బీజేపీ వ్యతిరేకతే వారందరినీ హైదరాబాద్ రప్పిస్తోందా?

హైదరాబాద్ సెంట్రల్ యూనివర్సిటీ విద్యార్ధి రోహిత్ మృతిపై రాజకీయపార్టీల నుండి ఊహించిన దానికంటే చాలా ఎక్కువగా స్పందిస్తున్నాయి. రోహిత్ తల్లిని పరమార్శించేందుకు అన్ని పార్టీల నేతలు క్యూ కడుతున్నారు. నిన్న రాహుల్ గాంధీ పరామర్శ పూర్తయిన తరువాత వైకాపా అధ్యక్షుడు జగన్మోహన్ రెడ్డి, ఇవ్వాళ్ళ డిల్లీ ముఖ్యమంత్రి అరవింద్ కేజ్రీవాల్, సీపిఎం నేత సీతారం ఏచూరి, బీ.ఎస్.పి. అధినేత్రి మాయావతి, ఆర్.పి.ఐ. నేత రాందాస్ అధ్వాలే మొదలయిన వారు రోహిత్ తల్లిని పరామర్శించదానికి వస్తున్నారు. ఆమె చేతికి అందివచ్చిన కొడుకుని కోల్పోయి బాధపడుతుంటే, వివిధ పార్టీలకు చెందిన రాజకీయ నేతలు అందరూ ఈ విషాద సంఘటన ద్వారా రాజకీయ ప్రయోజనం పొందాలని ఆత్రుతతో హైదరాబాద్ సెంట్రల్ యూనివర్సిటీకి అక్కడి నుండి ఆమె వద్దకు క్యూ కట్టి వస్తున్నారు. దాని వలన ఆమె కడుపుకోత చల్లారదు కానీ అందరూ కలిసి ఆ గాయాన్ని కెలికినట్లవుతోంది.

ఇదివరకు సుష్మా స్వరాజ్, వసుంధర రాజే, శివరాజ్ సింగ్ చౌహాన్ రాజీనామాలకు పట్టుబడుతూ పార్లమెంటును స్తంభింపజేసిన కాంగ్రెస్ దాని మిత్రపక్షాలు వచ్చే నెలనుండి ప్రారంభం కానున్న బడ్జెట్ సమావేశాలలో, కేంద్ర మానవ వనరుల అభివృది శాఖ మంత్రి స్మృతీ ఇరానీ, కార్మిక శాఖ మంత్రి బండారు దత్తాత్రేయ ఇద్దరూ రోహిత్ మృతికి కారకులని ఆరోపిస్తూ వారి రాజీనామాలకు పట్టుబడుతుందేమో? ఈ విషాద ఘటనపై చాలా తీవ్రంగా స్పందిస్తున్న రాజకీయ పార్టీలన్నిటినీ గమనించినట్లయితే, అవన్నీ బీజేపీని తీవ్రంగా వ్యతిరేకిస్తున్నవేనని అర్ధం అవుతుంది. అంటే బీజేపీ పట్ల వాటికున్న వ్యతిరేకత వాటన్నిటినీ ఈ సంఘటనతో ఒక్క త్రాటిపైకి వస్తున్నట్లు అనుమానం కలుగుతోంది. కనుక శవరాజకీయాలు చేయడానికి తరలివస్తున్న రాజకీయ నేతలను విద్యార్ధులు దూరంగా ఉంచితే మంచిది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కారెక్కడానికి ఎల్.రమణ డిసైడ్..!

తెలంగాణ టీడీపీ అధ్యక్షుడు ఎల్.రమణ మెల్లగా టీఆర్ఎస్ ఆకర్ష్‌కి ఆకర్షితుడైనట్లుగా కనిపిస్తోంది. ఆయన ఈ ఆదివారం.. సొంత నియోజకవర్గం జగిత్యాలకు వెళ్లి సుదీర్ఘ కాలంగా తనతో పాటు ఉన్న క్యాడర్‌తో సమావేశమయ్యారు. పార్టీ...

ఆస్తి పన్ను పెంపుపై బీజేపీ-జనసేన పోరాటం..!

ఆంధ్రప్రదేశ్  భారతీయ జనతా పార్టీ ఎలాంటి అంశాలపై పోరాడాలో నిర్ణయించుకోలేకపోతున్నట్లుగా కనిపిస్తోంది. ఏపీలో సవాలక్ష సమస్యలు కనిపిస్తున్నాయి. ప్రభుత్వం చేస్తున్న ప్రతీ పని వివాదాస్పదమే అవుతోంది. అయినప్పటికీ.. ఎక్కడా పెద్దగా యాక్టివ్‌నెస్ కనిపించడం...

అక్రమం అయితే వారాంతాల్లో కూల్చివేతలు ఎందుకు..!?

విశాఖలో ఈ వారాంతం కూడా.. కూల్చివేతలు చోటు చేసుకున్నాయి. ఎప్పట్లానే... టీడీపీ నేతలనే టార్గెట్ చేశారు. కొంత కాలంగా.. ఒక్క పల్లా శ్రీనివాసరావునే టార్గెట్ చేసినట్లుగా కనిపిస్తోంది. తాజాగా ఆయననే మరోసారి టార్గెట్...

“బ్రహ్మం గారి మఠం” వారసత్వ వివాదాన్ని పెంచుతోందెవరు..?

బ్రహ్మంగారి మఠం వారసత్వం విషయంలో ఏర్పడిన వివాదంలో ప్రభుత్వం సమస్యను పరిష్కరించకబోగా... రెండు వర్గాల మధ్య మరింత గొడవలు ముదిరేలా చేస్తోందన్న ఆరోపణలు వినిపిస్తున్నాయి. తక్షణం ఏదో ఓ నిర్ణయం తీసుకుని.....

HOT NEWS

[X] Close
[X] Close