పార్టీ మారినందుకు డీఎస్‌కు మంచి ప్రతిఫలమే దక్కింది

హైదరాబాద్: కాంగ్రెస్ పార్టీనుంచి టీఆర్ఎస్‌లోకి జంప్ చేసిన తెలంగాణ సీనియర్ నేత డి.శ్రీనివాస్‌ను ముఖ్యమంత్రి కేసీఆర్ సముచితరీతిలో గౌరవించారు. డీఎస్‌ను తెలంగాణ ప్రభుత్వ ప్రత్యేక సలహాదారుగా నియమిస్తూ ఇవాళ ఉత్తర్వులు జారీ అయ్యాయి. ఇప్పటికే రమణాచారి వంటి కొందరు సలహాదారులు ఉన్నప్పటికీ వారికంటే కాస్త భిన్నంగా ప్రత్యేక సలహాదారుగా, అంతర్‌రాష్ట్ర సంబంధాల సలహాదారుగా డీఎస్‌ను నియమించారు. ఆయనకు క్యాబినెట్ హోదాను కల్పిస్తున్నట్లు ప్రభుత్వ ఉత్తర్వులలో పేర్కొన్నారు. డీఎస్ టీఆర్ఎస్‌లో చేరినపుడు – ఆయనకు రాజ్యసభ లేదా ఎమ్మెల్సీ టికెట్ ఇవ్వొచ్చని కొందరు… పదవులతో ఊరించి పార్టీలోకి తీసుకుని, తర్వాత ఏమీ ఇవ్వకుండా రెంటికీ చెడ్డ రేవడిలా చేస్తారని మరికొందరు – పలు ఊహాగానాలు చేశారు. అయితే వాటన్నింటికీ భిన్నంగా, అందరి అంచనాలకు విరుద్ధంగా కేసీఆర్ ఈ సలహాదారు పదవి ఇచ్చారు.

ప్రత్యేక సలహాదారుగా నియమించినందుకు కేసీఆర్‌కు డీఎస్ కృతజ్ఞతలు తెలిపారు. తన అనుభవం మేరకు సమస్యల పరిష్కారానికి కృషి చేస్తానని, సీఎమ్‌కు తోడుగా ఉంటానని చెప్పారు. బంగారు తెలంగాణ సాధనను దశాబ్దకాలంలో పూర్తి చేయటానికి కృషి చేస్తానని అన్నారు. మొత్తానికి కాంగ్రెస్‌లో చిరకాలం ఉండి అన్ని పదవులూ అనుభవించి మంచి స్థితికెళ్ళిన డీఎస్ ఆ పార్టీని కాలదన్ని టీఆర్ఎస్‌లోకి జంప్ చేసినందుకు – వ్రతం చెడ్డా ఫలం దక్కినట్లు – మంచి ప్రతిఫలమే దక్కింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తేగేదాకా లాగుతున్న సర్కార్-ఎస్‌ఈసీ..!

ఆంధ్రప్రదేశ్‌లో రాజ్యాంగసంక్షోభ సూచనలు చాలా స్పష్టంగా కనిపిస్తున్నాయి. ఎన్నికల నిర్వహణకు హైకోర్టు కూడా స్పష్టమైన ఉత్తర్వులు ఇచ్చిన తర్వాత ప్రభుత్వం.. అధికారులు సహకరించడానికి ఏ మాత్రం సిద్ధంగా లేరు. అదే సమయంలో ఎస్‌ఈసీ...

గ్రేటర్ పీఠం కైవసానికి టీఆర్ఎస్ స్కెచ్ రెడీ ..!

గ్రేటర్ హైదరాబాద్ మేయర్ పదవిని అలా వదిలేయడానికి తెలంగాణ రాష్ట్ర సమితి పెద్దలకు మనస్కరించలేదు. ఎలాగోలా పీఠంపై గులాబీ నేతను కూర్చోబెట్టాల్సిందేనని డిసైడయ్యారు. ఎన్నికలు ముగిసి చాలా కాలం అవుతున్నా.. పాత కార్యవర్గానికి...

ధిక్కరణకే సర్కారు మొగ్గు..!

పంచాయతీ ఎన్నికల విషయంలో హైకోర్టు స్పష్టమైన తీర్పు ఇచ్చినప్పటికీ.. ఎస్‌ఈసీకి సహకరించకూడదని ప్రభుత్వం నిర్ణయించుకుంది. ఈ మేరకు అధికారులకు తేల్చి చెప్పడంతో వారెవరూ.. ఎస్‌ఈసీతో కనీసం సమావేశానికి కూడా ఆసక్తి చూపడంలేదు. పంచాయతీ...

వెంటిలేటర్‌పై శశికళ..!

ఇరవై ఏడో తేదీన చిన్నమ్మ విడుదలవుతుంది.. తమిళనాడు అసెంబ్లీ ఎన్నికలను దున్ని పారేస్తుందని... తమిళ మీడియా జోరుగా విశ్లేషిస్తున్న సమయంలో అనూహ్యంగా శశికళ తీవ్ర అనారోగ్యానికి గురయ్యారు. ఆమెకు శ్వాస సమస్య...

HOT NEWS

[X] Close
[X] Close