ఎన్నికల కమిషనర్‌ను పీకేసేందుకు జగన్ ప్రయత్నాలు..!

ముఖ్యమంత్రి జగన్మోహన్ రెడ్డికి రాష్ట్ర ఎన్నికల కమిషనర్‌పై కోపం వచ్చింది. ఆ కోపం అలాంటి.. ఇలాంటిది కాదని.. ఆదివారమే తేలిపోయింది. ఆయన పది నెలల్లో ఎప్పుడూ పెట్టని ప్రెస్‌మీట్‌ను.. చంద్రబాబుపై కోపంతో కాకుండా… ఎస్‌ఈసీ రమేష్‌కుమార్ పై కోపంతో పెట్టారు. తనకు 151 సీట్లు వచ్చినా తనను సంప్రదించకుండా ఎన్నికలు వాయిదా వేయడం ఏమిటనేది ఆయన ఆగ్రహం. అయితే… ప్రెస్‌మీట్‌లో విమర్శలు చేసి… కామ్‌గా ఉంటే.. ఆయన ముఖ్యమంత్రి జగన్ ఎలా అవుతారు..?. ఎస్‌ఈసీ రమేష్‌కుమార్‌కు.. దానికి తగ్గ ప్రతిఫలం ఇవ్వాలని స్ట్రాంగ్‌గా డిసైడయ్యారు. సోమవారం.. పలువురు న్యాయకోవిదులతో పాటు.. మాజీ సీఎస్.. ఉమ్మడి రాష్ట్రంలో ఎస్‌ఈసీగా పని చేసిన రమాకాంతరెడ్డిని.. హుటాహుటిన పిలిపించుకున్నారు. ఆయనతో చర్చలు జరిపారు. ఈ చర్చల్లో మొదటి అంశం.. ఎస్‌ఈసీగా రమేష్‌కుమార్‌ను తొలగించడం.

దానికి తగ్గ ప్రాసెస్‌పై పూర్తి స్థాయి కసరత్తును ప్రభుత్వం చేసింది. ఎస్‌ఈసీకి రాజ్యాంగ వ్యవస్థ. తీసేయడం.. అంత తేలిక కాదు. హైకోర్టు న్యాయమూర్తికి తగ్గ అధికారాలు ఎస్‌ఈసీకి ఉంటాయి. తొలగించాలన్న దాదాపుగా అభిశంసన లాంటి పద్దతి ఉంటుంది. అసెంబ్లీలో మూడింట రెండు వందల మెజార్టీతో ఆమోదం పొందాలి. దీనికి కేంద్రం కూడా ఆమోద ముద్ర వేయాలి. ప్రస్తుతం.. అసెంబ్లీలో మూడింట రెండు వందల మెజార్టీ… ఏపీ సర్కార్ కు ఉంది. కానీ కేంద్రం సహకరిస్తుందా అన్నదే కీలకం. దీని కోసం ఇప్పటికే లాబీయింగ్ ప్రారంభించారని వైసీపీ వర్గాలు చెబుతున్నాయి.

ఆయనను తొలగించిన తర్వాత రమాకాంతరెడ్డికే ఎస్‌ఈసీగా బాధ్యతలు ఇచ్చి… స్థానిక ఎన్నికలు నిర్వహిస్తే ఎలా ఉంటుందన్న చర్చ కూడా సోమవారం నాటి సమావేశాల్లో వచ్చినట్లుగా… ప్రచారం జరుగుతోంది. ఎస్‌ఈసీతో సంబంధం లేకుండా.. రాష్ట్ర ప్రభుత్వమే… స్థానిక ఎన్నికలు నిర్వహించే వెసులుబాటు ఏమైనా ఉందేమోనన్న పరిశీలన కూడా నిన్నంతా జరిగినట్లుగా తెలుస్తోంది. కానీ అలాంటిదేమీ లేదని.. ఎస్‌ఈసీ ప్రమేయం లేకుండా ముందుకెళ్తే.. ప్రభుత్వం ఇబ్బందుల్లో పడుతుందన్న అభిప్రాయం న్యాయనిపుణుల్లో రావడంతో మిన్నకుండిపోయినట్లుగా చెబుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సినీ అవకాశం పేరిట “జబర్దస్త్” చీటింగ్

సినిమా ఇండస్ట్రీలో వేషాలు ఇప్పిస్తామంటూ చెప్పి యువతీ యువకులను మోసం చేయడం ఎప్పట్నుంచో జరుగుతున్నదే. యువతీయువకుల దగ్గరనుండి సినిమా అవకాశాలు పేరిట డబ్బులు గుంజడం, యువతుల పై లైంగిక వేధింపులకు పాల్పడడం వంటి...

వెబ్ సిరీస్‌గా ‘మైదానం’

క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక‌.. కంటెంట్,...

ఐశ్వ‌ర్య‌రాయ్‌కి క‌రోనా.. ఆరాధ్య‌కి కూడా

అమితాబ్ బ‌చ్చ‌న్‌, అభిషేక్ బ‌చ్చ‌న్ ల‌కు క‌రోనా సోక‌డం, ప్ర‌స్తుతం ముంబైలోని నానావ‌తీ ఆసుప‌త్రిలో చికిత్స పొందుతుండ‌డం తెలిసిన విష‌యాలే. ఇప్పుడు ఐశ్వ‌ర్య‌రాయ్‌కి కూడా క‌రోనా సోకింది. కూతురు ఆరాధ్య‌కి కూడా క‌రోనా...

ఫ్లాష్ బ్యాక్‌: శోభ‌న్ బాబు క‌న్నీరు పెట్టిన వేళ‌!

ఏ విజ‌య‌మూ సుల‌భంగా రాదు. ఎన్నో ఆటు పోట్లు. అవ‌మానాల క‌ల‌యికే.. విజ‌యం. అలాంటి విజ‌యాలు మ‌రీ మ‌ధురంగా ఉంటాయి. ఏ స్టార్‌జీవితాన్ని తీసుకున్నా - ఎన్నో ఒడిదుడుకులు. 'నువ్వు న‌టుడిగా ప‌నికొస్తావా'...

HOT NEWS

[X] Close
[X] Close