‘క‌ల్కి’లో ‘ఖైదీ’ సీన్!

‘క‌ల్కి’ సినిమా చూసిన‌వాళ్లంద‌రికీ ఓ సీన్ త‌ప్ప‌కుండా గుర్తుండే ఉంటుంది. రాజ‌శేఖ‌ర్ ఓ థియేట‌ర్లో కూర్చుని సినిమా చూస్తుంటే ‘సాగ‌ర సంగ‌మం’లోని ‘త‌కిట త‌థిమి’ అనే పాట వ‌స్తుంటుంది. రాజ‌శేఖ‌ర్‌ని వెదుక్కుంటూ రాహుల్ రామ‌కృష్ణ అక్క‌డికి వ‌స్తాడు.

నిజానికి ఆ స‌మ‌యంలో తెర‌పై ‘ఖైదీ’లోని సీన్ ని ప్లే చేశారు. అక్క‌డ చిరంజీవిని ఉద్దేశిస్తూ ఓ డైలాగ్ కూడా రాజ‌శేఖ‌ర్‌తో కూడా చెప్పించారు. ‘ఎవ‌డీ కుర్రాడు బాగా చేస్తున్నాడు.. త‌ప్ప‌కుండా ఫ్యూచ‌ర్‌లో స్టార్ అవుతాడు’ అనే డైలాగ్ అది. ‘క‌ల్కి’ 1983 నేప‌థ్యంలో సాగే క‌థ. చిరంజీవి అప్ప‌టికి స్టార్ అవ్వ‌లేదు. కాబ‌ట్టి… ఈ డైలాగ్ స‌రిగ్గా సరిపోయింది.

కానీ ఆ త‌ర‌వాత దాన్ని ‘సాగ‌ర సంగ‌మం’గా మార్చి రీషూట్ చేశారు. చిరంజీవి సీన్‌ని పెట్టుంటే మంచి అప్లాజ్ వ‌చ్చేది. కాక‌పోతే.. ‘చిరంజీవిని వాడుకున్నాడు’ అంటూ చిరంజీవి ఫ్యాన్స్ ఎక్క‌డ త‌న‌ని టార్గెట్ చేస్తారో అని… ఈ సీన్‌ని మార్చి రాయించాడ‌ట రాజ‌శేఖ‌ర్‌. ‘గ‌రుడ‌వేగ‌’ స‌మ‌యంలో చిరుతో ప్ర‌చార చిత్రాన్ని ఆవిష్క‌రింప‌జేశాడు రాజ‌శేఖ‌ర్‌. ఆ సినిమా హిట్ట‌య్యింది. ఆ త‌ర‌వాత రాజ‌శేఖ‌ర్ వైకాపాలో చేరారు. ప‌వ‌న్ క‌ల్యాణ్‌కి వ్య‌తిరేకంగా గాజువాక‌లో ప్ర‌చారం కూడా చేశారు. ఆ స‌మ‌యంలో చిరంజీవి ఫ్యాన్స్ నుంచి విమ‌ర్శ‌లు, శాప‌నార్థాలూ వినిపించాయి. ‘అవ‌స‌ర‌మైన‌ప్పుడు చిరంజీవిని వాడుకున్నావ్‌’ అంటూ ట్రోల్ చేశారు. ఇప్పుడు కూడా తెర‌పై చిరంజీవి సీన్‌ని చూపిస్తే.. అలాంటి ట్రోల్స్ ఎదుర్కోవాల్సివ‌స్తుంద‌నేది రాజ‌శేఖ‌ర్ భ‌యం. అందుకే ఖైదీ సీన్ లేపేశారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com