నా మంత్రి పదవి పోదనే అనుకొంటున్నా: కడియం శ్రీహరి

వేర్వేరు పార్టీలలో ఉన్నవారే కాదు ఒకే పార్టీలో ఉన్నవారు కూడా కీచులాడుకోవడం బద్ధ శత్రువులు వలే వ్యవహరిస్తుండటం అందరూ చూస్తున్నదే. అటువంటప్పుడు పార్టీలో తమ బద్ధ శత్రువు వేరే పార్టీలోకి వెళ్ళిపోతే అప్పుడు వారు తనివితీరా ఒకరినొకరు తిట్టుకొనే అవకాశం లభిస్తుంది. తెదేపాలో కడియం శ్రీహరి, ఎర్రబెల్లి దయాకర్ రావు, రేవంత్ రెడ్డి ఆ కోవకు చెందినవారే.

కడియం శ్రీహరి వెళ్ళిపోయినా తరువాత మిగిలిన ఇద్దరూ తమలో తాము కీచులాడుకొంటూనే, అదే నోటితో కడియాన్ని కూడా ఓ నాలుగు ముక్కలనేసి నాలిక దురద తీర్చుకొనేవారు. ఇప్పుడు ఎర్రబెల్లి కూడా తెరాసలోకి జంప్ అయిపోయారు కనుక రేవంత్ రెడ్డి ఒక్కరే ఇటు నుండి తిడుతుంటే, అవతల వైపు నుండి కడియం శ్రీహరి, ఎర్రబెల్లి మళ్ళీ ఒక్కచోటికి చేరినందున వాళ్ళిద్దరూ ఒకరినొకరు విమర్శించుకొంటూ మళ్ళీ అదే నోటితో రేవంత్ రెడ్డిని విమర్శించితే అదేమీ వింత కాబోదు.

తెరాసలోకి ఎర్రబెల్లి రాకను కడియం శ్రీహరి బహిరంగంగా వ్యతిరేకించకపోయినా, మనసులో వ్యతిరేకించకమానరు. ఒకవేళ ఎర్రబెల్లి కారణంగానే తన ఉపముఖ్యమంత్రి పదవి ఊడుతుందని తెలిస్తే ఇంకా వ్యతిరేకించవచ్చును. కారణం అదో కాదో తెలియదు గానీ కడియం శ్రీహరిని మంత్రి పదవిలో నుండి తప్పించబోతున్నారని మీడియాలో ఊహాగానాలు వినిపిస్తున్నాయి. నిప్పులేనిదే పొగరాదు కదా?

అయితే ఆయన వాటిని ఖండిస్తూ చెప్పిన మాటలు కూడా వాటిని ఇంకా బలపరుస్తున్నట్లే ఉన్నాయి. దీనిపై మీడియా ప్రతినిధులు అడిగిన ఒక ప్రశ్నకు జవాబిస్తూ “కేసీఆర్ నన్ను మంత్రివర్గంలో నుండి తప్పిస్తారని నేను అనుకోవడం లేదు. ఆయనే నన్ను ఏరికోరి మంత్రివర్గంలోకి తీసుకొన్న సంగతి మీ అందరికీ తెలుసు. నా వలననే మంత్రివర్గానికి ఒక రూపం ఏర్పడింది. కనుక ఎవరి కోసమో కేసీఆర్ నన్ను మంత్రి పదవి నుండి తప్పిస్తారని నేను అనుకోవడం లేదు,” అని చెప్పారు.

ఒకవేళ ఎర్రబెల్లికో లేదా కొత్తగా పార్టీలో చేరిన వేరెవరికో మంత్రిపదవి ఇచ్చేందుకు కడియం శ్రీహరిని మంత్రివర్గం నుండి తప్పించినట్లయితే అప్పుడు ఆయన పరిస్థితి ఏమిటి? తెరాసపై అలిగి మళ్ళీ తెదేపాకి వెళ్లిపోతారా? లేకపోతే కేసీఆర్ ఇచ్చిన ఏదో ఒక పదవిలో సర్దుకుపోతారా? దానికి జవాబు కాలమే చెపుతుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కట్‌ చేసిన జీతాలు,పెన్షన్లను 12 శాతం వడ్డీతో చెల్లించాల్సిందే..!

కరోనా పేరు చెప్పి రెండు నెలల పాటు సగం సగం జీతాలే ఇచ్చిన ఏపీ ప్రభుత్వానికి హైకోర్టు షాక్ ఇచ్చింది. జీతాలు, పెన్షన్‌ బకాయిలు చెల్లించాలని ఆదేశించింది.మార్చి, ఏప్రిల్ నెలల్లో బకాయిపడిన 50శాతం...

జగన్ అనుకుంటే అంతే.. ! ఎమ్మెల్సీ టిక్కెట్ ఆయన కుమారుడికి..!

వైసీపీ అధినేత జగన్మోహన్ రెడ్డి ఏదైనా అనుకుంటే ఇట్టే నిర్ణయం తీసుకుంటారు. దానికి ముందూ వెనుకా ఎలాంటి మొహమాటాలు పెట్టుకోరు. దానికి తాజాగా మరో ఉదాహరణ ఎమ్మెల్సీ సీటుకు అభ్యర్థి ఎంపిక. రాజ్యసభకు...

వైసీపీలోనూ అలజడి రేపుతున్న రాపాక..!

జనసేన తరపున గెలిచి తాను వైసీపీ మనిషినని చెప్పుకుంటున్న రాజోలు ఎమ్మెల్యే రాపాక వరప్రసాదరావు ఆ పార్టీలోనూ చిచ్చు పెడుతున్నారు. రాజోలు వైసీపీలో మూడు గ్రూపులున్నాయని.. అందులో తనది ఒకటని స్వయంగా...

బిగ్ బాస్ – 4 వాయిదా?

బిగ్ బాస్ రియాలిటీ షో.. తెలుగులోనూ సూప‌ర్ హిట్ట‌య్యింది. ఎన్టీఆర్‌, నాగార్జున‌, నాని లాంటి హోస్ట్ లు దొర‌క‌డంతో బిగ్ బాస్ కి తెలుగు ఆన‌ట ఆద‌ర‌ణ ద‌క్కింది. ఇప్పుడు నాలుగో సీజ‌న్...

HOT NEWS

[X] Close
[X] Close