అక్కినేని నాగ‌చైత‌న్య‌తో `శైల‌జా రెడ్డి అల్లుడు` చేసిన త‌ర్వాత మారుతి ఇంకే సినిమానూ మొద‌లుపెట్ట‌లేదు. నాని హీరోగా ఓ సినిమా ఉంటుంద‌ని అప్ప‌ట్లో బాగా టాక్స్ వ‌చ్చాయి. వారిద్ద‌రి కాంబినేష‌న్‌లో వ‌చ్చి, సూప‌ర్ స‌క్సెస్ సాధించిన `భ‌లే భ‌లే మ‌గాడివోయ్‌` సీక్వెల్ చేస్తార‌ని కూడా అప్ప‌ట్లో మాటలు వినిపించాయి. అయితే ఆ ప్రాజెక్ట్ ఇప్పుడ‌ప్పుడే ఉండే దాఖ‌లాలు క‌నిపించ‌డం లేదు. మారుతి ద‌ర్శ‌క‌త్వంలో చేయ‌డానికి నానికి ఇంకా స‌మ‌యం ప‌ట్టేట్టుంది. నాని ప్ర‌స్తుతం `జెర్సీ`తో బిజీగా ఉన్నారు. ఇందులో ఆయ‌న క్రికెట‌ర్‌గా క‌నిపిస్తారు. ఆ త‌ర్వాత ఆయ‌న విక్ర‌మ్‌కె కుమార్ ద‌ర్శ‌క‌త్వంలో ఓ సినిమా చేయాలి. ఈ సినిమా త‌ర్వాత గౌత‌మ్ మీన‌న్ సినిమా ఉంది. సో మారుతి క‌నుక నానిని న‌మ్ముకుని కూర్చుంటే ఇప్ప‌ట్లో మారుతి ప‌రిస్థితి ఖాళీగా ఉండ‌ట‌మే. ఆ విష‌యాన్ని గ్ర‌హించిన మారుతి వెంట‌నే సాయిధ‌ర‌మ్‌తేజ్‌కు షిఫ్ట్ అయిన‌ట్టు తెలుస్తోంది. త్వ‌ర‌లోనే సాయిధ‌ర‌మ్‌తేజ్ హీరోగా మారుతి ద‌ర్శ‌క‌త్వంలో ఓ సినిమా ఉండ‌నుంద‌ని ఫిల్మ్ న‌గ‌ర్ టాక్‌. సో… మారుతి త‌న హీరోను మార్చుతున్నాడ‌న్న‌మాట.
మారుతి… హీరోను మార్చుతున్నాడా?
