మొక్క బ‌త‌క్క‌పోతే ప‌ద‌వి పోతుంద‌న్న కేటీఆర్!

ప‌ట్ట‌ణ ప్ర‌గ‌తి కార్య‌క్ర‌మం వెన‌క ఎలాంటి రాజ‌కీయ ఉద్దేశాలు లేవ‌న్నారు మంత్రి కేటీఆర్. ఇది ప‌ట్ట‌ణాల‌ను అభివృద్ధి చేయాల‌న్న ల‌క్ష్యంతో మాత్ర‌మే ప్రారంభించింద‌న్నారు. ఇది ఎన్నిక‌ల స‌మ‌యం కానే కాదు, అన్ని ర‌కాల ఎన్నిక‌లూ పూర్త‌యిపోయాయ‌న్నారు. రాబోయే నాలుగేళ్ల‌పాటు ప్ర‌జ‌ల‌కు సేవ చేసుకుని, వారి మ‌న‌సు దోచుకునే ఉద్దేశంతో చేస్తున్నామ‌న్నారు. గ‌తంలో మున్సిపాలిటీలంటే చెడ్డ పేరు ఉండేద‌నీ, అది పూర్తిగా పోవాల‌న్నారు. బ‌ల్దియా అంటే ఖాయా పీయా చ‌ల్దియా అనే అప‌వాదు ఉంద‌నీ, దాన్ని పూర్తిగా మార్చాల‌నేది ముఖ్య‌మంత్రి కేసీఆర్ ల‌క్ష్యం అన్నారు.

ఈ సంద‌ర్భంగా నాయ‌కుల‌కు మ‌రో హెచ్చ‌రిక కూడా చేశారు మంత్రి కేటీఆర్! ప‌ట్ట‌ణ ప్ర‌గ‌తి కార్య‌క్ర‌మంలో భాగంగా మున్సిపాలిటీల‌ వార్డుల్లో మొక్క‌లను పెద్ద సంఖ్య‌లో నాయ‌కులు నాటుతున్నారు. ఇది మంచి విష‌య‌మే. వీటిలో క‌నీసం 85 శాతం మొక్క‌లు బ‌తికి తీరాల‌నీ, ఈరోజు ఆడంబ‌రంగా పాతేసి, ఆ త‌రువాత వాటిని ప‌ట్టించుకోకుండా ఉంటే కుద‌ర‌ద‌న్నారు కేటీఆర్. ఇదీ ఓకే! అయితే, మొక్క‌ల బాధ్య‌త‌లు కౌన్సిల‌ర్లు తీసుకోవాల‌నీ, అవి బ‌త‌క్క‌పోతే కౌన్సిల‌ర్ల ప‌ద‌వులు ఊడ‌గొట్ట‌డం ఖాయ‌మ‌న్నారు కేటీఆర్. భ‌వ‌న నిర్మాణ అనుమ‌తులు మ‌రింత సుల‌భ‌త‌రం చేసేందుకు ఏప్రిల్ 2 నుంచి టీఎస్ బీపాస్ విధానం అమ‌ల్లోకి తెస్తామ‌ని మంత్రి కేటీఆర్ ఈ సంద‌ర్భంగా చెప్పారు.

ప‌ద‌వులు ఊడ‌గొడ‌తా అంటూ మున్సిప‌ల్ ఎన్నిక‌ల ప్ర‌చార స‌మ‌యం నుంచే నాయ‌కుల‌కు కేటీఆర్ వార్నింగులు ఇస్తూ వ‌స్తున్నారు. ప‌ట్ట‌ణ ప్ర‌గ‌తి విజ‌య‌వంతం చేయ‌క‌పోతే ప‌ద‌వులు పీకేస్తామ‌ని గ‌త‌వారంలోనే వార్నింగ్ ఇచ్చారు. ఇప్పుడు… మొక్క‌లు బ‌త‌క్క‌పోతే ప‌ద‌వులు ఊడ‌గొడ‌తామంటున్నారు. కేటీఆర్ ఒక్క‌రే కాదు… మంత్రి ఎర్ర‌బెల్లి ద‌యాక‌ర రావు కూడా ప‌ట్ట‌ణ ప్ర‌గ‌తి ప్రారంభానికి ముందు రోజు నాయ‌కుల‌తో మాట్లాడుతూ… స‌రిగా పనిచేయ‌క‌పోతే ప‌ద‌వులు పోతాయి జాగ్ర‌త్త అంటూ మాట్లాడారు! ఒక‌సారి చెప్తే చాల‌దా..? ప‌దేప‌దే ప్ర‌తీ అంశంలోనూ ప‌ద‌వులు పీకేస్తామ‌ని బెదిరించాలా..? మొక్క‌లు పెంచాల్సిన బాధ్య‌త‌ను, అవ‌స‌రాన్ని నాయ‌కుల‌కు తెలిసేలా చేయాలిగానీ… ప్ర‌తీదానికీ ప‌ద‌వులు పీకేసుడేనా తార‌క‌ మంత్రం?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆదర్శప్రాయ వ్యక్తిగా తనకు తాను సర్టిఫికెట్ ఇచ్చుకున్న తమ్మినేని..!

ఆంధ్రప్రదేశ్ అసెంబ్లీ స్పీకర్ తమ్మినేని సీతారాం.. తనను తాను ఆదర్శప్రాయ వ్యక్తిగా సర్టిఫికెట్ ఇచ్చుకున్నారు. ఆదర్శ ప్రాయ వ్యక్తిగా.. స్పీకర్ హోదాలోనే కోర్టులపై కామెంట్లు చేశానని చెప్పుకొచ్చారు. న్యాయవ్యవస్థపై.. తమ్మినేని సీతారాం రెండురోజుల...

ఇక రామ్ చ‌ర‌ణ్… వెబ్ సిరీస్‌

రాబోయే రోజుల్లో వెబ్ సిరీస్‌లు వినోద రంగాన్ని ఆక్ర‌మించ‌బోతున్నాయి. సినిమాల్ని మించిన మేకింగ్‌, కంటెంట్‌తో వెబ్ సిరీస్‌లు ప్రేక్ష‌కుల‌కు వినోదాన్ని అందిస్తున్నాయి. వాటి ప్రాధాన్య‌త‌ని స్టార్లు ఇప్పుడిప్పుడే గుర్తిస్తున్నారు. స‌మంత‌, త‌మ‌న్నా లాంటి...

బాల‌య్య‌తో అమ‌లాపాల్‌?

నంద‌మూరి బాల‌కృష్ణ - బోయ‌పాటి శ్రీ‌ను కాంబినేష‌న్ లో ఓ చిత్రం రూపుదిద్దుకుంటోంది. `మోనార్క్‌` అనే పేరు ప‌రిశీల‌న‌లో ఉంది. బాల‌య్య పుట్టిన రోజున‌... ఓ ప‌వ‌ర్ ఫుల్ టీజ‌ర్ విడుద‌ల చేశాడు...

అమరావతి విషయంలో ప్రధానిపై భారం వేస్తున్న చంద్రబాబు..!

అమరావతి రైతుల ఉద్యమం ప్రారంభమై రెండు వందల రోజులు పూర్తయిన సందర్భంగా... దేశంలోని అన్ని రాజకీయ పార్టీలు..వర్గాలు..మేధావుల నుంచి మద్దతు లభిస్తోంది. వర్చవల్ పద్దతిలో అందరూ.. పెద్ద ఎత్తున తమ సంఘిభావం తెలియచేస్తున్నారు....

HOT NEWS

[X] Close
[X] Close