పఠాన్ కోట్ దాడిలో అమెరికన్ బైనాక్యులర్స్ వాడిన ఉగ్రవాదులు

పఠాన్ కోట్ ఎయిర్ బేస్ పై పాక్ ఉగ్రవాదులు దాడి జరిగిన తరువాత నేషనల్ ఇన్వెస్టిగేషన్ ఏజన్సీ (ఎన్.ఐ.ఏ.) దానిపై దర్యాప్తు మొదలుపెట్టింది. వారి దర్యాప్తులో ఒక ఆసక్తికరమయిన విషయం బయటపడింది. పఠాన్ కోట్ పై దాడికి పాల్పడిన జైష్-ఏ-మహమ్మద్ ఉగ్రవాదులు అమెరికాలో తయారయిన బైనాక్యులర్స్ వాడారని కనుగొన్నారు. చనిపోయిన ఉగ్రవాదుల వద్ద దొరికిన ఆయుధాలు, వారు వేసుకొన్న బట్టలు, బూట్లు వగైరా అన్నీ పాకిస్తాన్ కి చెందినవి స్పష్టమయిన చిహ్నాలున్నాయి. వారు ఉపయోగించిన బైనాక్యులర్స్ పై మాత్రం అమెరికాలో తయారయినట్లు స్పష్టమయిన ముద్రలున్నాయి.

బహుశః వాటిని ఉగ్రవాదులు ఆఫ్ఘనిస్తాన్ లో అమెరికన్ సైనికుల దగ్గర నుండి దొంగిలించయినా ఉండాలి లేదా పాకిస్తాన్ సైన్యానికి అమెరికా సరఫరా చేస్తున్నవయినా అయ్యుండవచ్చునని అనుమానిస్తున్నారు. ఒకవేళ రెండవదే నిజమయితే, పాకిస్తాన్ ఆర్మీ అధికారులే జైష్-ఏ-మహమ్మద్ ఉగ్రవాదులకు వాటిని అందించి ఉండవచ్చునని అనుమానించక తప్పదు. కనుక ఆ బైనాక్యులర్స్ పై ఉన్న సీరియల్ నెంబర్స్ వగైరా వివరాలను ఎన్.ఐ.ఏ. అధికారులు అమెరికాకు పంపించి, వాటిని ఎవరికి కేటాయించారో తెలుసుకోవాలనుకొంటున్నారు. తద్వారా భారత్ చేస్తున్న ఆరోపణలకు మరిన్ని బలమయిన ఆధారాలు లభించినట్లవుతుంది.

ఒకవేళ వాటిని పాక్ ఆర్మీకి సరఫరా చేసినట్లు అమెరికా దృవీకరించినట్లయితే, పాక్ ప్రభుత్వం మరింత ఇబ్బందికర పరిస్థితులను ఎదుర్కోవలసివస్తుంది. పాక్ ఆర్మీ కోసం అమెరికా పంపిస్తున్న ఇటువంటి అత్యాధునిక పరికరాలు, ఆయుధాలను ఉగ్రవాదులకు ఇచ్చి భారత్ పై దాడులకు ప్రేరేపిస్తోందనే మరో సరికొత్త ఆరోపణలకు సంజాయిషీ చెప్పుకోవలసి రావచ్చును. అదే విధంగా పాక్ ఆర్మీకి గుడ్డిగా ఆధునిక పరికరాలను సరఫరా చేస్తున్నందుకు అమెరికా కూడా తల వంచుకోవలసి రావచ్చును. కనుక అవి ఆఫ్ఘనిస్తాన్ లో అమెరికన్ సైనికులకు ఇచ్చినవని చెప్పి అమెరికా చేతులు దులుపుకోవచ్చును. ఒకవేళ పాక్ ఆర్మీకి ఇచ్చినట్లు చెపినట్లయితే అప్పుడు పాక్ ఆర్మీ కూడా వాటిని ఉగ్రవాదులు తమపై దాడులకు పాల్పడినప్పుడు తమ సైనికుల వద్ద నుండి దొంగతనం చేసారని చెప్పి చేతులు దులుపుకోవచ్చును. అంటే ఎన్.ఐ.ఏ. పని కొండను త్రవ్వి ఎలుకని పట్టినట్లవుతుందేమో?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కొత్త పాలసీ : ఏపీలో పరిశ్రమలు పెట్టేవారికి రాచబాట..!

ఆంధ్రప్రదేశ్ ప్రభుత్వం పారిశ్రామిక రంగానికి పెద్ద పీట వేస్తోంది. పరిశ్రమలు పెట్టాలనుకునేవారి... అనేకానేక ప్రోత్సాహకాలతో కొత్త పాలసీ ప్రవేస పెట్టింది. భారీగా పెట్టుబడులు పెట్టే వారికి భారీ రాయితీలు ఇవ్నున్నారు. వచ్చే మూడేళ్ల...

” ఈశ్వరయ్య టేపు ” తీగ లాగితే మొద్దు శీను హత్య వరకూ వెళ్తోందేంటి..?

మొద్దు శీనును జైలు బయట హత్య చేసి ఓం ప్రకాష్ ఉన్న బ్యారక్ లోపల వేశారా..? . అవుననే అంటున్నారు.. అప్పట్లో... మొద్దు శీను హత్యకు గురైన సమయంలో న్యాయమూర్తిగా ఉన్న రామకృష్ణ....

అత‌డు వ‌చ్చి.. ప‌దిహేనేళ్లు!

అత‌డు.. ర‌చ‌యిత‌గా, ద‌ర్శ‌కుడిగా త్రివిక్ర‌మ్ స‌త్తా చెప్పిన చిత్ర‌మ్‌. మ‌హేష్ స్టైలీష్ న‌ట‌న‌ని చూపించిన సినిమా. మేకింగ్‌లో.. కొత్త పుంత‌లు తొక్కించిన సినిమా. ఇప్ప‌టికీ.. ఆ సినిమా గురించి మ‌హేష్‌, త్రివిక్ర‌మ్ అభిమానులు...

చిరు చేప‌ల ఫ్రై.. సూప‌ర్ హిట్టు

లాక్ డౌన్ స‌మ‌యంలోనూ మ‌రింత యాక్టీవ్ గా క‌నిపిస్తున్నారు చిరంజీవి. ప్ర‌జ‌ల్ని చైత‌న్య ప‌రుస్తూ చిరు కొన్ని వీడియోలు చేశారు. పోలీసుల పిలుపు మేర‌కు ప్లాస్మా డొనేష‌న్ క్యాంపులో పాల్గొని.. వాళ్ల‌ని ఉత్సాహ...

HOT NEWS

[X] Close
[X] Close