తెలుగులోనే అగ్ర‌గామి దిన ప‌త్రిక‌లో ప‌నిచేస్తున్న ప్రముఖ కార్టూనిస్ట్‌ కు క‌రోనా సోకిన‌ట్టు స‌మాచారం. ద‌శాబ్దాలుగా అగ్ర‌గామిగా కొన‌సాగుతున్న ప‌త్రిక‌లో… ఈయ‌న కార్ట్యూన్ల‌కు మంచి ఆద‌ర‌ణ ల‌భిస్తుంటుంది. తొలి పేజీలో.. త‌న గీతల‌తో అల‌రించ‌డం, ప్ర‌భుత్వ ప‌నితీరుపై సెటైర్లు వేయ‌డంలో ఈ కార్టూనిస్ట్‌ దిట్ట. ఆయన ప్ర‌తిభ‌కు ముగ్థుడైపోయిన ఆ సంస్థ య‌జ‌మాని… ఈ కార్టూనిస్ట్‌‌ని దాదాపు ద‌త్త పుత్రుడిగా ప‌రిగ‌ణిస్తుంటారు. ఆ సంస్థ‌లో అత్య‌ధిక వేత‌నం తీసుకునే ఉద్యోగుల‌లో ప్ర‌ధ‌మ స్థానం ఆయ‌న‌దే. ఎలా చూసినా తెలుగు మీడియా రంగంలో, ముఖ్యంగాకార్టూనిస్ట్‌‌ల‌లో – ఈయ‌న బాగా ఇష్టుడు. త‌న వ్యంగాస్త్రాల‌తో ప్రభుత్వంపై చ‌ణుకులు మెరిపిస్తూ – మీడియా రంగంలో త‌న‌దైన ముద్ర వేశారు. ప్ర‌స్తుతం క‌రోనాతో బాధ ప‌డుతూ హైద‌రాబాద్ లోని ఓ ప్రైవేటు ఆసుప‌త్రిలో చికిత్స పొందుతున్న‌ట్టు స‌మాచారం. ఆయన కుటుంబ సభ్యుల‌కు సైతం క‌రోనా టెస్టులు చేయించార‌ని, రిజ‌ల్టు రావాల్సివుంద‌ని తెలుస్తోంది.
మీడియా వాచ్: ప్రముఖ కార్టూనిస్ట్‌‌కు క‌రోనా?
