ఎన్టీఆర్ – కొర‌టాల శివ కాంబినేష‌న్‌లో `జ‌న‌తా గ్యారేజ్‌` వచ్చింది. ఆ సినిమా సూప‌ర్ హిట్ట‌య్యింది. ఇప్పుడు మ‌రోసారి ఈ కాంబో చూడ‌బోతున్నాం. ఎన్టీఆర్ – కొర‌టాల సినిమాకి సంబంధించిన అధికారిక ప్ర‌క‌ట‌న వ‌చ్చేసింది. జూన్‌లో ఈ సినిమా షూటింగ్ సెట్స్‌పైకి వెళ్తుంద‌ని చిత్ర‌బృందం ప్ర‌క‌టించింది. ఈ చిత్రానికి కల్యాణ్ రామ్ స‌మ‌ర్ప‌కుడిగా వ్య‌వ‌హ‌రించ‌నున్నారు. మిక్కిలినేని సుధాక‌ర్ నిర్మాత. ఇదో పాన్ ఇండియా ప్రాజెక్ట్ అని చిత్ర‌బృందం తెలిపింది. అంతే కాదు.. రిలీజ్ డేట్ కూడా ఫిక్స‌య్యింది. ఏప్రిల్ 29, 2022లో ఈ చిత్రాన్ని విడుద‌ల చేయ‌నున్నారు. ఇత‌ర న‌టీన‌టులు, సాంకేతిక నిపుణుల వివ‌రాలు త్వ‌ర‌లో తెలుస్తాయి.
మ‌రి బ‌న్నీ సినిమా మాటేంటి?
ప్ర‌స్తుతం `ఆచార్య` షూటింగ్ లో బిజీగా ఉన్నారు కొర‌టాల. ఈ సినిమా త‌ర‌వాత.. అల్లు అర్జున్ తో ఓ ప్రాజెక్టు సెట్ అయ్యింది. `ఆచార్య` త‌ర‌వాత.. అదే ప‌ట్టాలెక్కాలి. అయితే స‌డ‌న్ గా ఎన్టీఆర్ తో ప్రాజెక్ట్ ఓకే అయ్యింది. బ‌న్నీ తో సినిమా చేయాల్సిన నిర్మాత‌లే.. ఎన్టీఆర్ సినిమాకీ సార‌ధ్యం వ‌హిస్తున్నారు. అంటే బ‌న్నీ సినిమా స్థానంలోనే ఎన్టీఆర్ సినిమా ఓకే అయ్యింద‌న్న‌మాట. మ‌రి… బ‌న్నీతో సినిమా ఉంటుందా? ఉండ‌దా? అనేది తేలాల్సిన ప్ర‌శ్న.
