‘బంగారుతెలంగాణ’ బ్యాచ్‌పై టీఆర్ఎస్ పాతనేతల గుర్రు

హైదరాబాద్: తెలంగాణ రాష్ట్రసమితి పార్టీని బయటనుంచి చూస్తే రాష్ట్రంలో ఆ పార్టీకి ఎదురులేదు, కేసీఆర్‌కు తిరుగులేదు అనిపిస్తుంది. కానీ లోలోపల కథ వేరు. పార్టీలో అసమ్మతి రగులుతోంది. ‘బంగారు తెలంగాణ’ అనే నినాదంతో కేసీఆర్ – కాంగ్రెస్, టీడీపీ, బీజేపీలనుంచి సీనియర్ నాయకులను, ప్రజాప్రతినిధులను ఆకర్షించటం, వారి వెనక వారి అనుచరులు ప్యాకేజిలాగా రావటంపై టీఆర్ఎస్ పార్టీలో మొదటినుంచి ఉన్న నేతలు, శ్రేణులు రగిలిపోతున్నారని ఒక ఆంగ్ల దినపత్రిక కథనం. టీఆర్ఎస్‌లోకి వస్తున్న ఈ నాయకులంతా తమ ఆస్తులను, వ్యాపారాలను పరిరక్షించుకోవటంకోసం, అధికారాన్ని అనుభవించటంకోసమే వస్తున్నారని పాత నాయకులు ఆరోపిస్తున్నారట. బంగారు తెలంగాణ నినాదం కింద పార్టీనీడలోకి చేరుతున్నా ఈ నాయకులు(వీరికి బీటీ బ్యాచ్ అని పాత నాయకులు నామకరణం చేశారు) టీఆర్ఎస్‌కు ఏవిధంగానూ ఉపయోగపడరని కూడా అంటున్నారట. వారి రాకను జీర్ణించుకోలేకపోతున్నామని అంటున్నారట. వారివలన తమ రాజకీయ భవిష్యత్తు దెబ్బతింటుందని ఆందోళన చెందుతున్నారట. ఎవరినిపడితే వారిని చేర్చుకోవద్దని అడుగుదామని అనుకుంటున్నారట. కానీ కేసీఆర్‌కు ఎదురుపడి ఈ విషయం చెప్పేటంత సీన్ వీరికి ఉండదనుకోండి!

ఏది ఏమైనా రాష్ట్రంలో మిగిలిన పార్టీలను నిర్వీర్యం చేసే లక్ష్యంగా కేసీఆర్ ఎడాపెడా ఇతరపార్టీలనుంచి నాయకులను తీసుకోవటం ఆ పార్టీకి మంచిదికాదు. ఉదాహరణకు డి.శ్రీనివాస్‌ను టీఆర్ఎస్‌లోకి తీసుకొచ్చారు. ఆయన రావటంవలన ఇప్పుడు నిజామాబాద్ జిల్లాలో మూడు పవర్ సెంటర్‌లు అయ్యాయి. ఇప్పటికీ కవిత(ఎంపీ), పోచారం శ్రీనివాసరెడ్డి(మంత్రి) జిల్లాలో రెండు పవర్ సెంటర్‌లు ఉన్నాయి. ఇప్పుడు డీఎస్ రాకతో మూడయ్యాయి. ఇలాంటప్పుడు వివిధ స్థాయిలలో పదవుల పంపకం విషయంలో తప్పనిసరిగా విభేదాలు వస్తాయి. కొత్తనేతలపై తిరగబడాలని ఇప్పటికే ప్రతిపక్షాలనేతలు బయటనుంచి పాతనేతలను రెచ్చగొడుతున్నారు. వీటిపై కేసీఆర్ దృష్టి పడిందో, లేదో!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close