2026 సంవత్సరం ఆరంభం కావడంతో భారత రియల్ ఎస్టేట్ రంగంలో విప్లవాత్మక మార్పులు చోటుచేసుకోనున్నాయి. ముఖ్యంగా ఆర్టిఫిషియల్ ఇంటెలిజెన్స్, సస్టైనబిలిటీ ఈ ఏడాది మార్కెట్‌ను శాసించనున్న ప్రధాన అంశాలుగా నిలవనున్నాయి.

2026లో ప్రాపర్టీ కొనుగోలు ప్రక్రియ గతంలో కంటే మరింత పారదర్శకంగా, వేగంగా మారనుంది. ప్రాపర్టీ టెక్నాలజీ విస్తృతి పెరగడంతో, AI ఆధారిత ప్లాట్‌ఫారమ్స్ ద్వారా ఇంటి విలువను నిమిషాల్లో లెక్కించవచ్చు. కొనుగోలుదారులు కేవలం తమ స్మార్ట్‌ఫోన్ల ద్వారా 3D వర్చువల్ టూర్ల సహాయంతో ఇంటిని ప్రత్యక్షంగా చూడకుండానే ప్రతి మూలను పరిశీలించగలుగుతున్నారు. దీనివల్ల సమయం ఆదా అవ్వడమే కాకుండా, డాక్యుమెంట్ వెరిఫికేషన్ వంటి సంక్లిష్ట ప్రక్రియలు కూడా డిజిటలైజ్ అవుతున్నాయి.

ప్రస్తుతం కొనుగోలుదారులు కేవలం అందమైన ఇళ్లనే కాకుండా, పర్యావరణానికి మేలు చేసే గ్రీన్ హోమ్స్‌ కే మొగ్గు చూపుతున్నారు. 2026లో కొత్తగా ప్రారంభమయ్యే ప్రాజెక్టుల్లో దాదాపు 80-90% వరకు సోలార్ ప్యానెల్స్, వర్షపు నీటి నిల్వ, వేస్ట్ రీసైక్లింగ్ వసతులతో కూడి ఉండనున్నాయి. కేవలం పర్యావరణం కోసమే కాకుండా, విద్యుత్ బిల్లులు తగ్గడం , ఆరోగ్యకరమైన జీవనశైలి కోసం ప్రజలు ఐజీబీసీ గుర్తింపు ఉన్న గృహాలనే ఎంచుకుంటున్నారు.

2026 రియల్ ఎస్టేట్ రంగం కేవలం ‘సిమెంట్-ఇటుకల’ నిర్మాణానికి పరిమితం కాకుండా సాంకేతికత-పర్యావరణం మేళవింపుగా మారనుంది. మధ్యతరగతి ఆదాయ వర్గాల కోసం కూడా ప్రీమియం వసతులతో ఇళ్లు అందుబాటులోకి రావడం ఈ ఏడాది ప్రత్యేకత అనుకోవచ్చు.