ప‌వ‌న్‌క‌ల్యాణ్‌తో సినిమా చేయాల‌న్న కోరిక ప్ర‌తీ ద‌ర్శ‌కుడికీ ఉంటుంది. స్టార్ హీరోతో సినిమా చేయ‌డంలో ఉన్న సౌల‌భ్యాలే వేరు. అందుకే ప‌వ‌న్‌లాంటి హీరోల క్రేజ్‌ని దృష్టిలో ఉంచుకొని క‌థ‌లు రాస్తుంటారు. ప్ర‌స్తుతం ద‌ర్శ‌కుడు క్రిష్ కూడా అదే ప‌నిలో ఉన్నాడ‌ని టాక్‌. గ‌మ్యం, వేదం, కృష్ణంవందే జ‌గద్గురుమ్‌, గౌత‌మిపుత్ర…. ఇలా వైవిధ్య‌మైన సినిమాల‌తో త‌న‌కంటూ ఓమార్క్ సృష్టించుకొన్నాడు క్రిష్. ఇప్పుడు బాలీవుడ్‌లో మ‌ణిక‌ర్ణిక రూపొందిస్తున్నాడు. ఆ త‌ర‌వాత తెలుగులో చేయ‌బోయే సినిమా కోసం ఇప్ప‌టి నుంచే స‌న్నాహాలు చేసేసుకొంటున్నాడు. అందులో భాగంగా ప‌వ‌న్ కోసం ఓ క‌థ రాసుకొనే ప‌నిలో ఉన్నాడ‌ని టాక్‌. కంచె కంటే ముందు… ప‌వ‌న్‌తో సినిమా చేయ‌డానికి శ‌త‌విధాల ప్ర‌య‌త్నించాడు క్రిష్.కానీ అది కార్య‌రూపం దాల్చలేదు. ఈసారి మాత్రం ప‌వ‌న్‌ని తన కథతో మెప్పించాల్సిందేన‌ని గ‌ట్టిగా డిసైడ్ అయ్యాడ‌ట. మహేష్ బాబు కోసం త్ర‌యం అనే క‌థ సిద్దంచేశాడు క్రిష్. కానీ దాన్నిప‌ట్టాలెక్కించ‌డంలో విఫ‌లం అయ్యాడు. బ‌డా హీరోల‌తో ప‌నిచేసే అవ‌కాశాలు వ‌చ్చిన‌ట్టే వ‌చ్చి చేజారిపోయాయి. అయితే గౌత‌మి పుత్ర‌తో స్టార్ హీరోల్నీ హ్యాండిల్ చేయ‌గ‌ల‌న‌ని నిరూపించుకొన్నాడు. అందుకే ఈసారి ప‌వ‌న్‌తో క్రిష్ కాంబో సెట్ట‌య్యే ఛాన్సులు పుష్క‌లంగా ఉన్న‌ట్టే అనుకోవాలి.
ప‌వ‌న్ కోసం క్రిష్ క‌స‌ర‌త్తులు
