్తారని ఎవరూ అనుకోరు. పైగా ఆయన చాలా కాలంగా యాక్టివ్‌గా లేరు. హఠాత్తుగా పవన్ కల్యాణ్ పామర్రు రాగానే ఆయనతో సమావేశమయ్యారు. ప్రభుత్వంపై విమర్శలు చేశారు. ఇదంతా.. పార్థసారధికి తెలియకుండా జరుగుతుందని అనుకోవడానికి లేదని జనసేన నేతలతో పాటు వైసీపీ నేతలు కూడా అనుకుంటున్నారు. వైఎస్ హయాంలో మంత్రిగా చేసిన పార్థసారధికి.., జగన్ మొదటి కేబినెట్‌లో చోటు దక్కలేదు. మరో ఆరేడు నెలల తర్వాత పునర్‌వ్యవస్థీకరించబోయే కేబినెట్‌లో అయినా చోటు దక్కుందో లేదో తెలియని పరిస్థితి ఏర్పడింది.

ఇద్దరు నానిలు పోటీ పడి చంద్రబాబును తిడుతూ.. తమ స్థానాన్ని పటిష్టం చేసుకుంటున్నారు. ఇటీవల ఇద్దరు బీసీ మంత్రులతో రాజీనామాలు చేయించినప్పుడే ఆయనకు అవకాశం వస్తుందనుకున్నారు. కానీ లెక్కలోకి తీసుకోలేదు. తన సీనియార్టీని గుర్తించడం లేదని పార్థసారధి వైసీపీపై అసంతృప్తిగా ఉన్నారన్న ప్రచారం నేపధ్యంలో.. ఆయన తండ్రి పవన్ కల్యాణ్ కలవడం మాత్రం.. కీలకమైన మార్పుగానే పరిగణించవచ్చని అంటున్నారు. తొలి రోజు పర్యటనలో రైతులకు ఎకరానికి పాతిక నుంచి ముఫ్పై వేల పరిహారం ఇవ్వాలని డిమాండ్ చేసిన పవన్.. అంత కంటే ఎక్కువగా పార్థసారధి తండ్రి భేటీ ద్వారా.. వైసీపీలో కలకలం రేపారని అనుకోవచ్చు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close