అన్ని చోట్లా మహాకూటమి మంత్రం ఫలిస్తుందా?

బిహార్ ఎన్నికలలో బద్ధ విరోదులయిన పార్టీలన్నీ కలిసి మహాకూటమిగా ఏర్పడి ఎన్నికలలో బీజేపీని మట్టి కరిపించడంతో, వచ్చే ఏడాదిలో జరుగబోయే ఉత్తరప్రదేశ్ అసెంబ్లీ ఎన్నికలలో కూడా అదే ఫార్ములాను అమలు చేసి అధికారం నిలబెట్టుకోవాలని ముఖ్యమంత్రి అఖిలేష్ యాదవ్ భావిస్తున్నారు. రాష్ట్రంలో ప్రాధాన ప్రతిపక్షమయిన బహు జన్ సమాజ్ వాదీ పార్టీ (బి.ఎస్.పి.) తో కలిసి మహాకూటమిని ఏర్పాటు చేసుకోవాలనుకొంటున్నట్లు అధికార పార్టీకి చెందిన మంత్రి ఎం. కిద్వాయ్ అన్నారు. రాష్ట్రంలో అధికార సమాజ్ వాదీ, బహు జన్ సమాజ్ వాదీ పార్టీలు బద్ద విరోదులుగా వ్యవహరిస్తున్నాయి. కనుక వాటిమధ్య పొత్తులు, మహాకూటమి ఏర్పాటు అసాధ్యమేనని భావించవచ్చును.

ఒకవేళ అవి కలిసి పనిచేసేందుకు సిద్దపడినా బిహార్ లో ఫలించిన మహాకూటమి మంత్రం అన్ని చోట్లా ఫలిస్తుందా? బిహార్ లో మహాకూటమి చేతిలో భంగపడిన బీజేపీ అందుకు ప్రత్యామ్నాయాలు ఆలోచించకుండా చేతులు ముడుచుకొని కూర్చోంటుందా? మొదట డిల్లీలో తరువాత బిహార్ లో ఘోరపరాజయం పొందిన బీజేపీ మళ్ళీ మరో అపజయాన్ని భరించగలదా? మళ్ళీ అపజయం ఎదురయితే అప్పుడు బీజేపీ పరిస్థితి ఏమవుతుంది? అనే సందేహాలు కలుగుతాయి. ఒకవేళ అఖిలేష్ యాదవ్ ప్రభుత్వం మహాకూటమి ఏర్పాటుకి ప్రయత్నాలు మొదలుపెడితే బీజేపీ కూడా అదే పని చేయవచ్చును. అయినా బిహార్ లో ఉన్న రాజకీయ పరిస్థితులు వేరు. ఉత్తరప్రదేశ్ లో పరిస్థితులు వేరు.

బిహార్ లో లాలూ ప్రసాద్ యాదవ్ పశువుల దాణా కుంభకోణం కేసులో జైలుకి వెళ్లి రావడం, తత్ఫలితంగా ఎన్నికలలో పోటీ చేసేందుకు అనర్హుడవడం, చాలా కాలంగా అధికారానికి దూరంగా ఉంటున్న కారణంగా మహాకూటమి ఏర్పాటుకి నితీష్ కుమార్ స్వయంగా ఆహ్వానించడంతో లాలూ ప్రసాద్ యాదవ్ దానినొక గొప్ప అవకాశంగా గుర్తించి మహాకూటమిలో భాగస్వామి అయ్యేరు. మహాకూటమి విజయం సాధించడంతో ఆయన సరయిన నిర్ణయమే తీసుకొన్నారని అర్ధమవుతోంది. కానీ మాయావతి నేతృత్వంలో బి.ఎస్.పి. రాష్ట్రంలో చాలా బలంగా ఉంది. ఇదివరకు ఆమె రాష్ట్రానికి ముఖ్యమంత్రిగా కూడా ఉన్నందున ఆమె ప్రభావం రాష్ట్ర ప్రజలపై బలంగానే ఉంది. ముఖ్యంగా బలహీనవర్గాలలో ఆమె పార్టీకి చాలా గట్టి పట్టు ఉంది. పైగా అధికార సమాజ్ వాదీ ప్రభుత్వానికి వ్యతిరేకంగా బి.ఎస్.పి. చాలా తీవ్రంగా పోరాడుతోంది. కనుక ఒకవేళ అధికార పార్టీ తమతో పొత్తులు పెట్టుకొని మహాకూటమికి ఆసక్తి చూపినప్పటికీ, బి.ఎస్.పి. ఆసక్తి చూపకపోవచ్చును. అంతకంటే బీజేపీతో చేతులు కలిపినట్లయితే రాష్ట్రంలో తమకే అధికారం కట్టబెట్టి బీజేపీ కేవలం భాగస్వామిగా ఉండేందుకు సిద్దపడవచ్చును. అయినా ఎన్నికలకి ఇంకా చాలా సమయం ఉంది కనుక ఈలోగా ఏమయినా జరుగవచ్చును. పరిస్థితులను, అవసరాలను బట్టి ఎవరు ఎవరితో అయినా దగ్గర లేదా దూరం అవవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

హోదా ఇస్తేనే విభజన చట్టం అమలు..! హైకోర్టుకు ఏపీ సర్కార్ అఫిడవిట్..!

అమరావతి మార్పు గురించి ప్రస్తావన లేని పిటిషన్‌పై వేసే అఫిడవిట్లలో అటు కేంద్రం..ఇటు ఏపీ...రాజధాని మార్పు గురించి తమ విధానానని హైకోర్టులో చెప్పడం... ఆశ్చర్యానికి గురి చేస్తోంది. 2018 మార్చి 29న విభజన...

ఆహా ప్లానింగ్ : చిరుతో వెబ్ సిరీస్… 42 షోస్‌

తొట్ట తొలి ఓటీటీ సంస్థ ఆహా.. భారీ ప్లానింగ్ తో రాబోతోంది. వ‌రుస‌గా సినిమాలు కొంటూ, వెబ్ సిరీస్ లు రూపొందిస్తూ.. కంటెంట్ బ్యాంక్ ని పెంచుకుంటోంది ఆహా. రాబోయే రోజుల్లో ఆహా...

170 కోట్ల‌తో ఓటీటీ సినిమానా?

ఓటీటీ.. ప‌రిధి పెరుగుతోంది. చిత్ర‌సీమ‌ని మెల్ల‌మెల్ల‌గా ఓటీటీ ఆక్ర‌మించుకుంటోంది. నిర్మాత‌ల‌కు ఇదో ప్ర‌ధాన ఆదాయ వ‌న‌రుగా మారింది. థియేట‌ర్ల‌కు ప్ర‌త్యామ్నాయంగా ఓటీటీ త‌న రూపాన్ని మార్చుకుంటోంది. ఓటీటీ సంస్థ‌లే... భారీ పెట్టుబ‌డితో సినిమాలు...

ఫ్లాప్ హీరోతో.. యూవీ సినిమా

ద‌ర్శ‌కుడు శోభ‌న్ గుర్తున్నాడా? వ‌ర్షం సినిమా ద‌ర్శ‌కుడు. ప్ర‌తిభావంత‌మైన ద‌ర్శ‌కుడు... చాలా త‌క్కువ వ‌య‌సులోనే క‌న్నుమూశాడు. త‌న త‌న‌యుడే సంతోష్. త‌ను నేను, పేప‌ర్ బోయ్ సినిమాల‌లో హీరోగా క‌నిపించాడు. ఆ...

HOT NEWS

[X] Close
[X] Close