ఆడియో రైట్స్ రోజుకో రీతిన మారుతుంటాయి. చిన్న చిన్న రేట్లకే ఆడియో రైట్స్ ని చేజిక్కించుకొని, ఆ పాటలు హిట్టయితే, బీభత్సంగా సొమ్ము చేసుకొనే పనిలో పడ్డాయి ఆడియో కంపెనీలు. ఓ సినిమాని కంపెనీకు అమ్మేసిన తరవాత… బోలెడన్ని కండీషన్లకు, గందరగోళాలకు తలొగ్గాల్సి ఉంటుంది. అవన్నీ భరించలేకే.. సొంత ఆడియో కంపెనీల వైపు నిర్మాతలు దృష్టి సారిస్తున్నారు. అందులో భాగంగా కృష్ణవంశీ
`SILK` పేరుతో ఓ ఆడియో కంపెనీ మొదలెట్టారు. `రంగమార్తండ` పాటలు ఈ కంపెనీ నుంచే విడుదల అవుతాయి. ‘SILK’ అంటే ఎబ్రివేషన్ కూడా ఉంది. ఇందులో ‘S’ అంటే సీతారామశాస్త్రి. ‘IL’ అంటే ఇళయరాజా. ‘K’ అంటే కృష్ణవంశీ. కృష్ణవంశీకి సీతారామశాస్త్రి అంటే చాలా ఇష్టం. ప్రేమ. సిరివెన్నెల సీతారామ శాస్త్రికి ఆయన దత్తపుత్రుడు. మరోవైపు ఇళయరాజాకి వీరాభిమాని. అలా తనకు ఇష్టమైన ఇద్దరు వ్యక్తుల పేర్లతో, తన పేరుని ముడిపెడుతూ ఓ పేరు సృష్టించాడు కృష్ణవంశీ.