తెదేపా కాదు బీజేపీలోకే కిరణ్ కుమార్ & బ్రదర్స్?

సమైక్యరాష్ట్ర చివరి ముఖ్యమంత్రి కిరణ్ కుమార్ రెడ్డి సోదరుడు సంతోష్ రెడ్డి త్వరలో తెదేపాలో చేరబోతున్నట్లు వచ్చిన వార్తలను ఆయన ఖండించలేదు…సమర్ధించలేదు. అలాగే తెదేపా నేతలు ఎవరూ కూడా వాటిపై స్పందించకపోవడంతో సంతోష్ రెడ్డి తెదేపాలో చేరవచ్చనే అందరూ భావిస్తున్నారు. కానీ ప్రకారం కిరణ్ కుమార్ రెడ్డి, ఆయన సోదరులు కలిసి త్వరలోనే బీజేపీలో చేరబోతున్నట్లు తాజా సమాచారం. ఈ విషయాన్నీ వారి కుటుంబ సభ్యులు తమకు తెలియజేసినట్లు ఒక ప్రముఖ మీడియా ఛానల్ పేర్కొంది. కనుక ఈ వార్తను నమ్మవచ్చును.

కిరణ్ కుమార్ రెడ్డి రాష్ట్ర విభజన విషయంలో తన అధిష్టానాన్ని తీవ్రంగా వ్యతిరేకిస్తున్న సమయంలో అప్పటి గోవా ముఖ్యమంత్రి మనోహర్ పారికర్ అకస్మాత్తుగా హైదరాబాద్ వచ్చి ఆయనతో సమావేశం అయినప్పుడే కిరణ్ కుమార్ రెడ్డి కాంగ్రెస్ పార్టీకి గుడ్ బై చెప్పేసి బీజేపీలో చేరి ఆంద్రప్రదేశ్ రాష్ట్ర పగ్గాలు చేపడతారని ఊహాగానాలు వచ్చేయి. ఒకవేళ ఆయన అప్పుడే కనుక బీజేపీలో చేరి ఉండి ఉంటే ఆయన రాజకీయ భవిష్యత్, రాష్ట్ర రాజకీయాలు మరో విధంగా ఉండేవేమో? కానీ అందరికీ శకునం చెప్పిన బల్లి కుడితిలో పడి చచ్చిందన్నట్లుగా, రాష్ట్ర విభజన జరిగితే రెండు తెలుగు రాష్ట్రాలు ఎటువంటి సమస్యలు ఎదుర్కోవలసి వస్తుందో చాల చక్కగా వివరించి చెప్పిన కిరణ్ కుమార్ రెడ్డి, వరుసగా తప్పుడు నిర్ణయాలు తీసుకొని తన రాజకీయ భవిష్యత్ ని తనే చేజేతులా నాశనం చేసుకొన్నారు.

ఆనాడు ఎప్పుడో తీసుకోవలసిన ఈ నిర్ణయం ఇప్పుడు తీసుకొంటున్నట్లున్నారు. వచ్చే ఎన్నికల నాటికి ఆంద్రప్రదేశ్ రాష్ట్రంలో ప్రత్యామ్నాయ రాజకీయ శక్తిగా అవతరించాలని బీజేపీ కలలు కంటోంది. కానీ రాష్ట్ర బీజేపీ నేతలకి అటువంటి గొప్పగొప్ప కలలు, ఆలోచనలున్నట్లు లేవు. వారి అనాసక్తత లేదా నిర్లిప్తత వలన అసలు రాష్ట్రంలో బీజేపీ ఉందా లేదా? అనే పరిస్థితి నెలకొని ఉంది. కనుక రాష్ట్ర బీజేపీ పగ్గాలు కిరణ్ కుమార్ రెడ్డికి అప్పగించి వచ్చే ఎన్నికలలోగా రాష్ట్రంలో పార్టీని బలోపేతం చేయమని బీజేపీ అధిష్టానం కోరుతుందో లేకపోతే ఆయన స్థాయికి తగ్గట్లుగా కేంద్రంలో కీలక పదవి అప్పగిస్తుందో వేచి చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో తిరుగుబాటు వార్తలు..! సజ్జల వివరణ..!

వైఎస్ఆర్ కాంగ్రెస్ పార్టీలో తిరుగుబాటు అంటూ రిపబ్లిక్ టీవీలో వచ్చిన ఓ కథనం ఇప్పుడు వైసీపీలో అలజడి రేపుతోంది. ఎంతగా అంటే.. ఆ పార్టీకి జగన్ తర్వాత జగన్ అంతటి వ్యక్తిగా బరువు,...

స్టీల్ ప్లాంట్ అమ్మకం ఆగదని కేంద్రంతో చెప్పించిన వైసీపీ ఎంపీలు..!

విశాఖ స్టీల్ ప్లాంట్ ప్రైవేటీకరణను అడ్డుకోవడానికి తమ వద్ద ప్రత్యేకమైన ప్రణాళిక ఉందని చెబుతున్న వైసీపీ నేతలు... ఢిల్లీ నుంచి మాత్రం ఏపీకి స్టీల్ ప్లాంట్‌తో సంబంధం లేదనే ప్రకటనలు...

తెలంగాణ మహిళల గురించి సరే….షర్మిల తన హక్కుల కోసం ఎలా పోరాడుతారు..!?

తెలంగాణలో రాజకీయ పార్టీ పెట్టి.. రాజన్న రాజ్యం తీసుకు వచ్చి.. అందరికీ న్యాయం చేసేయాలన్న పట్టుదలతో ఉన్న వైఎస్ రాజశేఖర్ రెడ్డి కుమార్తె షర్మిల అంతర్జాతీయ మహిళా దినోత్సవాన్ని కూడా ఉపయోగించుకున్నారు. పెద్ద...

చంద్రబాబు బూతులు మాట్లాడుతున్నారంటున్న సజ్జల..!

ఆంధ్రప్రదేశ్‌లో ఎన్నికల ప్రచారాలు కానీ.. రాజకీయ విమర్శలు కానీ బూతుల రేంజ్‌లో ఎవరు చేస్తారు..? అంటే ప్రత్యేకంగా సమాధానం వెదుక్కోవాల్సిన అవసరం లేదు. అయితే అదే వైసీపీ నేతలు ఇప్పుడు.. చంద్రబాబు, లోకేష్...

HOT NEWS

[X] Close
[X] Close