నిండా మునిగింది రాజధానికి భూములు ఇచ్చిన రైతులే..!

ఓ ప్రాజెక్ట్ కడదామంటే.. వెయ్యి ఎకరాల భూసేకరణ చేయడానికి ప్రభుత్వాలు పడే తంటాలు అన్నీ ఇన్నీ కావు. గొడవలు.. ధర్నాలు.. కాల్పుల వరకూ పరిస్థితులు వెళ్తాయి. కానీ.. ఏపీ రాజధానికి.. ఎలాంటి గొడవలు లేకుండా 33వేల ఎకరాలు సమకూరాయి. ప్రభుత్వం రూపాయి ఖర్చు పెట్టలేదు. భూసమీకరణ అలా అందరిని దృష్టిని ఆకర్షించింది. ఎంతో మంది రెచ్చగొట్టడానికి ప్రయత్నించినా.. రైతులు.. మరో మాట లేకుండా.. రాష్ట్రం కోసం రాజధాని కోసం భూములు ఇచ్చారు. ఇప్పుడు వారే.. అన్ని విధాలుగా నష్టపోతున్నారు.

రాజధాని అమరావతి నిర్మాణం కోసం 33 వేల 567 ఎకరాలను భూ సమీకరణ విధానం కింద ప్రభుత్వానికి ఇచ్చిన రైతులు రోడ్డునపడ్డారు. గుంటూరు జిల్లాలోని తుళ్లూరు, తాడేపల్లి, మంగళగిరి మండలాల్లోని 29 గ్రామాలకు చెందిన రైతులు తమ భూములను రాజధాని అభివృద్ధి కోసం భూ సమీకరణ విధానం కింద ప్రభుత్వానికి ఇచ్చారు. జరీబు గ్రామాల్లో ఎకరానికి వెయ్యి గజాల నివాస స్థలం, 450 గజాలు వాణిజ్య స్థలాన్ని రైతులకిచ్చారు. మెట్ట గ్రామాల్లో వెయ్యి గజాల నివాస స్థలం, 300 గజాలు వాణిజ్య స్థలాన్ని భూములిచ్చిన రైతులకు ప్రభుత్వం లాటరీ వేసి ప్లాట్లను కేటాయించింది. ఈ ప్లాట్లలో మౌలిక సదుపాయాలైన విద్యుత్, నీరు, రహదారులు, భూగర్భ డ్రైనేజ్, పవర కేబుల్స్, గ్యాస్ లైన్ కూడా వేసి అభివృద్ధి చేస్తామని ప్రభుత్వం రైతులతో కుదుర్చుకున్న భాగస్వామ్య ఒప్పందంలో పేర్కొంది. ఈ మేరకు ఈ ప్లాట్లను అభివృద్ధి చేసేందుకు ప్రభుత్వం ఆయా సంస్థలకు కాంట్రాక్ట్ లు కూడా ఇచ్చింది. ఈలోపు రాష్ట్రంలో అధికారంలోకి వచ్చిన వైఎస్సార్ కాంగ్రెస్ పార్టీ ప్రభుత్వం వీటన్నిటినీ నిలిపివేసింది.

తమ కళ్ల ముందే రాజధానికిచ్చిన భూముల ధరలు కోట్లాది రూపాయలకు చేరుకోవటం, మరలా అవే భూముల ధరలు పాతాళానికి పడిపోవటాన్ని రైతులు జీర్ణించుకోలేకపోతున్నారు. భూములను కూడా వెనక్కి ఇవ్వమని కోరినప్పటికీ ఆ అవకాశం కూడా లేకపోవటంతో రైతుల పరిస్థితి ముందు నుయ్యి.. వెనక గొయ్యి అన్న చందంగా మారింది. ఇప్పటికే తమ భూముల్లో వేరేవారికి ప్లాట్లు రావటంతో వాటిని ప్రభుత్వం ప్లాట్లు వచ్చినవారికి రిజిస్ట్రేషన్ కూడా చేసింది. అలా రిజిస్టర్ అయిన ప్లాట్లను రైతులు వేరేవారికి విక్రయించేశారు. ఇప్పటికే రాజధాని రైతులు తమతో ప్రభుత్వం కుదుర్చుకున్న భాగస్వామ్య ఒప్పందాన్ని అమలు జరిపేలా ప్రభుత్వాన్ని ఆదేశించాలని రాష్ట్ర హైకోర్టులో పిటిషన్ దాఖలు చేశారు. దీనిపై కోర్టు విచారణ జరపనుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చిరంజీవిని కలిసి ఆశీర్వాదం తీసుకున్న సోము వీర్రాజు..!

ఆంధ్రప్రదేశ్ బీజేపీ అధ్యక్షుడిగా కొత్తగా నియమితులైన సోము వీర్రాజు మొదటగా మెగాస్టార్ చిరంజీవిని కలిసి ఆశీస్సులు తీసుకున్నారు. సాధారణంగా ఆయన...మొదట పవన్ కల్యాణ్‌ని కలుస్తారని భావించారు. అయితే.. పవన్ కల్యాణ్‌తో భేటీ కంటే...

అమరావతి నిధుల లెక్కలన్నీ అడిగిన హైకోర్టు..!

అమరావతిలో గత ప్రభుత్వం పెట్టిన రూ. వేల కోట్ల ప్రజాధనం వృధా పోతుందన్న పిటిషన్‌పై హైకోర్టు విచారమలో ఆసక్తికర విషయాలు వెలుగులోకి వచ్చాయి. అమరావతిలో రూ. 52 వేల కోట్ల రూపాయల...

జగన్‌కు గుడి కాదు చర్చి కట్టాలన్న ఆర్ఆర్ఆర్..!

తూర్పుగోదావరి జిల్లా గోపాలపురం ఎమ్మెల్యే తలారి వెంకట్రావు ముఖ్యమంత్రి జగన్ కు గుడి కట్టడానికి ఏర్పాట్లు చేయడం.. భూమి పూజ చేయడం వివాదాస్పదమవుతోంది. ఖచ్చితంగా అయోధ్య రామాలయానికి శంకుస్థాపన జరుగుతున్నప్పుడే.. తలారి...

మంచు వారి ‘ఓటీటీ’

ప్ర‌తీ సినీ కుటుంబానికీ ఓ నిర్మాణ సంస్థ ఉండ‌డం ఎంత స‌హ‌జంగా మారిందో, ఇప్పుడు ఓ ఓటీటీ సంస్థ ఉండ‌డం కూడా అంతే రివాజుగా మార‌బోతోంది. ఓటీటీ సంస్థ‌ల ప్రాధాన్యం క్ర‌మంగా పెరుగుతోంది....

HOT NEWS

[X] Close
[X] Close