విశ్వ‌క్‌సేన్ క‌థానాయ‌కుడిగా నటించిన చిత్రం ‘గ్యాంగ్స్ ఆఫ్ గోదావ‌రి’. ఎప్పుడో రెడీ అయినా, ర‌క‌ర‌కాల కార‌ణాల వ‌ల్ల వాయిదా ప‌డుతూ వ‌స్తోంది. మార్చిలో రావాల్సిన సినిమా ఎల‌క్ష‌న్ల వ‌ల్ల ఆగింది. ఎన్నిక‌లు అయిపోయిన వెంట‌నే ఈనెల 17న విడుద‌ల చేద్దామ‌నుకొన్నారు. చిత్ర‌బృందం కూడా అధికారికంగా రిలీజ్ డేట్ ప్ర‌క‌టించింది. ఓ టీజ‌ర్ కూడా విడుద‌ల చేసింది. అయితే ఇప్పుడు మళ్లీ డేట్ మారింది. ఈనెల 31న ఈ చిత్రాన్ని విడుద‌ల చేయ‌నున్నారు. ఐదేళ్ల క్రితం ఇదే రోజున విశ్వ‌క్‌సేన్ ‘ఫ‌ల‌క్‌నామా దాస్‌’ విడుద‌లైంది. ఆ సెంటిమెంట్ తో రిలీజ్ డేట్ మార్చారా, లేదంటే.. ప్ర‌మోష‌న్ల‌కు స‌రిప‌డా టైమ్ దొర‌క‌డం లేద‌ని మ‌రోసారి వాయిదా వేశారా? అనేది తెలియల్సివుంది.
కృష్ణ చైత‌న్య ద‌ర్శ‌క‌త్వం వ‌హించిన ఈ చిత్రాన్ని సితార ఎంట‌ర్‌టైన్మెంట్స్ సంస్థ నిర్మించింది. నేహా శెట్టి, అంజలి క‌థానాయిక‌లుగా న‌టించారు. టీజ‌ర్ కు మంచి స్పంద‌న వ‌చ్చింది. ఓటీటీ బిజినెస్ కూడా క్లోజ్ అయ్యింది. శాటిలైట్ హ‌క్కుల‌కు సంబంధించిన బేరాలు జ‌రుగుతున్నాయి. ఈమ‌ధ్య ధియేట‌ర్ల‌లో మాస్ సినిమా వ‌చ్చి చాలాకాల‌మైంది. దాంతో.. `గోదావ‌రి`పై అంచ‌నాలు ఏర్ప‌డ్డాయి. మే 31నే సుధీర్‌బాబు ‘హ‌రోం హ‌ర’ విడుద‌ల‌కు రెడీ అయ్యింది.
