సంగారెడ్డి రివ్యూ : జగ్గారెడ్డికి కేసీఆర్ సాయం చేశారా..?

తెలంగాణలో ఎన్నికలు జరుగుతున్న నియోజకవర్గాల్లో సంగారెడ్డికి ఓ ప్రత్యేకమైన స్థానం ఉంది. కేసీఆర్‌కు ఎదురొడ్డి నిలిచే నాయకుల్లో ఒకరైన తూర్పు జయప్రకాశ్‌రెడ్డి అలియాస్ జగ్గా జగ్గారెడ్డి అక్కడ బరిలో ఉన్నారు. తెలంగాణ సెంటిమెంట్ …ఓ స్థాయిలో ఉన్న సమయంలోనే… జగ్గారెడ్డి… తాను సమైక్యాంధ్రవాదినని ప్రకటించుకున్నారు. ఆయన డేరింగ్ నెస్ అందరికీ నచ్చుతుంది. అలా ప్రకటించుకున్న తర్వాత కూడా గత ఎన్నికల్లో యాభై వేల పైచిలుకు ఓట్లు తెచ్చుకున్నారు. టీఆర్ఎస్‌కు గట్టి పోటీ ఇచ్చారు. ఎన్నికల ప్రక్రియ మొదలయ్యే వరకూ.. జగ్గారెడ్డి.. ఈ సారి గెలుస్తాడా.. అన్న డొలయానంలో ఉన్నారు. కానీ… మానవ అక్రమ రవాణా కేసులో ఎప్పుడో కోల్డ్ స్టోరేజీలో పడిపోయిన కేసును కావాలనే బయటకు తీసి.. కొద్ది రోజులు జైల్లో ఉంచడంతో.. అనుకోని వరంలా కలసి వచ్చింది.

కేసీఆర్‌కు వ్యతిరేకంగా పోరాడినందుకే వేధిస్తున్నారని ఆరోపిస్తూ.. జగ్గారెడ్డి తనదైన మార్క్ రాజకయాలు చేసుకుటున్నారు. అరెస్ట్ నుంచి బయటకు వచ్చిన తర్వాత కొద్ది రోజులు జగ్గారెడ్డి తాను బయటకు రాలేదు. కుటుంబసభ్యులను ప్రచారానికి పంపారు. వారు కావాల్సినంత సెంటిమెంట్ పండించారు. ఆ తర్వాత జగ్గారెడ్డి రంగంలోకి దిగారు. ఓ ప్లాన్ ప్రకారం.. తనపై సానుభూతి వచ్చేలా.. అలాగే కేసీఆర్ ను ఢీకొట్టే నేతగా ప్రొజెక్ట్ చేశారు. ఓ రకంగా ఈ అవకాశాన్ని కేసీఆర్ కల్పించారనుకోవాలి. ఇప్పుడు విజయానికి తాను చాలా దగ్గరగా ఉన్నానని జగ్గారెడ్డి బలంగా విశ్వసిస్తున్నారు. జగ్గారెడ్డి ప్రజలకు అందుబాటులో ఉంటారు. అడిగిన వారికి ఆర్థిక సాయం చేస్తారు. వీటితోనే సరిపెట్టుకోలేదు.. సంగారెడ్డికి సంబంధించి కొన్ని మౌలికమైన సమస్యలపై పోరాడారు. ప్రభుత్వ వైద్య కళాశాల ఏర్పాటు చేయాలన్నది ప్రజల ప్రధాన డిమాండ్‌. దీనికోసం రెండు సంవత్సరాలుగా జగ్గారెడ్డి ఉద్యమం చేస్తున్నారు.

సంగారెడ్డిలో టీఆర్ఎస్‌కు ఇబ్బందికరమైన మరో అంశం.. సింగూరు జలాల తరలింపు. సంగారెడ్డికి అతి సమీపంలోనే సింగూరు ప్రాజెక్టు ఉన్నా నియోజకవర్గంలోని ఒక్క ఎకరాకు కూడా నీరు అందడం లేదు. సింగూరు నుంచి ఘనపురం, నిజాంసాగర్‌ ప్రాజెక్టుల్లోకి నీటిని వదులుతున్నా సంగారెడ్డి నియోజకవర్గానికి అందడం లేదు. సంగారెడ్డి, పటాన్‌చెరు, రామచంద్రాపురం ప్రాంతాలకు తాగునీటి అవసరాలకు మాత్రమే సింగూరు నుంచి మంజీరా ప్రాజెక్టులోకి 2 టీఎంసీల నీటిని సరఫరా చేస్తున్నారు. నిజానికి గత ఏడాది పడిన వర్షాలతో.. ప్రాజెక్ట్ నిండింది. కానీ.. ఎలాంటి కేటాయింపులు లేకపోయినా… పదిహేను టీఎంసీలు.. కేసీఆర్ కుటుంబసభ్యుల నియోజకవర్గాలకు నీళ్లిచ్చేందుకు శ్రీరాంసాగర్‌ ప్రాజెక్టుకు తరలించారు. ఇదే.. ఈ నియోజకవర్గ ప్రజల్లో ఆగ్రహానికి కారణం అవుతోంది. టీఆర్‌ఎస్‌ నుంచి ఓసారి, కాంగ్రెస్ నుంచి మరోసారి ఎమ్మెల్యేగా ఎన్నికైన జయప్రకాశ్‌రెడ్డి మూడోసారి విజయంకోసం గట్టిగా పోరాడుతున్నారు. రాజకీయాలకు, ఆధ్యాత్మికతను జోడించడంలో సిద్ధహస్తుడైన ఆయన హంగూ ఆర్బాటం లేకుండానే ఇంటింటి ప్రచారం చేస్తున్నారు. అధికార పార్టీ కుట్రలు పన్ని అక్రమ కేసులు పెట్టి జైలుకు పంపిందని ప్రచారం చేస్తూ సానుభూతి పొందడానికి ప్రయత్నిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close