కేరళ మార్క్ : సీబీఐ, ఎన్‌ఐఏ రాజకీయ కుట్రపై న్యాయవిచారణ..!

కేంద్ర దర్యాప్తు సంస్థలను అడ్డం పెట్టుకుని భారతీయ జనతా పార్టీ చేస్తున్న రాజకీయం గురించి ప్రత్యేకంగా సాక్ష్యాలు అక్కర్లేదు. ఇతర పార్టీల్లోని నేతలు బీజేపీలో చేరే వరకూ సీబీఐ లేనిపోని కేసులతో వారి వెంట పడుతుంది. బీజేపీలో చేరిన తర్వాత అంతా సైలెంటయిపోతుంది. దాదాపుగా అన్ని రాష్ట్రాల్లోనూ సీబీఐ … సీబీఐకి అనుమతిలేకపోతే ఎన్‌ఐఏ… చివరికి కేరళలాంటి రాష్ట్రాల్లో కస్టమ్స్‌ను అడ్డం పెట్టుకుని కూడా రాజకీయాలు చేస్తున్నారన్న విమర్శలు ఎదుర్కొంటున్నారు. కొద్ది రోజుల క్రితం.. కస్టమ్స్ అధికారులు లీక్ చేసిన ఓ నివేదికలో… గోల్డ్ స్మగ్లింగ్ కేసులో ముఖ్యమంత్రి విజయన్ పాత్ర ఉందని వెల్లడయింది. ఓ పద్దతి ప్రకారం.. రాజకీయ దుష్ప్రచారం చేస్తూ… రాజకీయ కుట్రలో ఈ దర్యాప్తు సంస్థలు భాగమవుతున్నాయని కేరళ ప్రభుత్వం ఆగ్రహంతో ఆ సంస్థలపై న్యాయవిచారణ చేయాలని నిర్ణయించింది.

దర్యాప్తు సంస్థలు తప్పుడు కేసులు.. తప్పుడు విచారణలు.. తప్పుడు స్టేట్‌మెంట్లు వాటి ద్వారా రాజకీయ లబ్ది కోసం చేస్తున్న ప్రయత్నాలను బయట పెట్టడానికి… జ్యూడిషియల్ విచారణ అవసరమని..మాజీ న్యాయమూర్తి నేతృత్వంలో ఈ విచారణ చేయించాలని కేరళ కేబినెట్ నిర్ణయించింది. అయితే ప్రస్తుతం ఎన్నికల కోడ్ అమల్లో ఉంది. ఈ కారణంగా ఈసీ అనుమతి తీసుకుని ఈ కమిషన్‌ను నియమించే అవకాశం కనిపిస్తోంది. ఇప్పటి వరకూ కేంద్ర దర్యాప్తు సంస్థల అధికారానికి తిరుగులేని వారు… రాజకీయంగా ఎవర్ని టార్గెట్ చేయాలనుకుంటే వారిని చేయవచ్చని అనుకున్నారు. కానీ ఇప్పుడు వారి కుట్రలన్నీ బయట పెట్టే అస్త్రం తమ వద్ద ఉందని కేరళ అధికార పార్టీ ముందుకు వచ్చింది.

ఎన్నికల కమిషన్ అనుమతి మేరకే జ్యూడిషియల్ కమిషన్ నియమించాల్సి ఉంటుంది. అయితే ఎన్నికల కమిషన్ .. ఒక్క బీజేపీ విజ్ఞప్తులను మాత్రమే సీరియస్‌గా తీసుకుంటుంది. ఇతరులు చేసేవన్నీ పట్టించుకోదు. ఇప్పటి వరకూ ఉన్న ట్రాక్ రికార్డు ఇదే. ఈ కారణంగా కేంద్ర దర్యాప్తు సంస్థలపై జ్యూడిషియల్ విచారణ కమిషన్‌కు… ఈసీ అనుమతి నిరాకరించడం ఖాయమన్న చర్చ జరుగుతోంది. అయితే కేరళలో మళ్లీ పినరయి విజయన్ సర్కారే వస్తుందని సర్వేలు వెల్లడిస్తున్నాయి. ఈ కారణంగా ఈ కేబినెట్ నిర్ణయం….. అలా కొనసాగిస్తే.. కేంద్ర దర్యాప్తు సంస్థలకు ఇబ్బందులు తప్పవన్న అంచనాలు వెలువెడుతున్నాయి. అరాచకాలు పెచ్చు మీరితే.. ఎక్కడో ఓ చోట అడ్డు కట్ట పడక తప్పదు. ఇప్పుడు కేరళ నుంచి అలాంటిది ప్రారంభమయిందని భావించవచ్చు.

దేశంలో వ్యవస్థలపై ప్రజలు నమ్మకం పోయేలా పాలకులు వాటిని ఉపయోగించుకుంటున్నారు. కేంద్ర దర్యాప్తు సంస్థలంటే ఒకప్పుడు… చాలా ఇమేజ్ ఉండేది.కానీ ఇప్పుడు రాజకీయ చట్రంలో ఇరుక్కుపోయి… అధికార పార్టీకి మిత్రపక్షాలుగానే భావిస్తున్నారు.ఈ సంస్థల వల్ల ప్రజలకు మేలు జరుగుతుందని ప్రజలు కూడా నమ్మలేకపోతున్నారు. అధికారపక్షంలో ఉండే అక్రమార్కులకు అండగా ఉండేందుకు ఇతర పార్టీలను వేధించేందుకు మాత్రమే ఉపయోగపడే సంస్థలుగా మారిపోయాయన్న అభిప్రాయం ప్రజల్లో ఏర్పడుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పోలీసులు కొట్టారని RRR ఫిర్యాదు, పోలీసుల పై హైకోర్టు ఆగ్రహం

రాష్ట్రాన్ని కరోనా వైరస్ అతలాకుతలం చేస్తుంటే, అదే సమయంలో వైఎస్ఆర్సీపీ ఎంపీ రఘురామకృష్ణంరాజు ని జగన్ రెడ్డి సర్కార్ అరెస్టు చేయడం రాష్ట్రంలో తీవ్ర దుమారం రేపుతోంది. విపక్షాలు మొదలుకొని సామాజిక వర్గ...

ఆహా కోసం రెండు క‌థ‌లు సిద్ధం చేసిన మారుతి

మెగా కుటుంబంతో మారుతికి విడ‌దీయ‌రాని అనుబంధం ఉంది. అల్లు శిరీష్ తో త‌ప్ప‌.. మెగా హీరోలెవ‌రితోనూ సినిమాలు చేయ‌క‌పోయినా మంచి రాపో ఏర్ప‌డింది. అల్లు అర్జున్ కి మారుతి చాలా క్లోజ్‌. అల్లు...

టెన్త్ పరీక్షలు నిర్వహిస్తాం : ఏపీ సర్కార్

పదో తరగతి పరీక్షలు రద్దు చేయాలంటూ ముఖ్యమంత్రి జగన్‌కు లోకేష్ రాసిన లేఖపై ఏపీ విద్యా మంత్రి సురేష్ పరోక్షంగా స్పందించారు. పరీక్షలు జరిగితీరుతాయని విద్యార్థులు ప్రిపేర్ కావాలని ఆయన పిలుపునిచ్చారు. షెడ్యూల్...

పవన్ సరే ఆ బాధ్యత అధికార పార్టీకి లేదా..!?

రఘురామకృష్ణరాజును అరెస్ట్ చేయడంపై పవన్ కల్యాణ్ స్పందించారు. ఇది కరెక్ట్ సమయం కాదని .. ముందు కోవిడ్ రోగుల గురించి పట్టించుకోవాలని ఆయన డిమాండ్ చేశారు. అయితే.. పవన్ కల్యాణ్ లేఖపై వైసీపీ...

HOT NEWS

[X] Close
[X] Close