5న “సీమ”లో కేఆర్ఎంబీ టూర్..! జగన్ అంగీకరిస్తారా..?

కృష్ణా రివర్ మేనేజ్‌మెంట్ బోర్డు మరోసారి ఏపీలోని రాయలసీమ ఎత్తిపోతల పథకాన్ని సందర్శించేందుకు తేదీ ఖరారు చేసుకుంది. సీమ ఎత్తిపోతల ప్రాంతాన్ని పరిశీలించి అక్కడేమైనా పనులు జరుగుతున్నాయో లేదో పరిశీలించి నివేదిక ఇవ్వాలని నేషనల్ గ్రీన్ ట్రిబ్యూనల్.. కేఆర్ఎంబీని ఆదేశించింది. ఏపీ ప్రభుత్వంతో సంబంధం లేదని నేరుగా వెళ్లి పరిశీలించి నివేదిక ఇవ్వాలని ఆదేశించింది. దీంతో కేఆర్ఎంబీ.. తేదీని ఖరారు చేసుకుంది. లాంఛనంగా సమాచారాన్ని ఏపీ ప్రభుత్వానికి ఇచ్చింది. అయితే.. కమిటీలో తెలంగాణ ప్రతినిధులు వద్దని ఏపీ సర్కార్ అభ్యంతరం వ్యక్తం చేస్తోంది.

నిజానికి కేఆర్ఎంబీ ఇప్పటికే పలుమార్లు ఆ ప్రాంతంలో పర్యటించాలని అనుకుంది. కానీ ఏపీ సర్కార్ వద్దే వద్దని తేల్చిచెబుతోంది. దీంతో రక్షణ ఉండదన్న కారణంగా కృష్ణాబోర్డు బృందం అక్కడ పర్యటించలేదు. ఎన్జీటీ ఆదేశాలను కూడా ఏపీ సర్కార్ పట్టించుకోలేదు. దీంతో తెలంగాణ సర్కార్ కోర్టు ధిక్కరణ పిటిషన్ వేసింది. ఈ పిటిషన్‌పై విచారణ జరిపిన ఎన్జీటీ… ఎట్టి పరిస్థితుల్లోనూ అక్కడకు వెళ్లి పనులను పరిశీలించి.. నివేదిక ఇవ్వాలని ఆదేశించింది. ఈ మేరకు ఐదో తేదీన కేఆర్ఎంబీ బృందం సిద్ధమయింది.

సీమ ఎత్తిపోతులకు అనుమతుల్లేవని.. అయినా నిర్మిస్తోందని తెలంగాణ ప్రభుత్వం అభ్యంతరం వ్యక్తం చేస్తోంది. ఈ ప్రాజెక్టును నిలిపివేయాలని చాలా కాలంగా కృష్ణాబోర్డు కూడా ఏపీ ప్రభుత్వానికి చెబుతూ వస్తోంది. అయితే.. ఏపీ సర్కార్ మాత్రం అక్కడ పనులేమీ జరగడం లేదని.. డీపీఆర్‌కు అవసరమైన సర్వే పనులు మాత్రమే చేస్తున్నామని చెబుతోంది. కానీ అక్కడ పూర్తి స్థాయి పనులు చేస్తున్నారని ఎన్జీటీకి ఫిర్యాదులు రావడంతో విచారణ జరిపిస్తోంది. గతంలోనే పర్యావరణ అనుమతులు లేవని ఎన్జీటీ స్టే ఇచ్చింది. స్టే ఇచ్చినా ఏపీ ప్రభుత్వం నిర్మిస్తే.. చీఫ్ సెక్రటరీని జైలుకు పంపుతామని ఎన్జీటీ అప్పుడే హెచ్చరించింది.

కేఆర్ఎంబీ కమిటీని ఏపీ సర్కార్ అనుమతిస్తుందా.. అనుమతిస్తే ఆ కమిటీ ఏ రిపోర్టు ఇస్తుందన్నది ఇప్పుడు ఆసక్తికరంగా మారింది. అక్కడ పనులు జరుగుతున్నాయని నివేదిక ఇస్తే ఏపీ ప్రభుత్వ ఉన్నతాధికారులు చిక్కుల్లో పడే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జనసైనికుల్ని రెచ్చగొట్టేందుకు వైసీపీ దింపుడు కళ్లెం ఆశలు !

ఆంధ్రప్రదేశ్ రాజకీయాల్లో కీలక పరిణామం పూర్తయింది. టీడీపీ, జనసేన మధ్య సీట్ల సర్దుబాటు పూర్తయింది. ఏ సీట్లలో పోటీ చేయాలో కూడా ఓ నిర్ణయానికి వచ్చారు. అయితే పవన్ 24 సీట్లే తీసుకున్నారంటూ.....

విచారణకు రాను – సీబీఐకి కవిత లేఖ

ఢిల్లీ లిక్కర్ స్కాంలో విచారణకు తాను హాజరు కావడం లేదని సీబీఐకి ఎమ్మెల్సీ కవిత లేఖ రాశారు. సీఆర్పీసీ సెక్షన్ 41ఏ కింద జారీ చేసిన నోటీసులను రద్దు చేయండి...

మళ్లీ ఉద్యోగుల పోరాటం ప్రభుత్వానికి తాకట్టు !

ఎన్నికలకు ముందు ఉద్యోగ నేతలు ఆందోళనలు అంటూ హడావుడి చేశారు. కానీ అదంతా స్క్రిప్టెడ్ అని.. ఏమీ చేయకపోయినా ఏదో ఇచ్చినట్లుగా హడావుడి చేయడానికని మొదటి నుంచి అనుమానాలుననాయి. ఇప్పుడు అదే నిజం...

అభిప్రాయం : జనసేన శ్రేణుల అంతర్మధనం

2024 ఎన్నికల రాజకీయ వేడి రాజకుంది. తెలుగు దేశం పార్టీజనసేన కలిసి ఏర్పాటు చేసుకున్న పొత్తు లో భాగం గా జనసేన 24 ఎమ్మెల్యే సీట్ల లో పోటీ చేస్తుందని చంద్రబాబు -పవన్...

HOT NEWS

css.php
[X] Close
[X] Close