గ్రేడులు సిద్ధం… మంత్రివర్గ విస్తరణ తథ్యం…!!

తెలంగాణలో మంత్రివర్గ విస్తరణకు రంగం సిద్ధమైంది. మంత్రివర్గంలో కొందరికి ఉద్వాసన, కొత్త వారికి స్వాగతం పలికేందుకు ముఖ్యమంత్రి కల్వకుంట్ల చంద్రశేఖర రావు సర్వం సిద్ధం చేసుకున్నారు. మంత్రివర్గంలోని తన సహచరుల పనితీరుపై ఇంటెలిజెన్స్ విభాగం తో పాటు ప్రైవేటు సంస్థల నుంచి నివేదికలు తెప్పించుకున్న ముఖ్యమంత్రి కేసీఆర్ మంత్రుల పనితీరు ఆధారంగా ఏ, బీ,సీ,డీ గ్రేడులు నిర్ణయించినట్లు ప్రగతి భవన్ వర్గాలు చెబుతున్నాయి. ఈ గ్రేడ్ల ఆధారంగా మంత్రివర్గంలో కొందరికి ఉద్వాసన తప్పదని తెలంగాణ భవన్ లో ప్రచారం జరుగుతోంది. మంత్రులు కేటీఆర్, హరీష్ రావు, తలసాని శ్రీనివాస్ యాదవ్ తో సహా మరో ఐదుగురు పదవులకు ఎలాంటి ఢోకా ఉండదని చెబుతున్నారు. నెల రోజుల క్రితం వరకు వైద్య ఆరోగ్యశాఖ మంత్రి ఈటల రాజేందర్ పై అసహనంతో ఉన్న కేసీఆర్ కరోనా వైరస్ ప్రభావ అనంతర పరిణామాలతో మంత్రి పనితీరు పట్ల సంతృప్తిని వ్యక్తం చేసినట్లు సమాచారం. గతంలో బహిర్గతం కాని అసంతృప్తితో మంత్రి ఈటెల రాజేందర్ ప్రభుత్వానికి, ముఖ్యమంత్రి కేసీఆర్ కు వ్యతిరేకంగా రెండుమూడు సార్లు నర్మగర్భంగా వ్యాఖ్యలు చేశారు. ఇది అప్పట్లో సంచలనంగా మారింది. మంత్రివర్గం నుంచి ఈటెల రాజేంద్రకు ఉద్వాసన తప్పదని ప్రచారం కూడా జరిగింది. కరోనా వైరస్ పుణ్యమాని మంత్రి రాజేందర్ కాళ్లకు బలపం కట్టుకుని మరీ పరిస్థితిని సమీక్షిస్తున్నారు. ప్రతినిత్యం ఆసుపత్రి సందర్శనతో పాటు కరోనా వైరస్ సోకిందని అనుమానిస్తున్న వారితో నేరుగా మాట్లాడారు. ఈ పనితీరుతో మంత్రి ఈటల రాజేందర్ ముఖ్యమంత్రి కేసీఆర్ మనసు దోచుకున్నారని చెబుతున్నారు. ఈయనతో పాటు రవాణా శాఖ మంత్రి పువ్వాడ అజయ్ కూడా తన పనితీరుతో ముఖ్యమంత్రి నుంచి మార్కులు కొట్టేశారని అంటున్నారు. ఆర్టీసీ సమ్మె సమయంలో మంత్రి పువ్వాడ అజయ్ వ్యవహరించిన తీరుపై ముఖ్యమంత్రి సంతృప్తి వ్యక్తం చేశారని, సంస్థను లాభాల బాటలో పట్టించడానికి ఆయన చేస్తున్న ప్రయత్నాలు ముఖ్యమంత్రికి సంతృప్తి కలిగించాయని అంటున్నారు. మంత్రులకు ఇచ్చిన గ్రేడింగ్ లలో కార్మిక శాఖ మంత్రి చామకూర మల్లారెడ్డి చివరి స్థానంలో ఉన్నట్లు సమాచారం. కార్మిక శాఖకు సంబంధించిన అధికారులు నుంచే కాక పార్టీ నాయకులు, కార్యకర్తల నుంచి కూడా మల్లారెడ్డి పనితీరుపై తీవ్ర వ్యతిరేకత వ్యక్తమవుతోందని సమాచారం. దీంతో రానున్న మంత్రివర్గ విస్తరణలో మల్లారెడ్డికి ఉద్వాసన తప్పదని చెబుతున్నారు. ఈ ఉద్వాసన జాబితాలో మరో నలుగురైదుగురు మంత్రులు కూడా ఉన్నట్లు సమాచారం. రాష్ట్రంలో కరోనా ప్రభావం పూర్తిగా తగ్గిందని నిర్ధారించుకున్న అనంతరం మంత్రివర్గంలో మార్పులు, చేర్పులు చేసే అవకాశం ఉందని తెలంగాణ భవన్ వర్గాలు చెబుతున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ ఎమ్మెల్యే కూడా పార్టీ మారడం లేదని క్లారిటీ ఇచ్చేశారు..!

వైసీపీలో చేరబోతున్నారని ప్రచారం జరిగిన రేపల్లె ఎమ్మెల్యే అనగాని సత్యప్రసాద్ కూడా..ఖండించారు. తాను పార్టీ మారబోవడం లేదని ప్రకటించారు. ఎప్పటిలాగే తనపై తప్పుడు ప్రచారం జరుగుతోందన్నారు. పార్టీలోని కొంత మంది వ్యక్తులు కూడా...

ఎస్ఈసీ ఆర్డినెన్స్‌పై హైకోర్టు తీర్పును సవాల్ చేసిన ఏపీ సర్కార్..!

ఎస్ఈసీ అర్హతలు మార్చుతూ తెచ్చిన ఆర్డినెన్స్‌పై హైకోర్టు ఇచ్చిన తీర్పుపై స్టే ఇవ్వాలని కోరుతూ.. ఏపీ సర్కార్ సుప్రీంకోర్టులో స్పెషల్ లీవ్ పిటిషన్ దాఖలు చేసింది. సుప్రీంకోర్టుకు వేసవి సెలవులు కొనసాగుతున్నప్పటికీ...ఎస్ఎల్పీ దాఖలు...

శంకించొద్దు.. జగన్‌కు విధేయుడినే : విజయసాయిరెడ్డి 

తాను చనిపోయేవరకు జగన్‌కు, ఆయన కుటుంబానికి విధేయుడిగానే ఉంటానని.. నన్ను శంకించాల్సిన అవసరం లేదని ఎంపీ విజయసాయిరెడ్డి మీడియా ముఖంగా వెల్లడించారు. వైఎస్ జగన్ కు... అత్యంత ఆప్తునిగా పేరు తెచ్చుకున్న ఆయన...

అమిత్‌షాతో భేటీకి మంగళవారం ఢిల్లీకి జగన్..!?

ఆంధ్రప్రదేశ్ ముఖ్యమంత్రి జగన్మోహన్ రెడ్డి మంగళవారం అత్యవసరంగా ఢిల్లీకి వెళ్తున్నట్లుగా తెలుస్తోంది. ఈ మేరకు మీడియా ప్రతినిధులకు అనధికారిక సమాచారం అందింది. జగన్మోహన్ రెడ్డి ఢిల్లీకి వెళ్తారని.. కేంద్ర హోంమంత్రి అమిత్...

HOT NEWS

[X] Close
[X] Close