వంగవీటి రాధాను ప్లాన్డ్‌గా కొడాలి ఇరికించేశారా !?

వంగవీటి రాధాకృష్ణ ఆదివారం వేడుకకు హాజరయ్యారు. ఆ సమయంలో ఆ ఫంక్షన్ హాల్లో కొడాలి నాని కూడా ఉన్నారు. ఇద్దరూ పాత మిత్రులు కావడంతో మాట్లాడుకున్నారు. వారు మాట్లాడుకున్నది ప్రత్యేకంగా మీడియాలో వచ్చేలా చేయడంలో కొడాలి నాని వర్గీయులు సక్సెస్ అయ్యారు. దాంతో పాటు వంగవీటిని వైసీపీలోకి ఆహ్వానించారని ..ఎమ్మెల్సీ ఇస్తారని మంచి ప్రాధాన్యం కూడా ఇస్తారన్న ప్రచారం ప్రారంభించారు. అయితే దీని వెనుక కొడాలి నాని వ్యూహం ఉందన్న అభిప్రాయం వంగవటి రాధా వర్గీయులు వ్యక్తం చేస్తున్నారు.

వంగవీటి రాధాకృష్ణ ఇటీవలి కాలంలో గుడివాడపై దృష్టి పెట్టారు. ఆయన తరచూ అక్కడ పర్యటిస్తున్నారు. గుడివాడలో కాపు సామాజికవర్గం కూడా బలంగా ఉంటుంది. గత ఎన్నికల్లో టీడీపీ తరపున దేవినేని అవినాష్ నిలబడినప్పుడు కొడాలి నాని తన ప్రచారం కాపు వర్గాన్ని రెచ్చగొట్టేలా వంగవీటి రంగా హత్యను పదే పదే ప్రస్తావించారు. అది వర్కవుట్ అయింది. అయితే ఇప్పుడు అదే అవినాష్ వైసీపీలో ఉన్నారు. గుడివాడలో టీడీపీకి బలమైన అభ్యర్థి లేరు. విజయవాడ సిటీలో టీడీపీకి అభ్యర్థులు ఉన్నారు. గుడివాడపై దృష్టి పెట్టమని టీడీపీ హైకమాండ్ చెప్పిందో లేకపోతే వచ్చే ఎన్నికలకు ఇప్పటి నుంచే వంగవీటి ప్రత్యేకంగా కసరత్తు ప్రారంభించారో కానీ గుడివాడలో పర్యటించడం ప్రారంభించారు.

వంగవీటి గుడివాడపై దృష్టి పెట్టారన్న ప్రచారం ప్రారంభం కాగానే కొడాలి నాని వర్సెస్ వంగవీటి పోరు రసవత్తరంగా ఉంటుందన్న అభిప్రాయం వినిపించడం ప్రారంభమైంది. ఈ క్రమంలో కొడాలి నాని.. వీలైనంత వరకూ రాజకీయం చేసి వంగవీటి గుడివాడ పర్యటనల ప్రాధాన్యతను తగ్గించే ప్రయత్నం చేస్తున్నారన్న అభిప్రాయం వినిపిస్తోంది. వైసీపీలో తీవ్ర అవమానాల పాలైన వంగవీటి ఇప్పుడు ఎమ్మెల్సీ కోసం ఆ పార్టీలోకి వెళ్లడం సాధ్యం కాదని ఆయన అనుచరులు నమ్ముతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీ నీడ పడితేనే భయపడిపోతున్న ఏపీ పార్టీలు !

ఆంధ్రప్రదేశ్‌లో వైసీపీకి మిత్రపక్షం అన్న పార్టీనే లేదు. ఆ పార్టీతో పెట్టుకోవడం కన్నా సైలెంట్ గా ఉండటమే మంచిదని రాజకీయ పార్టీలు అనుకుంటున్నాయి. వైసీపీ కూడా అంతే. కొంత మంది నాయకులకు...

ముందస్తు దిశగా కేసీఆర్ స్పీడ్ !

రాజకీయ పార్టీల నేతల మాటలకు అర్థాలే వేరని కొత్తగా చెప్పుకోవాల్సిన పని లేదు. అవునంటే కాదని.. కాదంటే ఔనని.. ఒక్కో సారి... ఔనంటే.. అవుననే అర్థం చేసుకోవాలి. ఆ మాటల్లో అర్థం.. ఎలా...

ఉద్యోగులు ఎవరి కాళ్లు పట్టుకోవాలి బొత్స సారూ !?

ఉద్యోగులు ప్రభుత్వ పెద్దల కాళ్లు పట్టుకుని అయినా సమస్యలు పరిష్కరించుకోవాలి కానీ.. పదే పదే ఉద్యమం అనడం కరెక్ట్ కాదని మంత్రి బొత్స సత్యనారాయణ ఉద్యోగులకు సలహా ఇచ్చారు. ఎక్కడో కాదు.....

బీజేపీ, టీఆర్ఎస్ మధ్య మళ్లీ పాదయాత్ర అనుమతి రచ్చ !

బండి సంజయ్ ఐదో విడత పాదయాత్రను సోమవారం నుంచి ప్రారంభించాలనుకున్నారు. ఆదిలాబాద్ జిల్లా భైంసా నుంచి యాత్ర ప్రారంభం కావాల్సి ఉంది. బీజేపీ అన్ని ఏర్పాట్లు చేసుకుంది. అయితే పోలీసులు మాత్రం చివరి...

HOT NEWS

css.php
[X] Close
[X] Close