“వాన్‌పిక్‌ భూముల” వ్యవహారాల్లో కొత్త కదలిక..!

ఆంధ్రప్రదేశ్‌లో ప్రభుత్వం మారిన తర్వాత అనేకానేక కొత్త కొత్త పరిణామాలు చోటు చేసుకుంటున్నాయి. వైఎస్ హయాంలో జరిగిన అనేక కుంభకోణాల్లో పేర్లు వినిపించిన వారికి.. సీబీఐ చార్జిషీట్లలో పేర్లు ఉన్న వారికి పదవులు.. ఇతర ప్రయజనాలు లభిస్తున్నారు. ఈ క్రమంలో.. అత్యంత వివాదాస్పదమైన వాన్ పిక్ విషయంలోనూ కొత్తగా కదలిక వచ్చినట్లుగా కనిపిస్తోంది. వాన్ పిక్ ప్రాజెక్టు విషయంలో క్విడ్ ప్రో కో జరిగిందని ఈడీ నిర్ధారించి.. ఆ భూములను ఎటాచ్ చేసింది. రైతుల వద్ద నుంచి ఆ ప్రాజెక్ట్ కోసం సేకరించిన భూములన్నీ నిరుపయోగంగా ఉన్నాయి. అయితే.. తమ భూములు తీసుకున్న దానికి ఉపయోగించడం లేదన్న కారణంగా రైతులు వారి భూములను వారు సాగు చేసుకుంటున్నారు. అయితే ఇప్పుడు ఆ రైతులకు అధికారులు నోటీసులు జారీ చేశారు. తక్షణం ఆ భూముల నుంచి పంటలు తొలగించి ..ఖాళీ చేయాలని ఆ నోటీసుల సారాంశం.

వాన్ పిక్ స్కాం బయటకు వచ్చిపన్పుడు గగ్గోలు రేగింది. ఈ కేసు వ్యవహారంలో పారిశ్రామికవేత్త నిమ్మగడ్డ ప్రసాద్ చాలా కాలంపాటు సెర్బియా జైల్లో ఉన్నారు. ఇటీవలే ఆయన ఇండియాకు వచ్చారు. ఆ తర్వాత ఆయన బహిరంగంగా ఎక్కడా కనిపించడం లేదు. అయితే.. వాన్ పిక్ విషయంలో రస్ అల్ ఖైమా అనే దేశం వద్ద పెద్ద ఎత్తున పెట్టుబడులు తీసుకున్నారు. కేసులు పడటంతో ఆ ప్రాజెక్ట్ అటకెక్కింది. తమ పెట్టుబడుల సంగతేమిటని రస్ అల్ ఖైమా ప్రశ్నిస్తోంది. అయితే కేసులు సీబీఐ, ఈడీ విచారణలో ఉండటం.. భూములు ఎటాచ్‌లో ఉండటంతో ఎలాంటి వ్యాపార ఒప్పందాలు చేయలేని పరిస్థితిలో ఉన్నారు.

అప్పట్లో రాజకీయ పార్టీలు వాన్‌పిక్ పేరుతో సేకరించిన భూములను రైతులకు ఇచ్చేస్తామని ప్రకటించాయి. అయితే ఈడీ అటాచ్‌లో ఉండటంతో సాధ్యం కాలేదు. కానీ ఎవరి భూములు వారు సాగు చేసుకున్నా.. గత ప్రభుత్వం పట్టించుకోలేదు. కానీ ప్రస్తుత ప్రభుత్వం వాన్ పిక్ భూముల నుంచి రైతుల్ని ఖాళీ చేయించాలని నిర్ణయించుకుంది. మామూలుగా అయితే ఈడీ అటాచ్‌లో ఉన్న భూముల్ని ప్రభుత్వ అధికారులు పెద్దగా పట్టించుకోరు. ఈడీ ప్రత్యేకంగా కోరితే తప్ప చర్యలు తీసుకోరు. కానీ ఇప్పుడు మాత్రం ప్రభుత్వ అధికారులు .. వాన్ పిక్ భూముల్నించి రైతుల్ని ఖాళీ చేయించేందుకు నిర్ణయించుకున్నారు. దీనిపై రాజకీయంగా దుమారం రేగే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సీఎంఆర్ఎఫ్ దొంగ చెక్కలు కథ ఇంకా తేలలేదా !?

ఆంధ్రప్రదేశ్ చీఫ్ మినిస్టర్ రిలీఫ్ ఫండ్ నిధుల్ని దొంగ చెక్కులతో కొల్లగొట్టబోయిన వ్యవహారం అప్పుడప్పుడూ ఏసీబీ అధికారులు తెర ముందుకు తెస్తున్నారు. తాజాగా మరోసారి మీడియాకు ఈ కేసులో ఓ లీక్ ఇచ్చారు....

క్లైమాక్స్‌పై ఆధార‌ప‌డిన ‘ల‌వ్ స్టోరీ’ జాత‌కం

చాలాకాలం త‌ర‌వాత‌... బాక్సాఫీసు ద‌గ్గ‌ర కాస్త హంగామా క‌నిపిస్తోంది.. లవ్ స్టోరీ వ‌ల్ల‌. శేఖ‌ర్ క‌మ్ముల ద‌ర్శ‌కత్వం వ‌హించిన సినిమా ఇది. నాగ‌చైత‌న్య - సాయి ప‌ల్ల‌వి జంట‌గా న‌టించారు. శేఖ‌ర్ పై...

వివేకా హత్య కేసులో టీవీచానళ్లపై సీబీఐ గురి !

వైఎస్ వివేకానందరెడ్డి హత్య కేసులో సీబీఐ అధికారులు అసలు విషయాల కన్నా కొసరు అంశాలపైనే ఎక్కువ దృష్టి కేంద్రీకరించినట్లుగా కనిపిస్తోంది. తాజాగా వారు మీడియా ప్రతినిధుల్ని విచారిస్తున్నారు. అయితే అది అప్పట్లో ఎవరు...

“టీటీడీ ప్రత్యేక ఆహ్వానితుల” జీవో సస్పెన్షన్ !

వివాదాస్పదంగా మారిన టీటీడీ ప్రత్యేక ఆహ్వానితుల జీవోను హైకోర్టు నాలుగు వారాల పాటు సస్పెండ్ చేసింది. పాలక మండలితో పాటు విడిగా 52 మందిని ప్రత్యేక ఆహ్వానితులుగా నియమిస్తూ ఏపీ ప్రభుత్వం నిర్ణయం...

HOT NEWS

[X] Close
[X] Close