అద్వానీకి ప్రత్యామ్నాయం అమిత్ షానే..! బీజేపీ మారిపోయినట్లే..!

లోక్ సభ ఎన్నికలకు సంబంధించి తొలి జాబితాను బీజేపీ ప్రకటించింది. ఈ జాబితాలో 184 మంది ఉన్నారు. 2014లో మోదీ రెండు నియోజకవర్గాల్లో పోటీ చేసి గెలిచారు. వడోదరను వదిలేసి వారణాసి ఎంపీగా కొనసాగారు. ఇప్పడు ఐదేళ్ల తర్వాత ఆయన మరో సారి వారణాసి నుంచే పోటీ చేస్తున్నారు. ఈ సారి అనూహ్యంగా బీజేపీ అధ్యక్షుడు అమిత్ షా లోక్ సభ ఎన్నికల కదనరంగంలోకి దూకారు. ఆయన గాంధీ నగర్ నుంచి పోటీ చేస్తున్నారని పార్టీ ప్రకటించడంతో రాజకీయ కురువృద్ధుడు ఎల్ కే అద్వానీ కెరీర్ ముగిసినట్లయ్యింది. దాదాపుగా సిటింగులందరికీ అవకాశం లభించగా.. కేంద్ర మంత్రి స్మృతీ ఇరానీ… మరో సారి రాహుల్ గాంధీపై పోటీ పడుతున్నారు..

బీజేపీ తొలి జాబితాలో అందరినీ ఆశ్చర్య పరిచే పేరు అమిత్ షాదే. పార్టీ పనులకే పరిమితమవుతారనుకున్న బీజేపీ అధ్యక్షుడు అమిత్ షా..గుజరాత్లోని గాంధీ నగర్ నియోజకవర్గం నుంచి పోటీ చేస్తున్నారు. దీనితో అద్వానీ నిష్క్రమణ ఖాయమైంది. కొన్ని రోజుల క్రితం అమిత్ షా వెళ్లి అద్వానీ ని కలిసినప్పుడు పోటీ చేసేందుకు విముఖత వ్యక్తం చేశారని బీజేపీ వర్గాలు చెప్పాయి. కానీ పోటీ చేయాలంటూ అద్వానీని ఎవరూ కోరలేదని అద్వానీ వ్యక్తిగత కార్యదర్శి రెండు రోజుల క్రితం ప్రకటించడంతో ప్లాన్డ్ గా నే అద్వానీని పక్కన పెడుతున్నట్లు స్పష్టమయినది. గాంధీ నగర్లో పోటీ చేస్తున్న అమిత్ షా ప్రస్తుతం రాజ్యసభ సభ్యుడిగా ఉన్నారు. బీజేపీ మరో సారి అధికారానికి వస్తే ఆయన కేంద్ర మంత్రి అవుతారని కూడా ప్రచారం జరుగుతోంది. గాంధీ నగర్ బీజేపీ కంచుకోట కావడంతో అమిత్ షాను అక్కడ నుంచి బరిలోకి దించుతున్నారు.

రాజ్ నాథ్ సింగ్ లఖ్ నవ్ నుంచి పోటీ చేస్తుండగా, రవాణా శాఖామంత్రి నితిన్ గడ్కరీ మళ్లీ నాగ్ పూర్ గడ్డ మీదే తన అదృష్టాన్ని పరీక్షించుకుంటారు. హేమ మాలిని .. మరో సారి మథుర నుంచి బరిలోకి దిగుతారు. రాజ్యసభ సభ్యురాలైన కేంద్రమంత్రి స్మృతీ ఇరానీ కూడా రెండో సారి లోక్ సభ ఎన్నికల్లో పోటీ పడుతున్నారు. గత ఎన్నికల్లో రాహుల్ గాంధీ నియోజకవర్గమైన అమేఠీ నుంచి పోటీ చేసి ఓడిపోయిన ఆమె ఇప్పుడు మళ్లీ అక్కడే బరిలోకి దిగుతున్నారు. మోదీ, అమిత్ షా ద్వయం వ్యూహాత్మకంగానే అభ్యర్థుల జాబితాను రూపొందించినట్లు తెలుస్తోంది. గత ఎన్నికల తర్వాత కేంద్రమంత్రుల్లో ఎక్కువ మంది రాజ్యసభ సభ్యులుండేవారు. ఇప్పుడా ట్రెండ్ కు తెరదించాలని పార్టీ భావిస్తున్నట్లు సమాచారం. అందుకే 75 సంవత్సరాలు దాటిన సీనియర్లకు మినహా సిట్టింగులందరికీ అవకాశం ఇచ్చారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో కరోనా మరణమృదంగం..! ఆపడానికి ప్రయత్నాల్లేవా..?

ఆంధ్రప్రదేశ్‌లో మరణాలు రెండు వేలు దాటిపోయాయి. గత రెండు రోజులుగా.. రోజుకు కొద్దిగా తక్కువగా వంద మంది ప్రాణాలు కోల్పోతున్నారు. కరోనా వైరస్ అనేది ప్రాణాంతకం కాదని... చికిత్స చేస్తే పోతుందని ప్రభుత్వం...

“అప్పడం వ్యాక్సిన్” కనిపెట్టిన కేంద్రమంత్రికే కరోనా..!

కరోనా వైరస్‌కు ప్రపంచ ప్రఖ్యాత శాస్త్రవేత్తల దగ్గర్నుంచి భారతీయ జనతా పార్టీ నేతల వరకూ..అందరూ.. మందు కనిపెట్టే పనిలో బిజీగా ఉన్నారు. సైంటిస్టులు ఇంకా కుస్తీలు పడుతున్నారు కానీ.. భారతీయ జనతా పార్టీ...

టీటీడీపై కరోనా పడగ..! బ్రహ్మోత్సవాలు ఎలా..?

తిరుమల తిరుపతి దేవస్థానం ఉద్యోగుల్లో 743 మంది కరోనా బారిన పడ్డారు. వీరిలో ముగ్గురు ప్రాణాలు కోల్పోయారు. ఈ ముగ్గురిలో ఓ అర్చకుడు కూడా ఉన్నారు. అర్చకుల్లో సగం మందికిపైగా వైరస్ బారిన...

తప్పు యాజమన్యాలది .. పరిహారం మాత్రం ప్రజల సొమ్మా..!?

ఆంధ్రప్రదేశ్ ప్రభుత్వం ఏదైనా హై ప్రోఫైల్ ప్రమాదం జరిగితే ముందుగా... భారీగా నష్ట పరిహారం ప్రకటించడానికి ఉత్సాహపడుతోంది. ముందూ వెనుక ఆలోచించకుండా.. ఎంత మంది చనిపోయారో తెలియకుండానే.. ఆ ప్రమాద వార్త హైలెట్...

HOT NEWS

[X] Close
[X] Close