చైతన్య: కోడెల ఫర్నీచర్‌లానే జగన్ ఇంటి కిటికీలు..!

ప్రజాధనం ఖర్చు పెట్టిన ప్రతీ వస్తువు ప్రభుత్వానికే చెందుతుంది. ప్రైవేటు ఆస్తులకు మెరుగులు దిద్దడానికి సహజంగా… ప్రజాధనం వెచ్చించరు. ఒక వేళ చేయాల్సి వచ్చినా.. కిటికీలకు..బాత్‌రూమ్‌లకు.. ఇవ్వరు. కానీ.. జగన్మోహన్ రెడ్డి మాత్రం.. తాను సీఎంగా ఉన్నాను కాబట్టి… తన ఇంటింకి సంబంధించిన బిల్లులు .. వివిధ కారణాలు చూపుతూ.. కోట్లకు కోట్లు ఖజానా నుంచి విడుదల చేసుకున్నారు. ఇది కొత్త చర్చకు దారి తీస్తోంది.

ప్రభుత్వం మారిన తర్వాత జగన్‌పై కిటికీల కేసులు పెడతారా..?

అసెంబ్లీ ఫర్నీచర్‌ను కోడెల శివప్రసాదరావు వాడుకున్నారంటూ ప్రభుత్వం కేసు పెట్టింది. ఫర్నీచర్ తన వద్ద ఉందని.. తీసుకెళ్లమని ఆయన లేఖలు రాసినా.. కేసులకే ప్రాధాన్యం ఇచ్చారు. ఇప్పుడు ఈ కోణంలో.. తర్వాత అంటే.. ప్రభుత్వం మారిన తర్వాత .. కొత్త ప్రభుత్వం..జగన్మోహన్ రెడ్డి స్వాధీనం చేసుకునే అవకాశం కూడా ఉండొచ్చు. జగన్మోహన్ రెడ్డి సర్కార్ వచ్చిన తర్వాత కూల్చి వేసిన ప్రజావేదిక ఉదంతంతో…ఎక్కువ మంది ఈ విషయాన్ని నమ్ముతున్నారు. ఒక వేళ ఇంటిని కాకపోయినా.. ఇప్పుడు డబ్బులు మంజూరు చేసుకుని.. కొనుక్కున్న వాటినైనా ప్రభుత్వానికి దఖలు పర్చాల్సి ఉంటుంది. లేకపోతే..కోడెల శివప్రసాదరావుపై పెట్టినట్లుగా.. తదుపరి ప్రభుత్వం.. దొంగతనం కేసులు పెట్టుకోవడానికి కూడా..ప్రస్తుత ప్రభుత్వమే దారి చూపించింది. ఏ విధంగా చూసినా.. జగన్మోహన్ రెడ్డి సొంత ఇంటికి ప్రజాధనం కోట్లలో వినియోగించడం… ఇప్పుడు సంచలనం.. తర్వాత మహా సంచలనం అవడానికే ఎక్కువ అవకాశం కనిపిస్తోంది.

సీఎంకు అధికారిక నివాసం నిర్మించకుండా సొంత ఇంటికి సొబగులా..?

జగన్ ఇప్పుడు ఉంటున్న ఇల్లు ప్రభుత్వ ఆస్తి కాదు. ఓ రకంగా చెప్పాలంటే.. ఆయన సీఎం కాక ముందు కట్టించుకున్న ఇంటికి ఇప్పుడు బిల్లులు పెట్టి.. ప్రజలు పన్నుల రూపంలో కట్టిన సొమ్మును విడుదల చేసుకుంటున్నారు. జగన్ ఇంటి కోసం మంజూరు చేసిన నిధులతో.. ముఖ్యమంత్రి కోసం… అమరావతిలో శాశ్వతమైన నివాసం నిర్మించవచ్చు. గతంలో వైఎస్ రాజశేఖర్ రెడ్డి ముఖ్యమంత్రి అయిన వెంటనే.. హైదరాబాద్‌లోని బేగంపేటలో.. అలానే ఇల్లు నిర్మించారు. ఆ తర్వాత కేసీఆర్… మరో ఇల్లు నిర్మించారు. కానీ ఏపీ ముఖ్యమంత్రి మాత్రం.. గత ఐదు నెలలుగా.. ఏదో ఓ వంకతో.. ఆ ఇంటికి నిధులు మంజూరు చేస్తూనే ఉన్నారు…కానీ శాశ్వత నివాసం నిర్మాణం ఆలోచన మాత్రం చేయడం లేదు. ఇది కచ్చితంగా ప్రజాధనం దుర్వినియోగం అనే ఆరోపణలు వినిపిస్తున్నాయి.

అధికారం ఎవరికీ శాశ్వతం కాదు..! పరిణామాలు అనుభవించాల్సిందే..!

జగన్మోహన్ రెడ్డి ఎన్నికల అఫిడవిట్‌లో తన ఆస్తులను ఐదు వందల కోట్ల రూపాయలుగా చూపించారు. అంటే ఇదంతా వైట్. ఇదే విషయాన్ని జాతీయ మీడియా కూడా ఎత్తి చూపుతోంది. ఇంత తెల్లధనం చూపించిన వ్యక్తి.. తన సొంత ఇంటి కోసం.. రూ. కోట్లకు కోట్లు ప్రజాధనం వెచ్చించడం ఏమిటన్న చర్చ పెట్టాయి. ఈ చర్చల్లో చాలా మంది.. అంత ఖర్చు పెట్టినందున.. ప్రభుత్వం మారిన తర్వాత వసూలు చేసుకోవచ్చన్న.. అభిప్రాయాన్ని వ్యక్తం చేశారు. ఆ అవకాశాన్ని కొట్టి పడేయలేం కూడా. కాదు.. కూడదంటే.. కోడెలపై పెట్టినట్లు దొంగతనం కేసులు పెట్టడానికి కూడా అవకాశం ఇప్పుడు ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close