దుబ్బాక రేసు ప్రారంభించేసిన నేతలకు ఈసీ షాక్..!

దుబ్బాక ఉపఎన్నికకు షెడ్యూల్ వచ్చేస్తుందని పరుగులు పెడుతున్న రాజకీయ పార్టీలకు ఎన్నికల కమిషన్ షాక్ ఇచ్చింది. బీహార్ అసెంబ్లీ ఎన్నికల తేదీలు ప్రకటించింది కానీ ఉపఎన్నికలను నిర్వహించాలని మాత్రం నిర్ణయించుకోలేదు. కొద్ది రోజుల బీహార్ అసెంబ్లీతో పాటే దేశవ్యాప్తంగా ఖాళీగా ఉన్న 60కి పైగా అసెంబ్లీ స్థానాలను కూడా భర్తీ చేసేందుకు ఎన్నికలు నిర్వహిస్తామని ఈసీ చెప్పింది. అయితే ఇప్పుడు కేవలం బీహార్ కు మాత్రమే షెడ్యూల్ రిలీజ్ చేసింది. దేశంలో ప్రస్తుతం ఉన్న పరిస్థితులు.. వర్షాలు, కరోనా పానడమిక్ కారణంగా ఉపఎన్నికలపై మళ్లీ నిర్ణయం తీసుకుంటామని ఈసీ చెబుతోంది.

దుబ్బాక ఎమ్మెల్యే సోలిపేట రామలింగారెడ్డి ఆగస్టు మొదటి వారంలో మృతి చెందారు. ఆరు నెలల కాలంలో ఉపఎన్నిక నిర్వహించాల్సి ఉంది. అయితే బీహార్ ఎన్నికలతో పాటే ఉపఎన్నిక నిర్వహించేస్తారనుకున్న రాజకీయ పార్టీలు నెల రోజుల నుంచే సన్నాహాలు ప్రారంభించాయి. ఉమ్మడి మెదక్ జిల్లా టీఆర్ఎస్ బాధ్యతలు తీసుకుంటున్న హరీష్ రావు రోజూ అక్కడే పర్యటిస్తున్నారు. అభివృద్ధి కార్యక్రమాలు పర్యవేక్షిస్తున్నారు. రాజకీయ సభలు.. సమావేశాలు పెడుతున్నారు. రైతుల్ని ఆకట్టుకునేందుకు ప్రయత్నిస్తున్నారు. బీజేపీ అభ్యర్థి రఘునందన్ రావు మరింత జోరుగా ప్రచారం కూడా చేసేస్తున్నారు. కాంగ్రెస్ పార్టీ అభ్యర్థి ఎంపిక ప్రయత్నాలు చేస్తోంది.

ఇప్పుడు వీరందరూ ముందే తొందరపడినట్లయింది. సాధారణంగా ఓ ఎమ్మెల్యే చనిపోతే వచ్చే ఉపఎన్నికకు పెద్ద హడావుడి ఉండదు. కానీ దుబ్బాక విషయంలో మాత్రం.. ఫుల్ రేస్ నడుస్తోంది. ఎన్నికల్లో పోటీ చేయకపోవడం అన్న మాటే వినిపించడం లేదు. తెలంగాణ జనసమితి కూడా పోటీ చేసేందుకు సన్నాహాలు చేసుకుంటోంది. ఇప్పటికే ఎలక్షన్ ఫీవర్ అక్కడ తారస్థాయికి చేరింది. ఇప్పుడు షెడ్యూల్ రాకపోవడంతో కాస్త నెమ్మదించే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కళ్ల ముందు కనిపిస్తున్న ఇళ్లతో టీడీపీ రాజకీయం..!

పేదలకు 30 లక్షల ఇళ్ల పట్టాలిస్తామంటూ హడావుడి చేసిన వైసీపీ సర్కార్... ఏడాదిన్నర గడిచిపోయినా ఆ దిశగా కనీసం అడుగులు వేయలేకపోయింది. ఆ పేరుతో పెద్ద ఎత్తున అవినీతికి పాల్పడ్డారన్న అభిప్రాయం...

క్రైమ్ : అత్త – అల్లుడు – వివాహేతర బంధం- హత్య..

సమాజంలో చిత్రమైన నేరాలు అప్పుడప్పుడూ వెలుగుచూస్తూ ఉంటాయి. అలాంటిది హైదరాబాద్‌లో ఒకటి బయటపడింది. ఓ నడి వయసు మహిళ.. ఓ యువకిడితో అక్రమ సంబంధం పెట్టుకుంది. తాను పెళ్లి చేసుకోలేదు కనుక.. కూతుర్ని...

యుద్ధం మొద‌ల‌వ్వ‌క‌ముందే.. తెల్ల‌జెండా ఊపేసిన ర‌జ‌నీ!

క‌రోనా ఎంత ప‌ని చేసిందో? క‌రోనా వ‌ల్ల సినిమా షూటింగులు ఆగిపోయాయి. సినిమా విడుద‌ల‌లూ ఆగిపోయాయి. ఆఖ‌రికి... ఓ సూప‌ర్ స్టార్ రాజ‌కీయ రంగ ప్ర‌వేశానికీ బ్రేకులు ప‌డ్డాయి. ఆ స్టార్...

పెళ్లి సంద‌డి ‘క్లాసులు’ షురూ!

రాఘ‌వేంద్ర‌రావు ద‌ర్శ‌క‌త్వ ప‌ర్య‌వేక్ష‌ణ‌లో రూపొందుతున్న చిత్రం `పెళ్లి సంద‌డి`. ఆనాటి పెళ్లి సంద‌డిలో శ్రీ‌కాంత్ హీరో అయిన‌ట్టే, ఇప్ప‌టి పెళ్లి సంద‌డిలో శ్రీ‌కాంత్ త‌న‌యుడ్ని హీరోగా ఎంచుకున్నారు. శ్రీ‌కాంత్ వార‌సుడు రోష‌న్‌కి ఇప్ప‌టికే...

HOT NEWS

[X] Close
[X] Close