చిన్న,చిన్న సినిమాల‌తోనే పెద్ద ద‌ర్శ‌కుడు అయిపోయాడు మారుతి. తన ఖాతాలో భ‌లే భ‌లే మ‌గాడివోయ్‌, మ‌హానుభావుడు, ప్ర‌తిరోజూ పండ‌గే లాంటి పెద్ద హిట్లు ఉన్నా- ఇప్ప‌టి వ‌ర‌కూ అగ్ర హీరోల‌తో సినిమాలు చేయ‌లేదు. ఇప్పుడు ఏకంగా.. చిరంజీవితోనే సినిమా ఓకే చేయించుకున్నాడు. మారుతి – చిరంజీవి కాంబోలో ఓసినిమా రాబోతోంద‌ని ఆమ‌ధ్య ఓ వార్త బ‌య‌ట‌కు వచ్చింది. ఇప్పుడు దీనిపై మారుతి కూడా క్లారిటీ ఇచ్చేశాడు. ”చిరంజీవిగారిని ఇటీవ‌ల క‌లిసి ఓ లైన్ వినిపించా. ఆయ‌న‌కు బాగా న‌చ్చింది. ఇప్పుడు దాన్ని డ‌వ‌లెప్ చేయాలి. నా మార్క్ కామెడీతో పాటుగా, చిరు అభిమానులు ఆశించే అన్ని అంశాలూ ఆ సినిమాలో ఉంటాయి” అని హింట్ ఇచ్చేశాడు. ఆయన ద‌ర్శ‌క‌త్వం వ‌హించిన `మంచి రోజులొచ్చాయి` గురువారం విడుద‌ల కానుంది. ‘ప‌క్కా క‌మ‌ర్షియ‌ల్’ దాదాపు పూర్త‌యిపోయింది. త్వ‌ర‌లోనే చిరంజీవి కోసం స్క్రిప్టు త‌యారు చేసే ప‌నుల్లో ప‌డిపోనున్నాడు మారుతి. అయితే.. చిరు డేట్లు ఇప్ప‌టిప్పుడు దొర‌క‌డం క‌ష్టం. ఆయన బిజీగా ఉన్నారు. కాబ‌ట్టి ఈలోగా మారుతి మరో మీడియం సైజు సినిమా చేయాల్సివుంటుంది. మారుతి ద‌గ్గ‌ర అందుకు త‌గిన క‌థ‌లు కూడా రెడీగా ఉన్నాయ‌ని టాక్‌.
చిరు సినిమా… గుట్టు విప్పిన మారుతి
