రోజాకు తోడుగా నాని : ఇద్దరిపై ఏడాది వేటు తప్పదా?

రోజా మీద ఏడాది పాటు సస్పెన్షన్‌ విధించినందుకు ఆమె కోర్టుకు వెళ్లి.. తన సస్పెన్షన్‌ ఉత్తర్వులను రద్దు చేయించే మధ్యంతర ఆదేశాలు పొంది, ఇటు శాసనసభలోకి అనుమతి పొందకుండా.. గాంధీ విగ్రహం వద్ద ధర్నాలు చేస్తూ.. రాజకీయ వేడిని సృష్టిస్తూ ఉన్న సంగతి తెలిసిందే. ఒక రోజాను ఏడాది సస్పెండ్‌ చేసిన వ్యవహారమే.. యావత్‌ వైకాపా సభ్యులు నల్లచొక్కాలతో సభకు వచ్చి.. బీభత్సం చేసేంత రగడగా సాగుతూ ఉండగానే, అదేమాత్రం పట్టనట్లుగా విపక్షానికి చెందిన మరో సభ్యుడి మీద కూడా ఏడాది సస్పెన్షన్‌ వేటు వేయడానికి రంగం సిద్ధం అవుతున్నట్లు వార్తలు వస్తున్నాయి.
శనివారం నాడు సమావేశం అయిన శాసనసభ ప్రివిలేజ్‌ కమిటీ శీతాకాల సమావేశాల్లో జరిగిన రభసల గురించి పూర్తిస్థాయిలో చర్చించింది. తాము ఇచ్చిన నోటీసులకు విపక్ష సభ్యులు ఇచ్చిన సమాధానాల్ని కూడా వారు చర్చించారు. వైకాపాకు చెందిన జ్యోతుల నెహ్రూ, కోటంరెడ్డి శ్రీధర్‌రెడ్డి, చెవిరెడ్డి భాస్కరరెడ్డిలు ఇచ్చిన సమాధానాలతో ప్రివిలేజ్‌ కమిటీ సంతృప్తి చెందినట్లుగా వార్తలు వస్తున్నాయి. అయితే రోజా లేఖ రూపంలో పంపిన సమాధానం పట్ల వారు సంతృప్తి చెందలేదు. అలాగే కొడాలి నాని వివరణ కూడా వారికి బోధపడలేదు. దీంతో ఈ ఇద్దరి మీద ఏడాది పాటు సస్పెన్షన్‌ వేటు వేసేలా ప్రివిలేజ్‌ కమిటీ శాసనసభ స్పీకరుకు సిఫారసు చేయబోతున్నట్లుగా వార్తలు వస్తున్నాయి.

రోజా పలుమార్లు నోటీసులు పంపినా.. ప్రివిలేజ్‌ కమిటీ ముందు విచారణకు హాజరు కాకపోవడం పట్ల కమిటీ సీరియస్‌ అయినట్లు చెబుతున్నారు. అయితే ఈ కమిటీ మీటింగులో ఉన్న జ్యోతుల నెహ్రూ, పెద్దిరెడ్డి రామచంద్రారెడ్డిలు అనారోగ్య కారణాల వల్ల రోజాకు మరో అవకాశం ఇవ్వాలని ప్రతిపాదించినప్పటికీ ప్రివిలేజ్‌ కమిటీ మెజారిటీ సభ్యులు పట్టించుకోలేదని సమాచారం. దాంతో వారిద్దరూ కేవలం తమ డిసెంట్‌ను రాయడానికి మాత్రమే పరిమితం అయ్యారు. మొత్తానికి ప్రివిలేజ్‌ కమిటీ సిఫారసులు శనివారం నాడే ఇచ్చేస్తారన్నది సమాచారం కాగా, సోమవారం తిరిగి సభ కొలువుదీరే వేళకు రోజా, ఆమెకు తోడుగా కొడాలి నాని మీద కూడా ఏడాది సస్పెన్షన్‌ వేటు పడవచ్చునని రాజకీయ విశ్లేషకులు భావిస్తున్నారు. అదే జరిగితే.. పాలక- విపక్షాల మధ్య రాజకీయ ప్రతిష్టంభన మరో అంచె ముందుకు వెళ్లే ప్రమాదం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మధ్యప్రదేశ్ సీన్ రాజస్థాన్‌లోనూ రిపీట్ అవుతోందా..?

జ్యోతిరాదిత్య సింధియా తన వర్గం ఎమ్మెల్యేలతో బీజేపీలో చేరిపోవడంతో మధ్యప్రదేశ్‌లో కాంగ్రెస్ ప్రభుత్వం కూలిపోయి... బీజేపీ ప్రభుత్వం ఏర్పడింది. పదిహేనేళ్ల సుదీర్ఘ విరామం తర్వాత... పట్టుమని ఏడాది కూడా ఉండలేకపోయింది. ఇప్పుడు అదే...

లాక్‌డౌన్ దిశగా రాష్ట్ర ప్రభుత్వాల ఆలోచనలు..!

వైరస్ దెబ్బకు మళ్లీ షట్‌డౌన్ ఆలోచనలు చేస్తున్నాయి ప్రభుత్వాలు. కర్ణాటక ప్రభుత్వం బెంగళూరులో వారం పాటు కంప్లీట్ లాక్ డౌన్ ప్రకటించేసింది. అక్కడ ఇప్పటికే వారంతాల్లో లాక్ డౌన్ అమలవుతోంది. అయినా.. అనూహ్యంగా.....

సినీ అవకాశం పేరిట “జబర్దస్త్” చీటింగ్

సినిమా ఇండస్ట్రీలో వేషాలు ఇప్పిస్తామంటూ చెప్పి యువతీ యువకులను మోసం చేయడం ఎప్పట్నుంచో జరుగుతున్నదే. యువతీయువకుల దగ్గరనుండి సినిమా అవకాశాలు పేరిట డబ్బులు గుంజడం, యువతుల పై లైంగిక వేధింపులకు పాల్పడడం వంటి...

వెబ్ సిరీస్‌గా ‘మైదానం’

క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక‌.. కంటెంట్,...

HOT NEWS

[X] Close
[X] Close