జగన్ ప్రచారం క్యాన్సిల్..! ప్రజల కోసమే..!

ఆంధ్రప్రదేశ్ ముఖ్యమంత్రి జగన్మోహన్ రెడ్డి తిరుపతి పర్యటన క్యాన్సిల్ చేసుకున్నారు. పధ్నాలుగో తేదీన ఆయన తిరుపతిలో పర్యటించాలనుకున్నారు. ఓ రోజు మొత్తం తిరుపతి లోక్‌సభ ఎన్నికల కోసం ప్రచారం చేయాలనుకున్నారు. కానీ హఠాత్తుగా ఆయన మళ్లీ క్యాన్సిల్ చేసుకున్నారు. నెల్లూరు, తిరుపతిల్లో కరోనా కేసులు విపరీతంగా పెరుగుతున్నందున ప్రజల్ని ఇబ్బంది పెట్టకూడదన్న ఉద్దేశంతోనే తిరుపతి పర్యటన రద్దు చేసుకుంటున్నట్లుగా ఆయన లేఖ కూడా విడుదల చేశారు. అంటే ప్రజల కోసమే జగన్ తిరుపతి పర్యటన వాయిదావేసుకున్నారన్నమాట. ముఖ్యమంత్రిగా బాధ్యతలు చేపట్టిన రెండేళ్ల తర్వాత ఆయన బయటకు వస్తున్నారని ప్రచారం జరిగింది కానీ ఇప్పుడు అది కూడా క్యాన్సిల్ అయింది.

అయితే సీఎం చెప్పినట్లుగా కరోనానే కారణమా అంటే… వైసీపీ నేతల ప్రచారాలను .. మరి అదేంటి అనిచూపిస్తున్నారు ఇతర పార్టీల నేతలు. తిరుపతిలో ప్రతి నియోజకవర్గంలోనూ .. బాధ్యులైన మంత్రులు.. ఎమ్మెల్యేలు పెద్ద ఎత్తున ర్యాలీలు నిర్వహిస్తారు. గ్రామాల వారీగా బహిరంగసభలు నిర్వహిస్తున్నారు. ఆ మాటకొస్తే ఒక్క వైసీపీ మాత్రమే కాదు.. అన్ని పార్టీల నేతలు తిరుపతిలో జోరుగా ప్రచారం చేస్తున్నారు. ఎక్కడా కోవిడ్ నిబంధనలు పాటించడం లేదు. మాస్కులు కూడా పెట్టుకోకుండా డోర్ టు డోర్ ప్రచారం చేస్తున్నారు. ఎక్కడా ఎలాంటి అభ్యంతరాలు వ్యక్తం కాలేదు. కానీ సీఎం జగన్ తన పార్టీ వారికి ఎలాంటి సందేశాలు ఇవ్వకుండానే.. తాను కరోనా కారణంగానే ప్రచారాన్ని విరమించుకుంటున్నానని ప్రకటించారు.

జగన్మోహన్ రెడ్డి మొదట ప్రచారానికి వస్తారని ప్రకటించినప్పుడు… ఇతర పార్టీల నేతలు… పరిస్థితి బాగో లేదు కాబట్టే…ప్రచారానికి వస్తున్నారని విమర్శలు గుప్పించారు. ఇప్పుడు.. ఆగిపోయారు కాబట్టి.. ఆశలు వదిలేసుకున్నారు కాబట్టే.. అని ప్రచారం చేస్తారేమో చూడాలి. జగన్ తిరుపతికి వెళ్లకపోవడం వల్ల తిరుమల టూర్ కూడా క్యాన్సిల్ అవుతుంది. పదిహేనో తేదీన ఆయన తిరుమలలో పర్యటించి కొత్తగా నిర్మించిన బూందీపోటును ప్రారంభించాల్సి ఉంది. కానీ అది కూడా వాయిదా పడినట్లయింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“దిశ” బిల్లు ఏపీ ప్రభుత్వం దగ్గరే ఉందట..!

దిశ చట్టాన్ని కేంద్రంతో ఆమోదింప చేసుకోవడం అనే మిషన్‌ను ఎంపీలకు సీఎం జగన్ ఇచ్చారు. వారు పార్లమెంట్ సమావేశాలకు వెళ్లే ముందు జగన్‌తో జరిగిన భేటీలో ఇదే అంశాన్ని ప్రధానంగా ప్రస్తానించి.....

కృనాల్‌కు కరోనా… శ్రీలంకతో రెండో టీ ట్వంటీ వాయిదా..!

కాసేపట్లో ప్రారంభం కావాల్సిన శ్రీలంక-ఇండియా మధ్య రెండో టీ ట్వంటీ మ్యాచ్ అనూహ్యంగా వాయిదా పడింది. ఇండియా ఆటగాడు కృనాల్ పాండ్యాకు నిర్వహించిన ఆర్టీపీసీఆర్ టెస్ట్ ఫలితం పాజిటివ్ గా రావడంతో ...

జ‌గ‌న్ అప్పాయింట్ మెంట్ దొర‌క‌డం లేదా?

టికెట్ రేట్ల గొడ‌వ ఇంకా తేల‌లేదు. ఈలోగానే రెండు సినిమాలు విడుద‌ల‌కు సిద్ధ‌మ‌య్యాయి. తిమ్మ‌రుసు, ఇష్క్ చిత్రాలు ఈనెల 30న విడుద‌ల అవుతున్నాయి. లాక్ డౌన్ త‌ర‌వాత విడుద‌ల అవుతున్న తొలి చిత్రాలివి....

మీడియా వాచ్ : టీవీ9 యాంకర్లపై కేసులు..!

టీవీ9 యాంకర్లు రోడ్డున పడ్డారు. కేసులు పెట్టుకున్నారు. దీంతో టీవీ9 యజమాన్యం కూడా ఉలిక్కిపడింది. వారి గొడవ పూర్తిగా వ్యక్తిగతమని చానల్‌కు.. వారు చేస్తున్న ఉద్యోగానికి సంబంధం లేదని సోషల్ మీడియాలో ప్రకటించుకోవాల్సి...

HOT NEWS

[X] Close
[X] Close