‘నార‌ప్ప‌’.. క‌ట్, కాపీ పేస్ట్‌!?

రీమేక్ సినిమాలు తీయ‌డం చాలా సుల‌భం అనుకుంటారంతా. క‌థ‌లో మార్పులు చేయాల్సిన అవ‌స‌రం లేదు. వీలైతే ట్యూన్స్ ని వాడుకోవొచ్చు. బ్యాక్ గ్రౌండ్ స్కోర్ నీ… దించేసుకోవొచ్చు. కాబ‌ట్టి ప‌ని త‌క్కువ‌. అందుకే రీమేక్‌ల‌పై గురి పెడుతుంటారంతా. అయితే.. అది అంత ఈజీ కాదు. మాతృక‌లోని ఆత్మ ని ప‌సిగ‌ట్ట‌కపోతే… రీమేక్ కాస్తా.. మేకై కూర్చుంటుంది. రీమేక్ అంటే జిరాక్స్ లానో, కాపీ పేస్ట్ లానో ఉండ‌కూడ‌దు. మ‌న‌దైన క‌థ ని చెబుతున్న‌ట్టే అనిపించాలి. అలా అనిపించిన క‌థ‌లే వ‌ర్క‌వుట్ అవుతాయి. తాజాగా వెంకీ నుంచి వ‌స్తున్న మ‌రో రీమేక్ `నార‌ప్ప‌`. ఈనెల 20న అమేజాన్ లో వ‌స్తోంది. ట్రైల‌ర్ ని ఈరోజు విడుద‌ల చేశారు. `అసుర‌న్` చూడ‌ని వాళ్ల‌కు.. `నార‌ప్ప‌` ట్రైల‌ర్ త‌ప్ప‌కుండా న‌చ్చుతుంది. వెంకీలోని ఎమోష‌న్‌, క‌నిపిస్తున్న విజువ‌ల్స్‌, బ్యాక్ గ్రౌండ్ స్కోర్ క‌ట్టిప‌డేస్తాయి.

`అసుర‌న్‌` చూసిన‌వాళ్ల‌కు మాత్రం.. ఇది క‌చ్చితంగా కార్బ‌న్ కాపీలానే అనిపిస్తే.. అదేం విచిత్రం కాదు. ఎందుకంటే `అసుర‌న్‌`లో క‌నిపించే చాలా షాట్స్.. మ‌క్కీకి మ‌క్కీ దించేసినట్టు `నార‌ప్ప‌` ట్రైల‌ర్‌లో స్ప‌ష్టం అవుతోంది. కెమెరా మూమెంట్స్‌, బ్యాక్‌గ్రౌండ్ స్కోర్‌.. ఇవ‌న్నీ `అసుర‌న్‌`లోంచే దిగుమ‌తి చేసేసుకున్నారు. ఒక‌ట్రెండు పాత్ర‌ల‌కు న‌టీన‌టుల్ని కూడా అక్క‌డి నుంచే తీసుకొచ్చారు. ఎందుకంటే.. త‌మిళంలో వాడుకున్న సీన్లు య‌ధాత‌థంగా, రీషూట్ చేయ‌కుండా వాడేసుకోవొచ్చ‌ని. దాంతో ఖ‌ర్చు, స‌మ‌యం రెండూ ఆదా అవుతాయి.

ద‌ర్శ‌కుడిగా శ్రీ‌కాంత్ అడ్డాల‌కు కొత్తగా ఆలోచించే స్కోప్ `నార‌ప్ప‌` ఇవ్వ‌లేద‌నిపిస్తోంది. కొన్ని క‌థ‌ల్లో మార్పులు చేర్పులూ చేయ‌క‌పోవడ‌మే మంచిది. ఏ స‌న్నివేశాన్ని మార్చాల‌నుకున్నా అందులోని ఎమోష‌న్ మిస్ చేసిన‌ట్టే అవుతుంది. వెంకీ స్వ‌త‌హాగా భారీ ప్ర‌యోగాల‌కు ఒప్పుకోడు. త‌న జర్నీ ఎప్పుడూ సేఫ్ సైడే. నిర్మాత‌గా సురేష్ బాబు కూడా అదే ఆలోచిస్తాడు. కాబ‌ట్టి… మార్పులు, చేర్పుల‌కూ ఏమాత్రం అవ‌కాశం ఇవ్వ‌లేదేమో అని స్ప‌ష్టం అవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తెలంగాణ కంటే ఏపీకి రెట్టింపు పన్నుల వాటా రిలీజ్ చేసిన కేంద్రం !

ఏపీకి నిధుల విషయంలో అన్నీ కలసి వస్తున్నాయి. ధనిక రాష్ట్రం.. కేంద్రానికి పెద్ద ఎత్తున పన్నులు సంపాదించి పెట్టే తెలంగాణ కంటే.. రెట్టింపు పన్నుల వాటా నిధులు ఏపీకి వస్తున్నాయి. కేంద్రం తాజాగా...

మ‌ళ్లీ రంగంలోకి దిగుతున్న చిరు

క‌రోనా థ‌ర్డ్ వేవ్ ప్ర‌భావం తీవ్రంగా ఉండ‌డంతో అగ్ర క‌థానాయ‌కులంతా ఇళ్ల‌కే ప‌రిమిత‌మ‌య్యారు. షూటింగుల‌కు రామ‌ని చెప్పేశారు. చిరంజీవి కూడా త‌న చేతిలో సినిమాల‌న్నీ ప‌క్క‌న పెట్టేశారు. ఇప్పుడు మ‌ళ్లీ ఆయ‌న మేక‌ప్...

పెద్ద బ్యాన‌ర్ల చేతిలో ప‌డిన శ్రీ‌కాంత్ త‌న‌యుడు

ఈమ‌ధ్య పెద్ద బ్యాన‌ర్లు చిన్న సినిమాల‌పై దృష్టి నిలిపాయి. `జాతిర‌త్నాలు`తో చిన్న‌సినిమాల వ‌ల్ల ఉన్న లాభాలేమిటో అశ్వ‌నీద‌త్ లాంటి అగ్ర నిర్మాత‌కు బాగా అర్థ‌మైంది. అందుకే ఇప్పుడు మ‌రో చిన్న సినిమాకి...

ఉద్యోగుల్ని రెచ్చగొడుతున్న మంత్రులు, ప్రభుత్వం !

పీఆర్సీ జీవోలను వెనక్కి తీసుకోవాలని పాత జీతాలే ఇవ్వాలంటూ డిమాండ్ చేస్తూ రోడ్డెక్కిన ఉద్యోగులను ప్రభుత్వం మరింతగా రెచ్చగొడుతోంది. జీతాల బిల్లులను వెంటనే ప్రాసెస్ చేయాలని ట్రెజరీలకు ఆదేశాలు ఇచ్చింది. ఉద్యోగులు రోడ్డెక్కినప్పటికీ.....

HOT NEWS

css.php
[X] Close
[X] Close