2022 క్యాలెండ‌ర్ చివ‌రికి వ‌చ్చేశాం. ఇప్పుడు 2022 ఇచ్చిన జ్ఞాప‌కాల్ని నెమ‌రేసుకొనే ప‌నిలో ఉన్నాం. ఈలోగా.. IMDb టాప్ 10 పాపుల‌ర్ సినిమాల లిస్టుని ప్ర‌క‌టించేసింది. టాప్ 1 స్థానాన్ని అంద‌రూ ఊహించిన‌ట్టే.. ‘ఆర్‌.ఆర్‌.ఆర్‌’ సొంతం చేసుకొంది. 2022లో మోస్ట్ పాపుల‌ర్ మూవీగా IMDb ఆర్‌.ఆర్‌.ఆర్‌కి నెంబర్ వన్ స్థానాన్ని క‌ట్ట‌బెట్టింది. 2వ స్థానంలో ‘క‌శ్మీర్ ఫైల్స్’ ద‌క్కించుకొంది.టాప్ 3 లిస్టులో కేజీఎఫ్ 2 నిలిచింది. 4, 5, 6 స్థానాల్లో ‘విక్ర‌మ్‌’, ‘కాంతారా’, ‘ది నంబి ఎఫెక్ట్’ ఉన్నాయి. ‘ఆర్‌.ఆర్‌.ఆర్‌’తో పాటు మ‌రో రెండు తెలుగు చిత్రాల‌కు ఈ లిస్టులో చోటు ద‌క్క‌డం విశేషం. ‘మేజర్’ (7), ‘సీతారామం ‘(8) స్థానాల్లో నిలిచాయి. మ‌ణిర‌త్నం తెర‌కెక్కించిన ‘పొన్నియ‌న్ సెల్వన్ 1’, ‘చార్లి 777’ చివ‌రి రెండు స్థానాల్ని కైవ‌సం చేసుకొన్నాయి. ఈ టాప్ 10 చిత్రాల‌న్నీ.. క‌మ‌ర్షియ‌ల్‌గానూ పెద్ద విజయాన్ని అందుకోవ‌డం విశేషం. టాప్ 10లో 9 సౌత్ ఇండియన్ సినిమాలే! క‌శ్మీర్ ఫైల్స్ బాలీవుడ్ సినిమానే అయినా.. తీసింది మాత్రం తెలుగు నిర్మాత‌లే.
IMDb టాప్ 10 సినిమాల జాబితా
1. ఆర్‌.ఆర్‌.ఆర్‌
2. క‌శ్మీర్ ఫైల్స్
3. కేజీఎఫ్ 2
4. విక్ర‌మ్‌
5. కాంతారా
6. ది నంబి ఎఫెక్ట్
7. మేజర్
8. సీతారామం
9. పొన్నియ‌న్ సెల్వన్
10. చార్లి 777
