సర్పంచ్‌తో సీఎం..! కేసీఆర్ స్టైలే వేరు..!

తెలంగాణ సీఎం కేసీఆర్… ఓ సందేశాన్ని ప్రజల్లోకి బలంగా పంపాలంటే.. చాలా సింపుల్ టెక్నిక్ ఎంచుకుంటారు. గతంలో రెవిన్యూ సంస్కరణలు తేవాలనుకున్నప్పుడు.. భూవివాదాన్ని పరిష్కరించుకోలేక.. అధికారుల చుట్టూ తిరగలేక సోషల్ మీడియాలో పోస్టు పెట్టిన వ్యక్తికి నేరుగా ఫోన్ చేసి…మాట్లాడారు. ఆ తర్వాత అది చాలా మార్పులకు కారణం అయింది. ఆ తర్వాత కూడా వివిధ సందర్భాల్లో వివిధ వ్యక్తులకు హఠాత్తుగా ఫోన్లు చేసి ఆశ్చర్యపరిచారు. తాజాగా.. సిద్దిపేట జిల్లా మర్కుక్‌ గ్రామ సర్పంచ్‌ భాస్కర్‌కు ఫోన్ చేశారు. క్షేమ సమచారాలు అడిగారు. తర్వాత కొండ పోచమ్మ సాగర్ ప్రాజెక్ట్ ప్రారంభోత్సవం గురించి చర్చించారు.

కొండపోచమ్మ ప్రాజెక్టు ప్రారంభోత్సవానికి తానే వస్తున్నానని… గోదావరి నీళ్లు కాళేశ్వరం ప్రాజెక్టు ద్వారా జిల్లాకు, నియోజకవర్గానికి, గ్రామానికి వస్తున్నని… వేడుక ధూంధాంగా చేసుకుందామన్నారు. 1500 మందితో భోజనాలు చేసుకుందామని అవసరమైన ఏర్పాట్లన్నీ చూడమని పురమాయించారు. అంతే కాదు.. ఇంకేమైనా అభివృద్ధి పనులు కావాలా అని అడిగారు. గ్రామపంచాయతీ భవనాన్ని మంజూరు చేయాలని సర్పంచ్‌ కోరగా.. గ్రామానికి వచ్చిన రోజునే.. గ్రామపంచాయతీ భవన నిర్మాణానికి, రైతువేదిక నిర్మాణానికి భూమి పూజ చేద్దామని ప్రకటించేశారు. మరో ఐదారు కోట్లతో మరిన్ని అభివృద్ధి పనులు కూడా చేపడదామన్నారు. తర్వాత మరికొన్ని గ్రామాల సర్పంచ్‌లకు కూడా ఫోన్లు చేశారు.

కేసీఆర్.. ప్రాజెక్టులను పరుగులు పెట్టించారు. ఆ ఫలాలు ఇప్పుడు ప్రజల దగ్గరకు చేరుతున్నాయి. అలా చేరుతున్న సందర్భంలో తనదైన మార్క్.. ప్రజల మీద పడాలంటే.. కేసీఆర్ ప్రత్యేకమైన జాగ్రత్తలు తీసుకుంటున్నారు. కేసీఆర్ ను కలకలం గుర్తు పెట్టుకునేలా ప్రజలు ఉండేలా.. సింపుల్‌గా ఆ ప్రయత్నాలు ఉంటాయి. నేరుగా వారితో కలిసి.. పండగ చేసుకోవడం అందులో ఒకటి. అందుకే.. కేసీఆర్ లాంటి రాజకీయం…. ఇంకెవరూ చేయలేరు. మంచి చేస్తారు.. దానికి తగ్గట్లుగా పేరూ తెచ్చుకుంటారు..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“ఏబీ”కి నో పోస్టింగ్..! సుప్రీంలో స్టే పిటిషన్ వేసిన సర్కార్..!

ఇంటలిజెన్స్ మాజీ చీఫ్... సీనియర్ ఐపీఎస్ అధికారి ఏబీ వెంకటేశ్వరరావును విధుల్లోకి తీసుకోవడానికి ఏపీ సర్కార్ సిద్ధపడలేదు. హైకోర్టు తీర్పును అమలు చేయకుండా.. నాన్చి..నాన్చి.. తాజాగా సుప్రీంకోర్టులో పిటిషన్ వేసింది. హైకోర్టు...

మీడియా వాచ్ : టీవీ9 నుంచి ఇంకెంత మంది బయటకు..!?

తెలుగు ఎలక్ట్రానిక్ మీడియా రంగంలో ప్రత్యేక గుర్తింపు తెచ్చుకున్న టీవీ9పై ఇప్పుడు రాజకీయ రంగు పడింది. అధికారానికి మడుగులొత్తే చానల్‌గా మారిపోయింది. అదే సమయంలో పాత చార్మ్‌ను కొద్ది కొద్దిగా కోల్పోతూ.. వెలిసిపోతూ...

“సీఎంఆర్ఎఫ్ విరాళాల”పై రేవంత్ గురి..!

తెలంగాణ సర్కార్‌ను ఇరకాటంలో పెట్టడానికి కాంగ్రెస్ వర్కింగ్ ప్రెసిడెంట్ రేవంత్ రెడ్డి కొత్త తరహాలో ఆలోచిస్తూ ఉంటారు. కేటీఆర్ .. ఫామ్‌హౌస్ విషయాన్ని ప్రజల్లోకి చర్చకు పెట్టి టీఆర్ఎస్ ను కాస్త...

కేసీఆర్‌కు రామ్‌మాధవ్ బెదిరింపులేంటో..!?

తెలంగాణ రాష్ట్ర సమితి అధినేత కేసీఆర్ అధికార, రాజకీయ కార్యకలాపాలకు త్వరలోనే ముగింపు తప్పదంటూ... బీజేపీ ప్రధాన కార్యదర్శి రామ్‌మాధవ్ చేసిన హెచ్చరికలు ఇప్పుడు హైలెట్ అవుతున్నాయి. కరోనా విషయంలో... కాళేశ్వరం నిర్మాణ...

HOT NEWS

[X] Close
[X] Close