అసెంబ్లీ ఫర్నీచర్ ను అక్రమంగా తీసుకెళ్లారంటూ.. పోలీసులు కేసు నమోదు చేయడంతో.. మాజీ స్పీకర్ కోడెల శివప్రసాదరావు… హైకోర్టును ఆశ్రయించారు. తమ వద్ద ఉన్న అసెంబ్లీ ఫర్నిచర్‌ను స్వాధీనం చేసుకోవాల్సిందిగా.. అసెంబ్లీ అధికారులను ఆదేశించాలని కోడెల శిపప్రసాదరావు పిటిషన్‌లో కోరారు. ఫర్నిచర్‌ను అప్పగిస్తానని అసెంబ్లీ అధికారులకు.. జూన్‌లోనే లేఖ రాశానని అయినా పట్టించుకోలేదని… ఇప్పుడు కేసుల రూపంలో వేధింపులు ఎదురవుతున్నాయని కోడెల చెబుతున్నారు. అయితే.. కోడెల పిటిషన్‌పై… ఏపీ సర్కార్ అభ్యంతరం వ్యక్తంచేసింది. తమ వాదనలు కూడా వినాలని ప్రభుత్వ న్యాయవాది కోరారు. దాంతో విచారణను మంగళవారానికి హైకోర్టు వాయిదా వేసింది. కొద్ది రోజులుగా… అసెంబ్లీ ఫర్నీచర్ కు సంబంధించి కోడెలపై తీవ్రమైన ఆరోపణలు వస్తున్నాయి. తన దగ్గర ఫర్నీచర్ ఉందని… అధికారులు వస్తే అప్పగిస్తానని ఆయన చెబుతున్నారు.
గతంలో.. లేఖలు రాశానని కూడా చెబుతున్నారు. అయితే.. అసెంబ్లీ అధికారులు మాత్రం… కోడెల ఉన్నదని చెబుతున్న ఫర్నీచర్‌ను.. ఆయన వద్ద నుంచి తీసుకునే ప్రయత్నం చేయలేదు కానీ… కోడెల, ఆయన కుమారుడికి సంబంధించిన ఇళ్లు, వ్యాపార సంస్థల్లో సోదాలు చేసి.. అక్కడ వినియోగిస్తున్నారని చెబుతూ.. కేసులు నమోదు చేశారు. ఈ క్రమంలో కోడెల శివప్రసాదరావు తనపై వేధింపులకు పాల్పడుతున్నారని ఆరోపిస్తున్నారు. స్పీకర్ గా ఉన్నప్పుడు.. తన క్యాంప్ కార్యాలయాల్లో ఫర్నీచర్ ఉంచానని చెబుతున్నారు. . కారణాలు ఏమైనా… ఆయన తీవ్ర ఒత్తిడికి గురై.. ఆస్పత్రి పాలయ్యారు.
ఈ క్రమంలో పోలీసులు మరో అడుగు ముందుకు వేసి.. అసెంబ్లీ ఫర్నీచర్ ను సొంతానికి వాడుకున్నారంటూ కేసులు నమోదు చేశారు. ఇస్తానన్నా తీసుకోకుండా.. కుట్ర పూరితంగానే..కేసులు నమోదు చేస్తున్నారని నిర్ణయానికి వచ్చిన కోడెల కోర్టుకును ఆశ్రయించారు. అయితే.. ప్రభుత్వం.. తమ వాదన వినిపించాలని నిర్ణయించుకుంది. కేసులు పెట్టడాన్ని ప్రభుత్వం సమర్థించుకోవడం ఖాయంగా కనిపిస్తోంది. ఏదైనా ఫర్నీచర్ ఎపిసోడ్‌లో కీలక పరిణామాలు చోటు చేసుకోవడం ఖాయంగా కనిపిస్తోంది.
