లాక్‌డౌన్ కొనసాగింపు సరే..! మరి ఆర్థిక వ్యవస్థ మాటేమిటి..?

లాక్‌డౌన్ కొనసాగించాలనే డిమాండ్లు కేంద్రానికి ఎక్కువగా వస్తున్నాయి. రాజ్‌నాథ్ నేతృత్వంలో మంత్రుల కమిటీ అదే సిఫార్సు చేసింది. అదే సమయంలో.. ముఖ్యమంత్రులు అదే కోరుతున్నారు. శనివారం ముఖ్యమంత్రులతో ప్రధానమంత్రి నరేంద్రమోడీ వీడియో కాన్ఫరెన్స్ నిర్వహించబోతున్నారు. ఆ సందర్భంగా.. ముఖ్యమంత్రుల అభిప్రాయాలు తెలుసుకుంటారు. లాక్ డౌన్ పొడిగింపుపై నిర్ణయం తీసుకుంటారు. కేంద్రం లాక్ డౌన్ పొడిగింపుపై ఎలాంటి వ్యతిరేకతతో లేదు. కానీ.. ఆర్థిక వ్యవస్థ మరింత కుదేలవుతుందనే.. ఉన్నత స్థాయి వర్గాలు ఆందోళన చెందుతున్నాయి. లాక్ డౌన్ కారణంగా దేశ ఆర్థిక ఆరోగ్యం దెబ్బతింటోంది. వ్యాపార, పారిశ్రామిక సంస్థలన్నీ మూత పడ్డాయి. అత్యవసర సర్వీసులు మాత్రమే.. అరకొరగా నడుస్తున్నాయి. ఫలితంగా.. 90 శాతం మనీ సర్క్యూలేషన్ ఆగిపోయింది. ప్రభుత్వాలకు ఆదాయం లేదు.

దాదాపుగా అన్ని రాష్ట్రాల ప్రభుత్వాలు లాక్‌డౌన్‌ను కొనసాగించాలనే అంటున్నాయి. ఒక వేళ లాక్ డౌన్ ఎత్తివేస్తే.. ఇప్పటి వరకూ పడిన కష్టం వృధా పోతుందని చెబుతున్నారు. ప్రజలు అందరూ ఒక్క సారే రోడ్ల మీదకు వస్తే.. వైరస్ సామాజిక వ్యాప్తికి దారి తీస్తుందనే ఆందోళనలో ఉన్నారు. ఎందుకంటే.. ఎక్కడా వైరస్ కంట్రోల్‌లోకి వచ్చిన సూచనలు కనిపించడం లేదు. అంతకంతకూ పెరుగుతూనే ఉంది. ఇలాంటి పరిస్థితిలో లాక్ డౌన్ ఎత్తివేయడం ప్రమాదకరం అని ఇప్పటికే కేంద్రానికి కూడా నివేదికలు వెళ్లాయి. లాక్ డౌన్ కొనసాగిస్తే ప్రజలు సహకరిస్తారా లేదా … సంశయం ప్రధానంగా ప్రభుత్వాలను పట్టి పీడిస్తోంది. భారత్ లాంటి దేశాల్లో 90 శాతం కుటుంబాలకు.. ఒక్క నెల ఆదాయం రాకపోయినా పరిస్థితి తలకిందులవుతుంది.

లాక్ డౌన్ కొనసాగిస్తే .. వీరందరూ.. ఓపిక పట్టడం కష్టం. ఇప్పటికే మూడు వారాల పాటు పనుల్లేకుండా ఇంటి పట్టునే ఉండిపోయారు. ప్రభుత్వం బియ్యం, పప్పు పంపిణీ చేసినా.. ఆ సాయం సరిపోదు. అందుకే.. కేంద్రం సహా.. రాష్ట్ర ప్రభుత్వాలు.. మానసికంగా ప్రజల్ని సిద్ధం చేసేందుకు ప్రయత్నిస్తున్నాయి. ప్రజల్ని సహకరించాలని కోరుతున్నాయి. వీటికి భిన్నమైన మార్గంగా.. వైరస్ వ్యాప్తి చెందని ప్రాంతాల వరకూ మినహాయింపులిచ్చి.. రెడ్ జోన్లలతో మాత్రం లాక్ డౌన్ కొనసాగిస్తే ఎలా ఉంటుందనే దానిపై కసరత్తు చేస్తున్నారు. ఆదివారం.. సాయంత్రం.. నరేంద్రమోడీ మరోసారి జాతినుద్దేశించి ప్రసంగించనున్నారు. అప్పుడు కేంద్ర ప్రభుత్వ నిర్ణయం వెలువడే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రెండు రోజుల్లోనే “కుట్ర కోణం” కనిపెట్టిన డీజీపీ..!

ఆంధ్రప్రదేశ్ డీజీపీ గౌతం సవాంగ్ ఆలయాలపై జరుగుతున్న దాడుల దర్యాప్తు విషయంలో తీవ్ర ఒత్తిడి ఎదుర్కొంటున్నట్లుగా ఉన్నారు. రెండు రోజుల క్రితం మీడియా సమావేశంలో మాట్లాడిన ఆయన... రాష్ట్రంలో ఆలయాలపై జరుగుతున్న...

ఎవరూ తగ్గరు.. మరి చర్చలెందుకు..!?

కేంద్ర ప్రభుత్వం, రైతు సంఘాలు చర్చల పేరుతో దాగుడు మూతలాడుతున్నాయి. ప్రజలకు సమస్య పరిష్కారం కోసం ప్రయత్నిస్తున్నామని చెప్పడానికా అన్నట్లుగా... వారానికో సారి భేటీ అవుతున్నారు. మూడు నాలుగు గంటల పాటు సమావేశం...

సంక్రాంతి షో అంతా మెగా ఫ్యామిలీదే..!

సంక్రాంతి సంబరాలు సెలబ్రిటీలు ఎలా జరుపుకుంటారనే ఆసక్తి సామాన్య జనానికి ఉంటుంది. అయితే ఎక్కువ మంది సెలబ్రిటీలు తాము ఎలా జరుపుకుంటామో బయటకు తెలియనివ్వరు. మెగా ఫ్యామిలీ ఈ ఏడాది మాత్రం.. తమ...

క్రాక్ .. పరిశ్రమకి ధైర్యం ఇచ్చింది: గోపీచంద్ మలినేనితో ఇంటర్వ్యూ

రవితేజ, గోపీచంద్ మలినేని కలసి హ్యాట్రిక్ కొట్టేశారు. సంక్రాంతి విజేతగా నిలిచింది క్రాక్. సంక్రాంతి కానుకగా వచ్చిన ఈ సినిమా.. ప్రేక్షకులకు హైవోల్టేజ్ వినోదం ఇచ్చింది. బాక్సాఫీసు వద్ద హంగామా చేస్తుంది. కరోనా...

HOT NEWS

[X] Close
[X] Close