జగన్ ప్రశ్నలకు అది సమాధానం కాదు

అమరావతి శంఖుస్థాపన కార్యక్రమానికి తను ఆహ్వానించవద్దని, ఆహ్వానించినా తను రానని, రాకపోతే తనపై రాళ్ళు విసరవద్దని జగన్మోహన్ రెడ్డి ఆంద్రప్రదేశ్ ముఖ్యమంత్రి చంద్రబాబు నాయుడుకు ఒక బహిరంగ లేఖ వ్రాసారు. ఆ లేఖలో జగన్ ప్రస్తావించిన అంశాలను ఎవరూ కాదనలేరు. రాజధాని నిర్మాణానికి అవసరమయిన డబ్బు కేంద్రప్రభుత్వం ఇస్తానని భరోసా ఇస్తుంటే చంద్రబాబు సింగపూర్ సంస్థలకి పనులు అప్పగించి అందుకు బదులుగా రైతుల భూములు వాటికి ఎందుకు అప్పగిస్తున్నారు? రాజధానిలో సచివాలయం, అసెంబ్లీ, హైకోర్టు వగైరా భవానాలు,మౌలిక సదుపాయాల కోసం అవసరమయినంత భూమిని మాత్రమే సేకరించి, మిగిలిన భూమిని రైతులకే అప్పగించకుండా చంద్రబాబు నాయుడు వారి భూములు తీసుకొని డెవలప్మెంట్ చేసి వారికి లాభాలు కలిగిస్తానని చెపుతూ రియల్ ఎస్టేట్ వ్యాపారం ఎందుకు చేస్తున్నారు? అని ప్రశ్నించారు. రైతుల ఉసురు పోసుకొని వారి పంట భూములపై రాజధాని నిర్మించడం చాలా తప్పని అందుకే తన నిరసనను తెలియజేస్తూ శంఖుస్థాపన కార్యక్రమానికి హాజరు కాదలచుకాలేదని అన్నారు. జగన్మోహన్ రెడ్డి శంఖుస్థాపన కార్యక్రమానికి రానని చెప్పడం ద్వారా తను రాజధాని నిర్మాణానికి, రాష్ట్రాభివృద్ధికి ఉద్దేశ్యపూర్వకంగానే ఆటంకం కలిగిస్తున్నానని స్వయంగా ప్రకటించుకొన్నట్లయింది. దాని వలన ప్రజలకు ఆయనపై దురాభిప్రాయం,విముకత ఏర్పడేందుకు అవకాశం కల్పించారని చెప్పవచ్చును.

దానికి తెదేపా ఎమ్మెల్సీ సోమిరెడ్డి చంద్రమోహన్ రెడ్డి వెంటనే జవాబిచ్చారు. రాజశేఖర్ రెడ్డి హయంలో సెజ్ ల ఏర్పాటు కోసం రైతులకు చెందిన వేలాది ఎకరాలు సేకరించారని కానీ తమ ప్రభుత్వం రైతుల అంగీకారంతోనే భూములు తీసుకోందని అన్నారు. తెలంగాణా రాష్ట్ర మంత్రులు కూడా రాజధాని శంఖుస్థాపన కార్యక్రమానికి వస్తున్నారని కానీ ఆంద్రప్రదేశ్ కి చెందిన జగన్మోహన్ రెడ్డి ఏవో కుంటిసాకులు చెప్పి రాష్ట్రానికి చెందిన ఈ కార్యక్రమానికి రానని గొప్పగా చెప్పడం శోచనీయం అని అన్నారు.

రాజశేఖర్ రెడ్డి హయంలో పరిశ్రమల స్థాపన కోసం రాష్ట్ర వ్యాప్తంగా వేలాది ఎకరాల భూమిని ప్రభుత్వం సేకరించి క్విడ్ ప్రో పద్దతిలో అపాత్రాదానం చేసింది. జగన్మోహన్ రెడ్డితో సహా అనేకమంది నేతలు, అధికారులు, పారిశ్రామికవేత్తలు నేటికీ ఆ కేసులలో సీబీఐ కోర్టు చుట్టూ తిరుగుతూనే ఉన్నారు. అప్పుడు రాజశీఖర్ రెడ్డి సెజ్ ల కోసం రైతుల భూములు లాక్కొంటే ఇప్పుడు తెదేపా ప్రభుత్వం రాజధానికి, పోర్టులు, విమానాశ్రయాల కోసం రైతుల భూములు తీసుకొంటోంది. కనుక ఏ పార్టీ అధికారంలో ఉన్నా అందరి దృష్టి రైతుల భూములపైనే ఉంటుందని స్పష్టం అవుతోంది. అటువంటప్పుడు జగన్ రైతులకి అన్యాయం అయిపోతోందని మొసలి కన్నీళ్లు కార్చడం హాస్యాస్పదం.

అయితే జగన్ సంధించిన ఎనిమిది ప్రశ్నలకు సోమిరెడ్డి చెప్పినది జవాబు కాదు. జగన్ నోరు మూయించడానికి చేస్తున్న ఎదురుదాడి మాత్రమే. అదే ఒకవేళ పవన్ కళ్యాణ్ ఇవే ప్రశ్నలు అడిగి ఉండి ఉంటే సోమిరెడ్డి సమాధానం వేరేగా ఉండేదేమో అసలు ఉండేది కాదేమో కూడా. ఇంతకీ పవన్ కళ్యాణ్ ఈ కార్యక్రమానికి హాజరవుతారో లేక ఆయన కూడా జగన్ లాగే తప్పించుకొంటారో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేసీఆర్‌ను బుక్ చేయడానికి రేవంత్ రెడీ..! సంజయ్ సిద్ధమేనా..?

కేసీఆర్ ఎంపీగా పార్లమెంట్‌ను తప్పుదోవ పట్టించారని.. ఆ విషయాలను తాను బయటపెడతానని బండి సంజయ్ బెదిరించారు. స్పీకర్ పర్మిషన్ తీసుకున్నానని.. తప్ప సరిగా పార్లమెంట్‌ను కుదిపేస్తుందని కూడా చెప్పుకొచ్చారు. అయితే బండి సంజయ్...

కొన్ని చోట్ల మళ్లీ మున్సిపల్ నామినేషన్లు..!

దౌర్జన్యాలు, బలవంతపు ఉపసంహరణలు జరిగాయని ఆరోపణలు వచ్చిన చోట మరోసారి నామినేషన్లకు ఎస్‌ఈసీ అవకాశం కల్పించారు. ఈ మేరకు కీలక ఉత్తర్వులు జారీ చేశారు. తిరుపతి కార్పొరేషన్‌, పుంగనూరు, రాయచోటి పురపాలక సంఘాలు,...

బాలికను పెళ్లి చేసుకుంటావా? విచారణలో రేపిస్ట్‌ను అడిగిన సుప్రీంకోర్టు చీఫ్ జస్టిస్..!

సుప్రీంకోర్టు చీఫ్ జస్టిస్ ఎస్.ఎ. బోబ్డే మైనర్‌పై అత్యాచారం చేసిన ప్రభుత్వ ఉద్యోగి కేసు విచారణ సమయంలో చేసిన వ్యాఖ్యలు వివాదాస్పదం అవుతున్నాయి. మైనర్‌పై అత్యాచారం చేసిన వ్యక్తిని పెళ్లి చేసుకోవడానికి సిద్ధమేనా...

జనసేనతో మాకు ఎలాంటి పొత్తు లేదు: బీజేపీ నేత డీకే అరుణ సంచలన వ్యాఖ్యలు

బీజేపీ జాతీయ ఉపాధ్యక్షురాలు డీకే అరుణ, ఒక టీవీ డిబేట్ లో మాట్లాడుతూ తమ పార్టీకి జనసేనతో ఎటువంటి పొత్తు లేదని , ఉండబోదని వ్యాఖ్యానించడం ప్రస్తుతం సంచలనంగా మారింది వివరాల్లోకి వెళితే.. బీజేపీ...

HOT NEWS

[X] Close
[X] Close