మోడీ, షాలపై ఈసీ చర్యలు తీసుకుంటుందట..! త్వరలో..!

ముస్లింలు కాంగ్రెస్‌కు అండగా ఉండాలి అన్నందుకు.. సిద్ధూపై మూడు రోజుల పాటు ప్రచారం నుంచి నిషేధం విధించారు. ఈ నిర్ణయం తీసుకోవడానికి గంటలే పట్టింది. అంతకు ముందు అజంఖాన్ నుంచి మాయావతి వరకు.. అనేక మందిపై నిషేధం వేశారు. వీరందరూ.. కోడ్ ఉల్లంఘించినట్లు… గంటల్లోనే తేల్చారు. ఇక వీరు మాత్రమే కాదు.. వివాదాస్పదంగా మాట్లాడిన అనేక మందిపై కేసులు కూడా పెట్టారు ఈసీ అధికారులు. ఇవన్నీ… గంటల్లోనే జరిగిపోయాయి. కానీ.. మోడీ, అమిత్ షాలు మాత్రం పదే పదే కోడ్ ఉల్లంఘిస్తున్నా… వారిపై చర్యల కోసం… తగిన సమయం కోసం ఎదురు చూస్తున్నారట.. .ఎన్నికల సంఘం అధికారులు. వారిద్దరికీ కోడ్ వర్తించదా అంటూ.. దేశం మొత్తం ఈసీపై వేలెత్తి చూపిస్తున్న సమయంలో… చాలా రోజుల పాటు మౌనంగా ఉండి.. ఇప్పుడు మాత్రం.. కామ్‌గా ఉండే ప్రశ్నే లేదు. చర్యలు తీసుకుంటాం.. అని మీడియాకు సమాచారం ఇస్తున్నారు. ఎప్పుడు.. అంటే.. త్వరలో అనే సమాధానం రెడీగా పెట్టుకున్నారు.

బాలాకోట్ దాడులు చేసిన వారికే… మీ తొలి ఓటు ఇవ్వండి అని… అమిత్ షా, మోడీ బహిరంగసభల్లో తొలి సారి ఓటర్లను.. కోరుతున్నారు. ఇవే కాదు.. సైన్యం, దాడులు సహా.. కోడ్ పరిధిలోకి వచ్చి.. అసలు ప్రస్తావించకూడని అంశాలను తీసుకు వచ్చి ప్రచారం చేస్తున్నారు మోడీ, షా. వీరి తీరుపై.. ఇతర పార్టీల నేతలందరూ తీవ్ర ఆగ్రహం వ్యక్తం చేసినా ఈసీ స్పందించడం లేదు. వారిద్దరికీ కోడ్ ఉండదన్నట్లుగా ఈసీ కూడా ఉండటంతో… ఆ సంస్థ విశ్వసనీయతకే దెబ్బపడినట్లుగా అయింది. అయితే ఇప్పుడు మాత్రం… ఎన్నికలు ముగిసేవరకూ చూడబోమని.. ఈ లోపే… మోడీ, షాలపై చర్యలు తీసుకుంటామని చెప్పుకొస్తున్నారు. ఓ వైపు .. రోజువారీ పద్దతిలో చర్యలు తీసుకుంటున్నప్పుడు.. మోడీ, షాలకు మాత్రం.. ఎన్నికలు ముగిసేవరకూ.. అన్న ఆలోచన ఈసీకి ఎందుకొచ్చిందో వారే చెప్పాలి.

ఓ వైపు ఎన్నికలు ముగిసిన రాష్ట్రాల్లో… కోడ్ పేరుతో.. ఈసీ చేస్తున్న రాజకీయం అంతా ఇంతా కాదు. ఓటర్లను ఇక ప్రభావితం చేసే అవకాశం లేకపోయినప్పటికీ.. ఏ మాత్రం.. కోడ్ రిలీఫ్ ఇవ్వకుండా.. ప్రభుత్వ కార్యక్రమాలు జరగకుండా చేస్తున్నారు. ఏపీ లాంటి రాష్ట్రాల్లో అయితే పరిస్థితి మరీ తీవ్రంగా ఉంది. ఏకంగా సంబంధం లేని సీఎస్‌ను ట్రాన్స్‌ఫర్ చేసి ఆ స్థానంలో మరో అధికారిని నియమించారు. ఆయన తానే సీఎం అన్నట్లుగా ఫీలైపోయి.. కేబినెట్ నిర్ణయాలను కూడా ప్రశ్నించే పరిస్థితికి చేరిపోయారు. ఇన్ని జరుగుతున్నా..ఈసీ కామ్‌గా ఉంటోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కౌశిక్ రెడ్డికి ఎమ్మెల్సీ.. అదే రాష్ట్ర స్థాయి పదవి..!

హూజరాబాద్ నుంచి టిక్కెట్ రేసు నుంచి సీఎం కేసీఆర్ ఒకర్ని ఎలిమినేట్ చేశారు. ముందు నుంచి అందరూ అనుకుంటున్నట్లుగానే పాడి కౌశిక్ రెడ్డిని రేసు నుంచి తప్పించారు. ఆయనకు నామినేటెడ్ కోటాలో ఎమ్మెల్సీగా...

“అప్పుల కార్పొరేషన్‌”పై కేంద్రం గురి..! లేఖాస్త్రం వచ్చేసింది..!

ఆంధ్రప్రదేశ్ ప్రభుత్వం .. "ఏపీ స్టేట్‌డెలవప్‌మెంట్ కార్పొరేషన్" పేరుతో చేసిన అప్పుల వ్యవహారం రాజ్యాంగ ఉల్లంఘన అని వస్తున్న ఆరోపణలకు బలం చేకూర్చేలా తాజాగా కేంద్రం ...ఏపీ సర్కార్‌కు లేఖ రాసింది. "ఏపీఎస్‌డీసీ"...

ఏబీవీని డిస్మిస్ చేయండి..! కేంద్రానికి జగన్ సిఫార్సు..!

ఐపీఎస్ అధికారి ఏబీ వెంకటేశ్వరావును సర్వీస్ నుంచి డిస్మిస్ చేయాలని ఏపీ ప్రభుత్వం కేంద్ర హోంశాఖకు సిఫార్సు చేసింది. ఈ మేరకు శనివారం అర్థరాత్రే రహస్య జీవోను జారీ చేసినట్లుగా తెలుస్తోంది. ఏబీవీపై...

క్రైమ్‌ : బెంగళూరులో స్పాలు,క్లబ్‌ల వ్యాపారం “అదే”నా..!?

వారాంతం వస్తే మెట్రో నగరాల్లో సందడి సగమైతాదని అందరూ చెప్పుకుంటారు.. కానీ సందట్లో సడేమియాలో కూడా రెట్టింపు అవుతాయి. ఈ విషయం పోలీసులు రైడింగ్ చేసినప్పుడల్లా తెలిసిపోతుంది. బెంగళూరు పోలీసులు ఖాళీగా ఉన్నామని...

HOT NEWS

[X] Close
[X] Close