చంద్రబాబు క్వాష్ పిటిషన్‌పై రేపు తేల్చనున్న హైకోర్టు..!

సీఐడీ తమపై నమోదు చేసిన ఎఫ్ఐఆర్ రాజకీయ కుట్ర ప్రేరేపితమని కొట్టి వేయాలని కోరుతూ.. మాజీ ముఖ్యమంత్రి చంద్రబాబు, మాజీ మంత్రి నారాయణ హైకోర్టులో క్వాష్ పిటిషన్లు దాఖలు చేశారు. సీఐడీ నమోదు చేసిన కేసు సర్టిఫైడ్ ఎఫ్ఐఆర్ కాపీని కోర్టు నుంచి తీసుకున్న టీడీపీ లీగల్ సెల్ ప్రతినిధులు దానిపై న్యాయనిపుణుల నుంచి అభిప్రాయాలు సేకరించి … అసలు బాధితులు, లాభపడిన వారెవరూ ఫిర్యాదు చేయకుండా ధర్డ్ పార్టీ వ్యక్తి ఫిర్యాదు చేయడం… వెంటనే కేసు నమోదు చేయడం కుట్రలో భాగం అని సులువుగా అర్థం చేసుకోవచ్చని… క్వాష్ పిటిషన్ దాఖలు చేయాలని సలహా ఇచ్చారు.

న్యాయనిపుణుల సలహా మేరకు.. హైకోర్టులో క్వాష్ పిటిషన్లు దాఖలు చేశారు. వెంటనే విచారణ జరపాలని న్యాయవాదులు కోరారు. అయితే.. రేపు విచారణ జరుపుతామని హైకోర్టు తెలిపింది. అదే సమయంలో… చంద్రబాబు, నారాయణపై ఫిర్యాదు చేసిన మంగళగిరి ఎమ్మెల్యే ఆర్కే .. సీఐడీ ఎదుట హాజరయ్యారు. తాను చేసిన ఫిర్యాదుకు సంబంధించి తన దగ్గర ఉన్న ఆధారాలను సమర్పించారు. తనకు దళితులు ఫిర్యాదులు చేశారని.. ఆ ఫిర్యాదులను సీఐడీకి అందచేశానని చెప్పుకొచ్చారు. అదే దళితులు నేరుగా సీఐడీకి ఫిర్యాదు చేయవచ్చు కదా.. మీకే ఎందుకు ఫిర్యాదు చేశారన్న అంశంపై ఆయన స్పష్టత ఇవ్వలేదు.

మంగళగిరిలో 500 ఎకరాల అసైన్డ్ భూముల్లో మోసం జరిగిందని.. తాడికొండలో 3 వేల ఎకరాలు ఇలాగే కొట్టేశారని అనుమానం ఉందని చెప్పుకొచ్చారు. చంద్రబాబు, నారాయణ తప్పు చేయకుంటే విచారణ ఎదుర్కోవాలని సలహా ఇచ్చారు. అసలు బాధితులు ఉన్నారో లేదో తెలినీ ఈ కేసు చట్ట ప్రకారం చెల్లదని టీడీపీ లీగల్ సెల్ కూడా చెబుతోంది. నిజంగా బాధితులు ఉంటే.. వారితోనే ఫిర్యాదు ఇప్పించేవారు కాదా అని ప్రశ్నిస్తున్నారు. ఈ అంశంపై రేపు హైకోర్టులో విచారణ జరగనుంది. రెండు రోజుల్లో ఈ కేసుకు సంబంధించి కీలకమైన పరిణామాలు చోటు చేసుకునే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కత్తి మహేష్ టెంప్లేట్ వైకాపా వదలదా? కత్తి స్థానాన్ని పోసాని భర్తీ చేయగలరా ?

ప్రస్తుతం ఆంధ్రప్రదేశ్ రాజకీయాలలో వైఎస్ఆర్సిపి మంత్రులు వర్సెస్ పవన్ కళ్యాణ్ అంటూ చిన్న సైజు యుద్ధమే జరుగుతుంది. సినిమా టికెట్లను ప్రభుత్వ పోర్టల్ ద్వారా అమ్మాలి అన్న జగన్ నిర్ణయాన్ని వ్యతిరేకిస్తూ పవన్...

పోసాని మళ్లీ రచ్చ – దాడికి ప్రయత్నించిన పవన్ ఫ్యాన్స్ !

పవన్ కల్యాణ్ ఫ్యాన్స్ తన భార్యపై అనుచిత వ్యాఖ్యలు చేశారంటూ మరోసారి మీడియా ముందుకు వచ్చిన పోసాని కృష్ణమురళి ఆయనపై అనుచిత వ్యాఖ్యలు చేశారు. ప్రెస్‌క్లబ్‌లో మీడియా సమావేశం పెట్టి "పవన్ నీకెంత...

ప్రజల వరద కష్టాల కన్నా మీడియాకు సినిమా గొడవలే మిన్న !

ఓ వైపు తెలుగు రాష్ట్రాల్లో తుపాన్ బీభత్సం సృష్టించింది. ఏపీలో ఉత్తరాంధ్ర, ఉభయగోదావరి జిల్లాలు తీవ్రంగా నష్టపోయాయి. ఇప్పటికీ తేరుకోలేదు. కొన్ని వందల గ్రామాల్లో అంధకారం అలుముకుంది. ఇక నష్టపోయిన వారి గురించిచెప్పాల్సిన...

పంజాబ్ కాంగ్రెస్ చిందర వందర !

అసెంబ్లీ ఎన్నికల ముందు ఏదో చేద్దామని ప్రయత్నించిన కాంగ్రెస్ హైకమాండ్... పంజాబ్ లో పార్టీని చిందర వందర చేసుకుంది. సిద్దూకు పీసీసీ చీఫ్ పదవి ఇచ్చి అందర్నీ కూల్ చేయాలనుకుంటే చివరికి అదే...

HOT NEWS

[X] Close
[X] Close