చంద్రబాబుకు అసలు స్టార్ క్యాంపెయినర్ జగన్ రెడ్డే !

వైసీపీపై పోరాడుతున్న ఇతర పార్టీల నేతల్ని చంద్రబాబు స్టార్ క్యాంపెయినర్లని ట్రోల్ చేస్తున్న జగన్ రెడ్డికి అసలు చంద్రబాబుకు తానే పెద్ద స్టార్ క్యాంపెయినర్‌ను అనే సంగతి గుర్తుకు రావడం లేదు. తన విషయంలో జరిగే ప్రతి విషయానికి చంద్రబాబుతో ముడి పెట్టి అంతర్జాతీయ అంశాల వరకూ చంద్రబాబే చేయించాడని ప్రచారం చేస్తూంటారు జగన్ రెడ్డి. చంద్రబాబుకు ఆయన కన్నా ఎక్కువ ఎవర్ స్టార్ క్యాంపెయినర్ ఉంటారు ?

ఏదైనా చంద్రబాబే – జగన్ రెడ్డి ప్రచారం

తల్లి, చెల్లి వదిలేసి వెళ్లిపోయారు. దానికీ చంద్రబాబే కారణం., కుటుబంంలో చిచ్చు పెట్టేశారని ప్రచారం చేసుకుంటారు. ఇప్పుడే ఎందుకు.. జైల్లో ఉన్నప్పుడు జగన్ కోసం షర్మిల ప్రచారం చేశారు. గత ఎన్నికల్లో ఎందుకు ప్రచారం చేసారు. నిజంగా జగన్ సొంత చెల్లినే చంద్రబాబు ప్రభావితం చేయగలిగే రేంజ్ లో చంద్రబాబు ఉంటే జగన్ మాత్రం ప్రభావితం కాకుండా ఎలా ఉంటారు. మొత్తంగా ఏం జరిగినా చంద్రబాబే అంటూ.. చంద్రబాబు స్టార్ క్యాంపెయినర్ గా ఎప్పుడో మారారు జగన్ రెడ్డి.

చంద్రబాబుకు తెలియనంత బలం ఆపాదించే స్టార్ క్యాంపెయినర్ జగన్ రెడ్డి

బీజేపీ వెనుక చంద్రబాబు ఉన్నారంటారు.. సీబీఐ వెనుక చంద్రబాబు ఉన్నారంటారు.. కాంగ్రెస్ వెనుక చంద్రబాబు ఉన్నారంటారు.. కోర్టు తీర్పుల వెనుక చంద్రబాబు ఉన్నారంటారు.. ఇలా లెక్కలేస్తే.. చంద్రబాబును బాహుబలిగా ప్రపంచం ముందు నిలబెట్టేది జగన్ రెడ్డినే. చంద్రబాబు ఇంత బలవంతుడా.. మాకు తెలియదే అని వైసీపీ నేతలు కూడా ఆశ్చర్యపోయేంత బలం ఆపాదిస్తూ.. స్టార్ క్యాంపెయినర్ గా వ్యవహరిస్తోంది జగన్ రెడ్డే.

జగన్ రెడ్డి చేతకానితనమే చంద్రబాబు స్టార్ క్యాంపెయినర్

యువకుడు .. ఒక్క చాన్స్ అని ప్రజలు పదవి ఇస్తే.. జగన్ రెడ్డి చేసిన నిర్వాకం చూసి ప్రజలు చంద్రబాబు గ్రేట్ అనే పరిస్థితి తీసుకొచ్చింది ఎవరు.. అదే చంద్రబాబు ఉంటే అనిపించేలా ప్రతీ సారి అందరితో అనిపిస్తున్నది ఎవరు… ఇంకెవరు జగన్మోహన్ రెడ్డి. అంత కన్నా చంద్రబాబుకు స్టార్ క్యాంపెయినర్ ఎవరు ఉంటారు. ఎన్నో ఆశలతో పట్టం కట్టిన ప్రజల ఆశల్ని కూల్చేసి.. చంద్రబాబు ఉంటే బాగుండు అనిపించేలా చేసిన స్టార్ క్యాంపెయినర్ జగన్ రెడ్డి.

జగన్ రెడ్డి ఎలా తన పార్టీ కోసం పని చేసుకుంటున్నారో పురందేశ్వరి, షర్మిల సహా ఇతర పార్టీల నేతలు వారి పార్టీ కోసం పని చేసుకుంటూ ఉంటారు. వారేమీ చంద్రబాబు కోసం పని చేయరు. కానీ నిరంతరం చంద్రబాబు కోసం పని చేసేది .. ప్రచారం చేసేది జగన్ రెడ్డి మాత్రమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పుష్ష 2: ఇంట్ర‌వెల్ లో ‘జాత‌రే..’

ఈ యేడాది విడుద‌ల అవుతున్న క్రేజీ ప్రాజెక్టుల‌లో 'పుష్ష 2' ఒక‌టి. ఆగ‌స్టు 15న 'పుష్ష 2'ని విడుద‌ల చేయ‌డం కోసం చిత్ర‌బృందం రేయింబ‌వ‌ళ్లూ క‌ష్ట‌ప‌డుతోంది. ప్ర‌స్తుతం రామోజీ ఫిల్మ్ సిటీలో...

చిరు సినిమాలో ఆషికా రంగ‌నాథ్‌?

సంక్రాంతికి వ‌చ్చిన సినిమాల్లో 'నా సామిరంగ‌' ఒక‌టి. నాగార్జున స‌ర‌స‌న ఆషికా రంగ‌నాథ్ మెరిసింది. త‌న స్క్రీన్ ప్ర‌జెన్స్ తో ఆక‌ట్టుకొంది. సీరియ‌ర్ హీరోల‌కు ఆషికా మంచి ఛాయిస్ అని.. అంతా అనుకొన్నారు....

రాజాసాబ్‌: సెకండాఫ్‌… స్పెల్‌బౌండ్!

'స‌లార్‌'తో మ‌రో సూప‌ర్ హిట్టు కొట్టాడు ప్ర‌భాస్‌. ఇప్పుడు త‌న దృష్టంతా క‌'ల్కి', 'రాజాసాబ్‌'ల‌పై ఉంది. రెండింటికీ త‌న కాల్షీట్లు పంచుతున్నాడు. రాజాసాబ్ చిన్న చిన్న షెడ్యూల్స్‌తో మెల్ల‌గా పుంజుకొంటోంది. ఈ సినిమాకు...

వైసీపీలో అందరూ చర్చకు సిద్ధమే .. జగన్ రెడ్డి తప్ప !

వైసీపీలో అధినేత జగన్ రెడ్డి తప్ప.. తామంతా పోటుగాళ్లమేనని నిరూపించుకునేందుకు ఒకరి తర్వాత ఒకరు పోటీ పడుతున్నారు. కానీ అసలు జగన్ రెడ్డి మాత్రం చర్చకు వస్తానని చెప్పడం లేదు. తాజాగా అంబటి...

HOT NEWS

css.php
[X] Close
[X] Close