సీఎం రమేష్‌పై ఐటీ గురి..! సోదాలు షురూ..!!

తెలుగుదేశం పార్టీ ఎంపీ సీఎం రమేష్ .. ఆస్తులు, సంస్థలపై ఐటీ దాడులు ప్రారంభమయ్యాయి. దాదాపు వంద మంది అధికారులు… ఆయనకు సంబంధించిన సంస్థలు, ఆస్తుల్లో సోదాలు చేస్తున్నారు. చివరికి కడప జిల్లా పొట్లదుర్తిలో ఉన్న ఇంట్లోనూ సోదాలు ప్రారంభించారు. హైదరాబాద్, బెంగుళూరుల్లో సీఎం రమేష్ బంధువుల ఇంట్లోనూ… సోదాలు చేస్తున్నారు. రిత్విక్ ప్రాజెక్ట్స్ పేరుతో.. సీఎం రమేష్‌కు కన్‌స్ట్రక్షన్ కంపెనీ ఉంది. ఆ కంపెనీకి వేల కోట్ల టర్నోవర్ ఉంది. కొద్ది రోజులుగా తెలుగుదేశం పార్టీ నేతల్ని.. . ఆ పార్టీకి ఆర్థికంగా అండగా ఉంటారని భావిస్తున్న నేతలను ఇన్‌కంట్యాంక్స్ దాడులు చేస్తున్నారన్న ప్రచారం జరుగుతోంది. దానికి తగ్గట్లే గత వారం… ఎమ్మెల్యే పోతుల రామారావు, మాజీ ఎమ్మెల్యే బీద మస్తాన్ రావుల కంపెనీల్లో సోదాలు చేశారు. ఇప్పుడు సీఎం రమేష్‌ను టార్గెట్ చేశారు.

సీఎం రమేష్…కొద్ది రోజుల క్రితం పీఏసీ సభ్యుడిగా ఓటింగ్‌లో విజయం సాధించారు. పీఏసీ సభ్యుడి హోదాలో… ఏపీలో ఐటీ దాడులు ఎందుకు చేస్తున్నారంటూ… ఐటీ శాఖను ప్రశ్నించారు. ఏపీలో ఐటీ దాడులను ఏ కారణంతో చేస్తున్నారు..? ఎక్కడెక్కడ చేస్తున్నారు..? ఎలాంటి ఫిర్యాదులు వచ్చాయి..? చెప్పాలంటూ.. సీఎం రమేష్ పీఏసీ సభ్యుడి హోదాలో.. ప్రశ్నించారు. ఈ లేఖ పంపి కేవలం మూడు రోజులే అయింది. ఈ మూడు రోజుల్లోనే.. సీఎం రమేష్‌ను ఐటీ శాఖ టార్గెట్ చేసింది.

కడప ఉక్కు పరిశ్రమ కోసం ఆమరణ నిరాహార దీక్ష చేసి నేటికి వందో రోజు పూర్తైన సందర్భంగా టీడీపీ ఎంపీలు కేంద్ర ఉక్కు శాఖ మంత్రితో భేటీ అవ్వాలని నిర్ణయించారు. కడప ఉక్కు పరిశ్రమ ఏర్పాటుపై స్పష్టత ఇవ్వాలని కేంద్రమంత్రిని ఎంపీలు కోరనున్నారు. ఇందుకోసం ఎంపీల బృందం ఢిల్లీకి చేరుకుంది. కడప ఉక్కు పరిశ్రమపై ప్రశ్నిస్తున్నందుకే సీఎం రమేష్ ఇంట్లో ఐటీ సోదాలు చేపట్టిందని టీడీపీ నేతలు ఆరోపిస్తున్నారు. తాము, తమ సంస్థలు నిరంతరం పన్నుల చెల్లిస్తున్నాయని.. ఎన్నికల ముందు కేవలం భయానక వాతావరణం సృష్టించడానికే దాడులకు పాల్పడుతోందని సీఎం రమేష్ ఆరోపిస్తున్నారు. కేంద్రం ఎన్ని చేసినా తాము భయపడబోమన్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఒలింపిక్స్ : కమల్ ప్రీత్‌కు నిరాశ…ఆరో స్థానంతో సరి..!

ఒలింపిక్స్‌లో కమల్ ప్రీత్ కౌర్ పతకం సాధిస్తుందని ఆశపడిన భారతీయులకు నిరాశే ఎదురయింది. డిస్కస్ త్రో ఫైనల్స్‌కు క్వాలిఫై అయ్యే ప్రయత్నంలో.. రెండో స్థానంలో నిలిచి... పతకం సాధిస్తుందని అనుకున్నా.. చివరికి...

స్టీల్‌ప్లాంట్‌ను అమ్మనీయరట విజయసాయిరెడ్డి..!

విశాఖ స్టీల్ ప్లాంట్‌ను ప్రైవేటు పరం కానివ్వబోమని వైసీపీ పార్లమెంటరీ పార్టీ నేత విజయసాయిరెడ్డి ప్రకటించారు . దాని కోసం ఆయన పార్లమెంట్‌ను స్తంభింపచేస్తారా.. ప్రభుత్వంపై అవిశ్వాస తీర్మానం పెడతారా.. రాజ్యసభలో ...

సంజయ్ పాదయాత్ర ఔట్.. కిషన్ రెడ్డి ఆశీర్వాద్ యాత్ర ఇన్..!

తెలంగాణ బీజేపీలో జరుగుతన్న వర్గ పోరులో కిషన్ రెడ్డిదే పైచేయి అయింది. ఆయన జన ఆశీర్వాద్ యాత్ర చేపట్టాలని నిర్ణయించుకోవడంతో .. తెలంగాణ బీజేపీ అధ్యక్షుడు బండి సంజయ్ చేయాలని తలపెట్టిన పాదయాత్రను...

అమలు చేస్తామని నమ్మించడమే ఇప్పుడు కేసీఆర్ అసలు టాస్క్..!?

తెలంగాణ సీఎం కేసీఆర్ ప్రస్తుతం తన చిత్తశుద్ధిని నిరూపించకునే పనిలో బిజీగా ఉన్నారు. ఓట్ల కోసం ఆయన ఎన్నెన్నో చెబుతూ ఉంటారని కానీ ఆయన వాస్తవానికి ఏమీ చేయరని హుజూరాబాద్‌లో అదే పనిగా...

HOT NEWS

[X] Close
[X] Close